من يتبرع ويروض (( الوحش ))

[الباروني]

بسم الله الرحمن الرحيم

السلام عليكم ورحمة الله وبركاته

يأخوان انا بأذن واحد احد بسافر قلت خل اشوف احد من اعضاء توزو ياخذ طيري ويألفه فترت غيابي

الطير له تقريبا 3 اسابيع وانا سويت معه كل الطرق لتأليفة وخصوصا طرق العضو المميز سكر ولكن

بلا جدوى وطريقة عسل التوت ولكن بلا جدوى وطريقة التجويع وغيره مع ان الجو بالبيت عندي

كويس مافيه مضايقات له لكن ماادري ليه ماوده يصير اليف

مع العلم اني وديته لواحة الحيوان عشان يقص جناحة البيطري لكن قالي هذا وحش

وانا ماهمن يصير اليف اهم شي تروح الجعره الي اكثر من شديدة والخوف الي عنده

وياليت يكون داخل الرياض الي يبي ياخذ الطير

وهذي صور له وباين مدى خوفه من قربي له وعمره يأخوان 11 شهر على كلام البيطري


http://www.up-00.com/s1files/K9Q89642.jpg (http://www.up-00.com/)


http://www.up-00.com/s1files/aNu89642.jpg (http://www.up-00.com/)

http://www.up-00.com/s1files/yEm89642.jpg (http://www.up-00.com/)

والسلام عليكم ورحمة الله وبركاته

[ابو سفر]

اخوي لو انك من جدة كان دربته لك ...بس ان شاء الله اهل الرياض مو مقصرين معاك

[سكر]

ترجع بالسلامة يا قمر

وأنا الحين في أبها مصيف, وبعدها بروح الباحة وبعدين أرجع لجدة بعد العيد,,

وبعدها بنتقل لجيزان للعمل,, أي مدينة في هذي المدن تقدر توصل لي الطير انا تحت أمرك,,

لكن لو ما قدرت تلاقي أحد يروضه,, لا تشيل هم

انت سافر وارجع واترك الببغاء لمدة شهر زيادة بدون تدريب أو ترويض, واصبر عليه,, أو طنشه بس أعطيه أكل وشرب,,

وبعد الشهر, يعني بعدد ما يكون جلس عندك شهرين ,, هذاك الوقت راسلني بالرسائل الخاصة وبإذن الله راح أعطيك طريقة للترويض

بس مثل ما قلت لك, أهم شرط انه يكون له فترة طويلة عندك ما تقل عن شهرين,,

ربي يوفقك يا غالي

تحياتي

[الباروني]

الله يسلمكم

ومشكور يا سكر وان شاء الله يتم التنفيذ

[د. إحتـراف]

السـلام عليكم ...

اخـوي انصحك نصيحـه ...

لا يدرب الطير الا انت احسن له ولك عشان يتعود عليك...

انا من الرياض واقدر اخذه ادربه لك ...

بس ما انصحك خل الطير يتعود عليك عشان يحبك ويتعود عليك ..

تقبل مروري ...

[n-b-n-b]

صحيح كلام اخوي(د.احتراف)..

زي ببغائي كذا خليته الحين صار يحبني..

بالتوفيق..

مشكوور..

تحياتي..

:)

[مايهم من أكون]

مرحبتين اخي

الله يبارك لك في الطير وتشوفه يطلع على يدك وتلاعبه

وطرق التجويع وطرق انك تعلقه مع احترامي للمدربين الي يعملون فيها

انك تجوع طائر على انه يرضخ لك حرام بحقه انه يجوع بس عشان ييطلع فوق اليد

وكل واحد وله تدريبه في الترويض

الكاسيكو لو شنو كان وحشي يتروض وحتى لو كان عمره كبير

روضت كاسيكو كبير في اقل من اسبوع

وروضت كاسيكو عمره اقل من سنه بيومين

يعتمد على المربي نفسه اخي والافضل انك انت الي تدربه

ومايضر لو احد ثاني روضه بيتعود عليك والمروض ماياخذ اسبوع اذا طول

والله يوفق الجميع

دمتم بود,,,

[الماســـتـــر]

وانا اقولك مثل ماقالك د.احتراف...


احسن شي انك تروضه بنفسك...لا نك اذا روضته بنفسك بيصير يعرفك ويولف عليك...

وبعدين لازم تصبر لان فترة 3 اسابيع قليله بعض الطيور يبغالها اكثر من كذا

اتمنى لك كل التوفيق

[سكر]

والله يا شباب الترويض أنواع وأشكااال

عندي ببغاء اسمه ميزو,, مروض ومدرب, ولو تعطيه أي أحد يعيش معاه عادي

مو شرط يتعود على شخص معين ,,

فعلاً فيه أنواع من التدريب تخلي الطير يتعلق في صاحبه,,,

لكن برضه فيه أنواه كثيرة والأغلب, انك تروض الببغاء مع الإنسان بصفة عامة, سواء كان صاحبه أو غيره

والدليل اننا نشتري ببغاء أليف ومروض, ويكون معانا أحلى من الحلاوة,,

ما تأثر عشان صاحبه القديم,, إلا إذا قصرنا في حقه كثير,,

أشكركم جميعاً على المساعدة لأخونا

وأدري ان كل واحد فيكم يبغى له الخير, لكن يا شباب مو كل واحد عنده الضروف مهيئة انه يروض

بعض الناس يبغى شي جاهز لأن وقته ما يسمح

وبعضهم يحب يستمتع بالترويض,,

ربي يوفقكم جميعاً

تحياتي