شو الحل ويا ريش الكناري ؟

[dubai 2009]

السلام عليكم

شباب انا عندي طير كناري وهو في مرحلة القلش وريشه ويطيه وامتنع عن التغريد الا ساعات شوي بس يصفر وصوته يكون واطي

والطير كمل اكثر عن شهر

ولا زال يطيح ريشه

وعندي لكم سوال

في صابون خاص حق الكناري عشان اسبحه ؟

ولا يصير استخدم صابون اليد واسبحه وهذا ما يظره ؟

لاني اسبحه بالماي بس احاول ما اخلي الماي ايي على راسه لكن يوم اسبحه تطلع ريحة خايسة منه خخخخ عشان جي فكرت بالصابون

انزين شو الحل ويا ريش الكناري ؟

[dubai 2009]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[dubai 2009]

افا ماشي ردود يا شباب

[mll]

اللي أعرفه أن مايصلح تسبح الناري حطله ماي بالقفص وهو يسبح نفسه

[صوغة]

انا عندي كناري وكل يومين احط له ماي بعلبه مو عميقه بارضيه القفص وهو ينزل فيها ويسبح نفسه ويرتفع وينظم ريشه

وبعدين الي تشمه مو ريحه خايسه هذه ريحة الريش اذا جا عليه الماي قريب من ريحة الصوف شوي

واما من ناحية الريش اصبر ونظم أكله من جرجير وكالسيوم واملاح وحتى فاكهة وبيرجع ريشه

هذا الشي طبيعي كناريي من النوع ابو شوشة كان نص راسه بلا ريش بس الحين تغطا بالريش

وبالنسبه للغناء اعتقد طاقه الكناري تروح وقت تغيير الريش اصبر لين يكتمل ريشه وترجع طاقته

وعلى فكرة الكناري مغرم بوجبه البيض والبقسماط حط له منها مرتين بالاسبوع

وان شاءالله يرجع يسمعك احلى الالحان وقد سبقك من طرح موضوع ان كناريه توقف على الغناء وهناك من نصحه بوضع فيتامين بماي الشرب وهناك من نصح بوضع انثى معه

وهذا الرابط

http://www.2zoo.com/vb/showthread.php?t=117067

شوف الحل المناسب وطبقه

[الرولر الأبيض]

فترة طرح الريش حسب حرارة الأجواء

فكلما كانت درجة الحرارة عالية كانت فترة تبديل الريش أسرع

وهي في الغالب ما تتجاوز الشهرين في أجواء المنزل الباردة .

وإذا تبين يبدل ريش بشكل سريع : عليك بوضع الماء ليسبح

وبدون صابون ( لأنه مضر لعين الطير ) ويكون شبه يومي .

وأيضاً يوم في الأسبوع ربع بيضة ويوم آخر جرجير ويوم تفاح .

[ابراهيم الشيخ]

السلام عليكم
الاخ الكريم اياك واستخدام اي نوع صابون في حمام الكنار لانه مضر بكل اشكاله
وبالنسبة للتصفير من الطبيعي ان يقل او حتى ينعدم لدى بعض الطيور في مرحلة غيار الريش وممكن تساعد الطير من خلا تنويع الغذاء بشكل متوازن في هذه المرحلة
بالنسبة لحمام الطائر اترك الطائر يستحم بنفسه وممكن ان تضيف لماء الحمام قطرات قليلة من خل التفاح مرة
او اليود المضاف له البادوفين مرة اخرى يعني مرة يود و مرة خل او ملح انجليزي و بكميات قليلة جدا 5 نقاط لكل لتر ماء مستخدم في حمام الطيور