وشلون اتعامل مع الاسهال

[برتني]

:) سلاااااااااااااااااااام شباب و صبايا:) عندي مشكله مع قطوتي :confused: كل ما قضيت من مرض جاها ثاني:p خلصت من الفطريات جاها اسهال 0000000 ممكن اعرف :rolleyes: وشلون اتعامل معه :o يا ريت تعلموني:)

[قطقوطه]

هلا برتني
اول شي شربيها مويه بيبي لايت موجوده بالصيدليات علشان لا يجيها جفاف
ثاني شي حاولي توقفين اكلها وتاكلينها بس رز مسلوق او دجاج مسلوق طبعا بدون بهارات علشان تمسك معدتها
ثالث شي لازم تعرفين سبب الاسهال وطبعا يفضل تاخذينها للدكتور

وعموما ترى القطط اللصغار كذا ما تخلصين من مرض يجيك مرض ثاني

[برتني]

:p ;) :) مشكورة حبيبتي عالفائدة:) ;) :p

[رياني]

مثل مااللت

[kitten_Q8ia]

اختي وكليها روب و دراي فود و شربيها ماي و اخذي مغذي من البيطري كل 3 ساعات

[صاحبة وفا]

السلام عليكم

هذي شائع جدا بالنسبة للقطط وأول سبب رئيسي يكون الطعام اللي تقدمينه له أو يمكن عنده

ألتهاب بالمعدة أو الأمعاء اذا كانت رائحة برازة كريهة جدا يكون سبب الالتهاب وأحيانا يكون الأسهال

بسبب الحمى .. اذا كان الحمى بتلاحظينه يبغي ينام في مكان بارد ومايتحرك ابدا وأذنة ساخنه

وخشمة رطب .. غيري الطعام اللي كنتيه تعطينه وعطيه جبن سلايس ولاتعطيه حليب ووديه

للدكتور عشان يشوف السبب والدواء المناسب له

[برتني]

مشكور اخوي لكن وشو جبن سلايس يعطيك العافية

[صاحبة وفا]

شرائح الجبن بتحصلية في سوبر ماركت قولي لهم بغيت سلايس جيز ... وجربي خليه يقعد معظم الأوقات من دون أكل وقدميلة شرائح الجبن .. شوية مو وايد .. وقدميلة دجاج أو لحم أو سمك بس لاتكثري ...وطبعا يعتمد على عمر القطو يمكن قطوتج صغيرة فماتتحمل معدتها بعض الأكل مثل اللحم أو الطعام الثقيل مثل اللحم أو أكياس وسكاس للقطط الكبيرة

[قطو_Q8te]

ماقصرو الاعضاء الشكر واصل لهم اكيد ، الجبن سلايس ( الجبن الي ينوضع مع الهمبرجر المربعات).
على فكره ماء الدجاج المغلي من دون توابل وبهارات جدا" مفيد للاسهال ( نصيحة خالي ).