اريد مساعدة

[3lo0oi]

بسم الله الرحمن الرحيم
السلام عليكم و رحمة الله وبركاته

انا امس شريت لي بلبل صغير :D
مادري جم عمره لكنه صغير (ياكل من يدي)
يعني مايعرف ياكل بروحه
و عندي جم سؤال و إنشاء الله تفيدوني :confused:

اول شي ماعرف شنو ااكله
شريت من المحل شي قال لي هذي أكله (دوائر في كيس)
احطة في الماي لين يصير لين بعدين اعطيه و ساعات اعطيه روتي سليس احطه في الماي
و أتمنى تقولون لي شنو أأكله بعد

ثاني شي ابي اعرف اشلون ادربه
يعني اصفر له يجي لي
أو يطلع من القفص بروحه و يدخل بروحه
إلخ..

و ابي بعد اعرف شنو اسميه
الصراحه ما عندي اسماء حلوه
يعني ابي اناديه بأسمه يجيني
او مو لازم احط له اسم ؟؟؟

و هل أقدر اسبحه في هذي السن
يعني ما بيمرض؟؟ و أشلون

و اشون اخليه يحبني
و وين الأماكن الي يحب امسح عليها

و إذا يصير اعرف جم عمره علموني الطريقة

و اكون شاكر لكم :shy:

[3lo0oi]

وين الخبراء ليش محد يرد علي ؟؟:(

[mwanee]

اهلين اخوي
مبارك عليك الطير ويتربى بعز
اولا الاكل حق المحل حاليا افضل اكل له ليما يكبر وياكل لوحده
ثانيا البلبول ما يتربى الا بطريقة التجويع يعني تجوعه اذا كبر شوي عشان يطلع لك من القفص
حاول تلعبه على طول ولا تحطه مع طيور ثانيه لانه اذا ماتدرب كويس يرجع يصير حذر
بالنسبه للسباحه لاتسبحه الان اليما يقدر اهو يسبح ولا اذا كان مو نظيف بلل اصابعك بمويه ومسح عليه عشان مايمرض
وضروري تخلي لك معاه تصفيره خاصه عشان يميزك من الباقين والاسم كويس تسميه عشان اللي بالبيت ينادونه فيه ويجيهم
والمسح تقدر تمسح على راسه وظهره وصدره

عساني فدتك اخوي
ودمت بود

[3lo0oi]

اهلين اخوي
مبارك عليك الطير ويتربى بعز
اولا الاكل حق المحل حاليا افضل اكل له ليما يكبر وياكل لوحده
ثانيا البلبول ما يتربى الا بطريقة التجويع يعني تجوعه اذا كبر شوي عشان يطلع لك من القفص
حاول تلعبه على طول ولا تحطه مع طيور ثانيه لانه اذا ماتدرب كويس يرجع يصير حذر
بالنسبه للسباحه لاتسبحه الان اليما يقدر اهو يسبح ولا اذا كان مو نظيف بلل اصابعك بمويه ومسح عليه عشان مايمرض
وضروري تخلي لك معاه تصفيره خاصه عشان يميزك من الباقين والاسم كويس تسميه عشان اللي بالبيت ينادونه فيه ويجيهم
والمسح تقدر تمسح على راسه وظهره وصدره

عساني فدتك اخوي
ودمت بود

مشكووووور اخوي mwanee و ماقصرت على المعلومات القيمه

[عبووووووي]

مبرووك الطير والله يوفقك

[احب البلابل]

السلام عليكم ..

اول جواب لازم تعطيه الاكل اللي عطاك اياه راعي المحل اللي هو زي الكور الصغار وتحطه بمويه لما يصير طري شووي وتأكله اياه .. ولا تعطيه شي غيره لما يكبر شوي ويتعمد على نفسه وياكل لحاله .. عشان تتجنب يجيه لا سمح الله اسهال الله يكرمكم او شي مرض ثاني ..

التدريب اللحين توه صغير يعني اجلس جنبه واكله ولعبه بخفيف و شوي شوي بيتدرب عليك .. ولما يكبر ويبدأ يأكل اكله من يدك وراح يتدرب يعني تجوعه وتحط الاكل في يدك وبيجي ياكل من يدك ان شاء الله ..

ممكن تسميه اي شي تحب .. مثلا : وايتي _ سبيد _ شوقر .. اي شي

لالا لا تسبحه ابد ,, هو اذا كبرر حط له صحن عميق شوي فيه ماي وراح يسبح من نفســه لا تخااف بس اللحين لا ماراح يتحمل توه صغيررر ..

هو ان شاء الله اذا اكلته بيتدرب عليك ويحبك ولعبه اذا كبر شووي و عطه حبل صغير او ربطه شعر او شي كذا وبيلعب فيه وحاول تاخذه منه وكذاا بيلعب معك وبيحبك و لا تخاف بيحبك مع الوقت والتدريب

والله يعطيك العافييه ..

واي سؤال انا حاااضرره

[ابوحيدران]

اخي العزيز

هذا موضوع كنت قد كتبته عسى يفيدك
البلابل منها الصغير تعليمه بواسطة الصفير ابتداء ؟؟؟ نعم يستغرب البعض ولكن
نبدأ معه حتى نسمع أول صفاراته ثم تبدأ المهمه والتي تعتمدعلى الطرق التاليه
اسماع ابتدائي لافراخ مبتدئه بالتغريد وهي التي موجوده في منتدانا والتي يتفاخر
بها الزملاء عند بلوغ افراخهم لمرحلة التغريد والتعلم ومن ثم نسمع الطائر الصغير
تغريدات لبلابل ليس من الوزن الثقيل بل تغتاريدها عاديه وليس بها صعوبه وبعدها
نسمع الطائر التساجيل الثقيله من حيث التغريد المتنوع ويلزم في هذه الفتره اخراج
الطائر بسلاكته في باحة الدار او الحديقه لتعلم تغاريد البلابل الطليقه اي البريه ونكون
قد سلكنا بلطائر الى المرام الذي نرغب بأداء التغريدلهذا الطائر
اما الطائر المنزلي او ما يسمى الربه غير المتوحش
والكبير ولكن نطمح منه المزيد
بالامكان تعليمه ويحتاج الى اسلوب ابعاد التسجيل وبفترات متباعده لان طائر البلبل
حساس واذا سمع تغريد قوي ومنوع يلتزم الصمت بعض الاحيان ولكن كلما بعدت الطائر
عن التسجيل يكون افضل وبفترات متقطعه اطولها اربع مرات يوميا وستحصل بمرور الايام
على تغاريد لم تألفها من طائرك من قبل وكم وددت سماعها منه قبل هذه الفتره وبين
الحين والاخر اخراج الطائر في باحة الدار والحديقه لانها ضروريه لتحفيظه من بلابل الطبيعه
لكم جميعا ولك اخي العزيز تحياتي (ونحن بالخدمه ) والف تحيه وسلام

ضروري جدا اسمع تعليقكم


http://www.zshare.net/video/63737836ebae157e/