الحقونــي ورطــه - حمام البســه

[mr_alqmor]

سلام عليكم
كيف الحال شباب وبنات ان شاء الله تمام

اخدت بسه من قريب تجنن وتلعب واخر حلاوه
ولكن المشكله حمامها الله يكرمكم

فجبتلها كرتون كبير ومليت ربعو تراب الله يكرمكم
ولكن لما تسويها على التراب ريحه الله لا يوريكم ولا يشممكم زيها :12:

وفي بعض الاحيان تدفن عملتها في التراب وبعض الاحيان لا

فايش الحل

مع العلم اني من السعوديه عشان لو في شي اشتريه لها او شي
فياريت افاده كــامله عن حمام البسه

وللمعلوميه في بعض البسس تستخدم حمامات الانسان
بس قالولي انو البسه كبيره وما راح تتعلم ابدا ما دامها كبرت ايش رايكم !

انتظر مســـاعدتكم

[ماس]

لاهي ورطه ولا شي .. التراب من وين ؟؟ شريته ..

المهم انا بحط لك صور مسلتزمات القطه ..

طبعا المجرفه .. بعد ضروريه .. ومو لازم الكيس تحطو مااشوف له داعي ..

http://www.dkimages.com/discover/previews/763/476270.JPG

الرمل ..

http://tbn0.google.com/images?q=tbn:dx00-J9uNLzpNM:http://www.cat4arab.com/mlffat/files/43.gif

طبعا لازم تحطو في ان في تهويه ..

[mr_alqmor]

اول شي يسلمو على ردك
يعطيكِ الف عافيه

تاني شي والله مستحي اقلك من فين جبت التراب :shy:
كدا عند باب بيتنا في كتير فجبت منو


افهم من كلامك انو التراب الي ينباع في المحلات ما يطلع ريحه ؟؟
وقد ايش لازم احط تراب قليل ولا كتير ولكم يوم؟؟
والمجرفه في ايش تفيدني ؟؟

[ماس]

ايوه .. كيس الرمل تلاقيه .. في السربر ماركت .. عند مستلزمات القطط .. او محلات بيع القطط

ايوه اكيد بتخف الريحه كثير .. والمجرفه .. عشان تشيل .. وانت بكرامه البراز .. من التراب ..

وتغيير التراب .. كل اربع او خمس ايام .. مع هذا الاهتمام صدقني مابتشم روايح ههههههههههههههه


والكميه .. ربع الكيس .. مرا تمام ..

وياهلا .. ^^ .. حاضرين ..

[mr_alqmor]

الله يطمنك الحمد لله حخلص من الروايح
ولا ما كان في حل الا اني ارجع البسه او استأصل خشمي هههههه

ايوه اكيد بتخف الريحه كثير .. والمجرفه .. عشان تشيل .. وانت بكرامه البراز .. من التراب ..

الله يكرمك يعني فهمت من كلامك انو البراز وانتي بكرامه ارميه برا
اما الاشوو اخليها في التراب لمده 5 ايام صح

وفعلا تسلمي ويعطيكٍ الف عافيه يارب
ساعدتيني كتير
وكل عام وانتي والجميع بخير

بالتوفيق

[prog]

ツ】ઇ الليـتـربـوكـس .. أجـوبـه لتساؤلاتكم / وحلـول لمشـاكـلـكمઇ【ツ (http://www.2zoo.com/vb/showthread.php?t=101695)


لأهل السعوديه موضوع مفيد لنا السعودين (http://www.2zoo.com/vb/showthread.php?p=1026952#post1026952)

مواضيع إن شاء الله بتفيدكـ ...

موفق

[ماس]

ههههههههههههههههههههههههههههه

ايوه صح عليك .. ربي يعافيك ماسوييت شي ..

وانت بألف خير .. وصحه وسلامه ..

[sisi_moon]

هلا هلا اخوي

مدامك حاط رمل عادي طبيعي تطلع روايح تصررع .. وغير كذا ممكن تتأذى البسه لان الرمل هذا غير معقـم

في نوعيه رمل خاص بالقطط .. اسمه لينغ يان

انا ماستخدمه الا هو .. رهيب رهيب رهييييييييب .. مافي ريحه أبدا أبدا أبدااا ..

بس أهم شي لاتخلي مكان حوض الرمل في الحمام او مكان مكتوم.. لان بكذا تطلع ريحه

بس لا حطيته بمكان يجيه هوواا ومو رطب .. مابتطلع روايح