أشتريت الرمادي مع الصور

[ataj2002]

السلام عليكم ورحمة الله و بركاتة

الأعضاء الأعزاء، لقد أشتريت أخيراً الكاسكو أو الكاسيكو،، قولوا ماشالله إذا شفتوه :88: الي شجعني إني أشترية منتداكم الأكثر من رائع،، طلب بسيط من لأعضاء، يوم أشتريتة قالولي نوعة جامبو، وانه قارنت حجمة مع غيرة من الطيور لقيتة أكبر مع العلم أن عمرة صغير على كلام البائع أن عمره من 4 الى خمس شهور،،فهل نوعة جامبو و كم عمرة لو سمحتو؟

على فكرة اليوم عيد ميلادي و هذي أول مشاركة لي :freind:





http://www3.0zz0.com/2009/09/02/01/190173033.jpg (http://www.0zz0.com)



http://www3.0zz0.com/2009/09/02/01/218103816.jpg (http://www.0zz0.com)


http://www3.0zz0.com/2009/09/02/01/227825139.jpg (http://www.0zz0.com)


http://www3.0zz0.com/2009/09/02/01/224776918.jpg (http://www.0zz0.com)


http://www6.0zz0.com/2009/09/02/01/753407047.jpg (http://www.0zz0.com)


http://www6.0zz0.com/2009/09/02/01/797407764.jpg (http://www.0zz0.com)


http://www6.0zz0.com/2009/09/02/01/351508408.jpg (http://www.0zz0.com)


http://www6.0zz0.com/2009/09/02/01/716290830.jpg (http://www.0zz0.com)

[سياره بدون مكيف]

انا يشرفنيي اني اول واحد يرد عليك



مبرووووووووك عليك الببغاء
وكل عام وانت بخير ههههههههههه



الله يبارك بك بالطير بس علمني كاسكو حقك تحس انو افضل من الانواع الاخر وانا ابي اسأل حوالي كم ييوصل الفرخ الكاسكو

[جنون الصمت]

ما شاء الله
يتربى بعزك
اخوي ابارك لك هذا الطير والله نظرة ما شاء الله
ربي يوفقك
وعمره تقريبا 4 شهور والله اعلم

[s811]

مشااء-الله-بااين-عليه0صحته-كوويسه
الله-يحفضه-للك

[سكر]

ما شاء الله تبارك الله

الله يبارك لك فيه يا غالي

والأهم من انه جامبو أو عادي,, انك تعطيه مضادات حيويه لمدة خمس أيام ضروري جداً,, وتهتم فيه من التيارات الهوائية الباردة حتى ما يمرض لا سمح الله

ربي يوفقك وينور دربك

تحياتي

[talloo]

كل سنه وإنت طيب إن شاء الله وجميع الأعضاء
ألف مبروك لكن نصيحتي لك إنك تعتني بالطير كأنو طفل صغير

[فارس مجهول]

ماشاء الله تبارك الله ,,,روعه ,, الله يخليه لك
وزي ماقال ,, أخوي سكر ,, ضروريتعطيه مضاد حيوي في ,, الاسبوع الاول
بالتوفيق ...

[أبو ريـــــــــــــان]

ماشاءالله تبارك الله

عمرة بحدود 3 إلى 4 شهور لساتة فرخ صغير جداً انتبة علية

وباين أنه هولندي نصيحتي لك تعطية كورس علاجي وقائي مبكر

لأن مناعه الطيور الهولندية أو المسماه بالهولندية ضعيفة جداً

[AL RaGe 7]

ما شاء الله تبارك الله
طير جميل .. تستاهل

[ataj2002]

يعطيكم ألف عافية على الردود،، و الصراحة آنه أول مرة أشتري كاسكو بس خبرتي كانت في الكوكتيل و عصافير الهند و الببغاء الأخضر،، مافهمت قضية المضاد الحيوي؟! ممكن شرح أكثر ياجماعة، و بعدين المضادات لازم كورس معين بجرعات محدد وانه ما أعرف الطريقة؟ و الصراحة عندنا في قطر البيطري الحكومي بس أخاف أوديه و يعطونة أدوية تضره؟ فشرايكم هل من الخطر أني أتركة من غير أدوية و بيطري؟

[هامستر كوم]

اخوي اول شي مبرووك

ثاني شي لازم بين فتره

والثانيه تكشف عليه عند البيطري

حرس على سلامة الببغاء

صراحهـ ببغائك في قمة الجمال

بالنسبه للببغاء مو جمبو على

حسب الصوره بس عمره خمس اشهور

تحياتــــــــــ:88:ـــــــــي

[,, Fahad ,,]

ما شاء الله تبارك الله

صدقني لو اهملته يوم او يومين بس يمكن يموت لا سمح الله

يبغالك تنتبه له كثير الايام هذي ... عشان يكبر وتتونس فيه العمر كله ان شاء الله


والطير صغير وجميـــــــــــل .. ما شاء الله لا حول ولا قوة الا بالله ,,

[KING RSA]

ماشاء الله
ماشاء الله
ماشاء الله
ماشاء الله
ماشاء الله


اخوي بسالك < برآحتك طبعآ ..
بكم شريته ؟



بصرآآحة الفرخ رهييب ماشاء الله وصغيرر ولعووب بعد هههه

بس انتبه للهولندي اول اسبوعين لانها خطيررررة مرة !!!



ماشاء الله
عقبال مآيتدرب ويصير اليف ويتكلم :)

[Bo-Danial]

ما شاء الله تبارك الله


موفق لكل خير

[طير جديد]

مشاء الله
طير حلو الله يلخيه لك ويحفظه ربي من كل شر
يتربى بعزكــــــــــــ

[ProOoF]

واضح أن عمرهـ لم يتجاوز 4 أشهر ,

عيوني إذا خايف أو ماتعرف تعطيه

لك عندي حل أنا من الناس لا أعترف بالمضادات بغير المرض لأنها تقلل من مناعه الطير ,

بالنسبه لي أفضل الأمور الطبيعيه مثل الفواكه وبعض الخضار والبيض كما هو موضح بالصورهـ ,

وأنتبه من التيارات الهوائية = لاتعرضّه للمكيف أو البرودة المباشرة ولا الحرارة القويه يكون الجو معتدل

هذا بالنسبه لي المضاد وقت المرض فقط ,,

ومن الممكن ترجع للمواضيع بالقسم وتاخذ خلفيه عن أكل الطائر المفيد

والله لايريك فيه مكروهـ ويتربىا بعزك

[ataj2002]

تسلمون لي ياشباب، وانه توني راجع من عند البيطري، عطاني بعض النصايح المهمة و الحمد لله الطير سليم

وسألتة عن المضادات الحيوية هل تنفع أعطيها للطير لسبب أحترازي، فقالي الدكتور أبداً مالها داعي و لاتحبذ أصلاً إلا في حالة وجود المرض لاسمح الله ولكن في نفس الوقت كلام الدكتور لا ينفي كلام الشباب لأن كلامهم جاء عن خبرة و تجربة و على قولة المثل " أسأل مجرب ولا تسأل طبيب". بس آنه رايي مثل ماقال برووف :)



عالعموم، الوجبات المتكاملة، و البيئة المريحة للطائر، تغنيك عن كل هذي الأمور

[naasooh]

ماشاء الله طير حلوو
ونفس ماقالوو ألأعضاء
وأضيف
أن المضادات الطبيعيه جدا ممتازه وأنصحك فيها
تقوي جسمه
وترفع من مناعته
مثل الثوم والعسل والتنويع من ألأكل الطبيعي
وهذا الرابط أنشاء الله يفيدك
http://www.2zoo.com/vb/showthread.php?t=102354&highlight=%E3%D6%C7%CF+%CD%ED%E6%ED+%E6%E3%DF%E3%E1+%DB%D0%C7%C6%ED+%D8%C8%ED%DA%ED
و
مبرووك عليك الكاسكوو
والله يعطيك خيره ويكفيك شره

[طير الهوى]

،،

ماشاء الله تبارك الله

طير جميل ورائع

حجمه ممتاز ولونه ممتاز وباين انه نشيط ماشاء الله لا إله إلا الله ..

مبروووك عليك الطير وتستاهل كل زين ..

انتبه له وانا اخوك من الهواء والبراد .. والله يتمم هالتجربه على خير ان شاء الله ..

موفق يابعدي

،،

[ابو محمــد]

الف اف مبروك طير جميل الله يعطيك خيره,,

نصيحه لوجه الله لا تحاول تروشه الا في اذا اطريت لأن الطير مناعته ضعيفه ويمكن ما يعرف ينشف نفسه,,,

ومثل ما قالوا الاخوان عطه فيتمينات ومضادات لتقويه مناعته.

بالتوفيق.

[the big]

ماشاء الله تبارك الله .,‘


الف الف الف مبروووووووووووك


طير في قمه الروووووعه .. الله يخليه لكـ


ومثل ماقالو الاخوان لاتروشه .. وحطه مكان دااّفي

[iam moon]

كل سنه وانت طيب ,,,,

الله يطرح في البركه ,,,

[حب استطلاع]

ما شاء الله تبارك الله
طير روعه الله يحفظه
ومثل ما قال أخوي سكر وأخوي أبو ريان
لا بد من إعطاء الطيور حديثة الوصول مضاد حيوي ( وقاية )
لأنك ما تعرف الظروف إللي نقلت فيها الطيور
هل كانت مع طيور سليمة أم مريضة حتى وصلت عندك
والأهم من هذا يا غالي لا تنسى ((((((( طـــــــارد الديدان ))))))))
والمشكلة مع الطير المصاب بالدود
إنك ما تلاحظ طيرك هل هو مريض أو لا
والكثير يشوف طيره يأكل عادي ويقول طيري سليم ما فيه شي
لكن إللي ممارس يلاحظ الطير يأكل بنهم لكن ما يبين عليه ( ما يستفيد من أكله )
وبالملاحظه يشوف عظمة الصدر حاده وبارزه ( ما يغطيها لحم )
فلا تنسى تعطيه طارد الديدان
وممكن يعطى للطيور السليمة من باب الوقاية
وأبيك تشوف هالرابط لعضو شاري طير ويستفسر عن بعض الشغلات

http://www.2zoo.com/vb/showthread.php?t=105266

وللأسف ما عمل شي من إللي قلنا له
وشوف الرابط هذا

http://www.2zoo.com/vb/showthread.php?t=117039

وأخيراً لا تغركم الطيور عند وصولها وتشوفونها بصحه جيده وريش مرتب
فهي تخبئ في أحشاءها الكثير من الفيروسات
ومو شرط تطلع في وقتها
ممكن بعد شهر أو شهرين
وإذا ما لحقنا الموضوع من البداية
ممكن تكون النهاية موت الطير
وإن شاء الله تستفيد من تجارب غيرك
وتتلافي الأخطاء إللي وقع فيها غيرك
بالتوفيق يا رب

[ataj2002]

أنا أتفق معاك يا خوي في مسألت طارد الديدان
مو عشان شي بس لأني أستخدمة مع الخيل كل 6 شهور وطبعا ماله آثار جانبية أقصد إذا مافاد مابضر، بشتري لة طارد الديدان

بس لو تسمح مثل ماقلت لك خبرتي في طارد الديدان مع الخيل، هو صاير نفس الأبرة الكبيرة داخلها معجون أعصرها في فم الخيل

هل هو نفس الدواء لاكن الجرعه أقل؟

[7amode]

ما لح أقلك غير انو كلام البائع صح 100%

[روهلات المعالي]

ماشاء الله
مبروك

[ataj2002]

7amode

فديت قلبك ريحتني

[ataj2002]

شباب كيف حالكم
أتمنى تكونون بخير،، من زمان مادخلت المنتدى فقلت خلني أدخل و أشوف هالموضوع الي كتبته من زمان،، الحين طيري صار كبير و قام يتكلم و يوجع راسنا كل يوم بس للأسف قال معظم الأسامي إلا اسمي :confused: معاند الله يهديه!!! بس تدرون وايد متعلق فيني حتى هلي يقولون لي أني إذا ادخل البيت يزيد نشاطة و يبتدي يصفر و ينادي مع أن ضروف شغلي ما تسمحلي أقعد معاه،، بس مادري اشسالفته،، حتى إني اذا حطيته على شي مرتفع و قعدت فالصاله و بعدين بروح مثلا غرفتي يطير من مكانه و يصفع على الأرض و يكمل طريقة مشي لين غرفتي هههههههـ

الصراحه هذا الطير الوحيد الي احس ان مب خساره تشتريه حتى على غلا سعره،، و نصيحتي اذا شفتوا طيرين واحد غالي و احسن و الثاني رخيص و مشكوك في امره خذ المضمون وريح عقلك لأنه ونيــــــــــــــــس و الله ونيس

خصوصا إذا علمتوه يذكر ربه و يستغفر،،، بس الصراحه قاهرني كل مايشوفني يقول أستغفر الله أقوله شفيك تستغفر بوجهي أنت شايف قرد خخخخخخخخ

عالعموم سوري طولت عليكم بس كنت ابي اسجل حضور بعد انقطاع

[سماوي الجبه]

الله رووووعه، ولاتحرمناااا من فيديو له،، وبسرع وقت،، وتبقيه يقول اسمك يمكن اهل البيت ماينادونك بسمك مايبقونك هههههههه،، بس خل اهل البيت يقولون اسمك ويكون هو بعيد ويسمع اسمعك وباذن الله بينطقه،، بتوفيق،

[النزال12]

مشاء الله اخبار طيبه وصدقني انت لا تفرط فيه ابداا

[عاشق دبل هد]

ياعسل المضادات والفيتامينات مفيده للطير جداجدا اخوي خصوصا في هذا العمر او المرحله لاتخاف البيطري هو اعرف راح يقولك بطريقة استخدامها ولاتخاف لكنها مره مهمه لتقوية مناعة الطير توكل على الله بس

[medozoom]

بسم الله ماشاء الله تبارك الله

الله يحفظه لك ويبارك لك فيه

ومثل ما قالك البائع الاطائر في حدود هذا العمر لانه عيونه سودا وحجممه طيب وريشه مرتب

وماشاء الله مره قانيه والله يبارك لك

تقبل مروري