تسجيل الدخول

مشاهدة النسخة كاملة : الموضوع اليوم تخمين ردة فعل ببغائي شوشو الاكلكتوس

Eclectus
12-09-2009, 01:32 PM
السلام عليكم ورحمة الله وبركاته

اخواني واخواتي اعضاء وزوار منتدى هواه الببغاوت خطر على بالي فكره منها نتبادل الخبرات ونشارك المحترفين والهواه انشالله راح اسبح او اروش شوشو لاول مره يعني الطير عمره ما شاف مويه ولا اخذ شور في حياته ويا ليت تخمنون ردة فعل الطير وانا معاكم راح اخمن وبعد 7 ردود انشالله راح اخذ شوشو واروشه لاول مره بتصوير فيديو وانزل المقطع والى تخمينه يطلع صح نعتبره اكبر خبير ببغاوات ولا يهونون المحترفين والرجا محد يزعل اذا غلط في التخمين وطبعا عشان اساعدكم شوي راح اعطيكم معلومات تساعدكم في التخمين

معلومات عن شخصيه شوشو :

1- اليف مرررررررره
2- ذكي مشالله
3- عمره تقريبا شهرين و كم اسبوع
4- يحب اللعب ومشالله بدا يطير على خفيف
Eclectus
12-09-2009, 01:35 PM
راح اكون اول من يرد واشارك بتخميني انا اتوقع انه يخاف شوي او يحاول الهروب وبعد كذا راح يهداء وتعود على المويه ممكن اكون صح وممكن خطا ما راح نعرف الى وقت التصوير انشالله
ProOoF
12-09-2009, 02:29 PM
بيخاف الطير شوي وإن كان قريب منك , ردة فعل الترويش بيكون قوي

وأشوف لو تدرج معاه بالرشاش العادي او تنزل رجليك ويدك حواليه و معاه وتحركها وهو يتروش كذا بيحس بالأمان

بس عموما ً بيكون له ردة فعل بسيطه , لكن الي بيريحه قربك منه وحبه لك
صوغة
12-09-2009, 02:33 PM
اصبر لاتروشه

عندي كاسكو 3 اشهر وانصحوني بقوة ما اروشه اصبر وانتظر على الاقل لين يكون 4 اشهر

ترى جسمه ضعيف في هالسن وماراح يقدر يعدل حرارة جسمه

لاتتهور استشير واسأل

والله يخليه لك
Eclectus
12-09-2009, 02:43 PM
مشكورين اخواني على الردود

اختي لا تخافين الطير اكتمل ريشه وبدا يطير يعني في الطبيعه طلع من العش وراح يحتك بالطبيعه من امطار او ميه مافي اي خطر انشالله وخاصه الجو حار عشان تطمنين المكيف راح يكون طافي بغيت بس تخمينك لردت الفعل ومشكوووره
صوغة
12-09-2009, 02:46 PM
بيخاف وبيكفخ باجنحته وبعد شوي بيهدأ
الجناحي 10
12-09-2009, 03:59 PM
بيخاف شوي وبعدين راح يجعر بعدين راح يسكت ويبي يعض الاماي
هامستر كوم
12-09-2009, 04:31 PM
بيكون ردة فعلهـ انه يخاف

شوي بعدين بيستمتع

وبيسير يلعب بالماي

تحياتـــــــــــي
naasooh
12-09-2009, 04:58 PM
لاتروشه نصيحتي لك ألأهم أنك تركز على صحته بهالفتره
ومبرووك عليك الطير
والله يعطيك خيره ويكفيك شره
طير جديد
12-09-2009, 05:18 PM
اخوي على حسب طريقة الترويش ومكان الترويش

اذا في البانيو بيسوي كذا والله اعلم
بس اذا برشاش الماء حق الحلاق يفرق

بيخاف شوي وبيهرب من الماء ويطلع صوت مو جعره
واذا قربت يدك منه بيصعد عليها وبيحاول يعض الماء


تحياتي لكـــــــــــــــــــــــــــــــــــــــــــــــــــــــــــــــــــــــ
the one
12-09-2009, 06:24 PM
بيفتح جناحة ويبطل حلجة وبتحسة يطلع صوت خفيف نفس الجعير ,وبيطلع على يدك لو استطاع واذا لم يستطع الصعود على اليد يحاول الهروب من الماء
كاجو
12-09-2009, 10:37 PM
في البدايه راح يحاول يفتح منقاره يعتقد انه مويه للشرب

وبعدين اذا استوعب الموضوع راح يرفرف في جنحانه ويحاول يهرب

وممكن يجعر خفيف وتقبله للماء راح يكون ضعيف في اول مره.. هذا توقعي

مع ان رايي تأجل موضوع الترويش شهر او شهرين وعموماً بالتوفيق ,,
,, Fahad ,,
12-09-2009, 11:15 PM
توقعي له حالتين

الأولى: إذا كان والف عليك ويشعر بالأمان اتجاهك اتوقع انه بيكون هادئ وبيستمتع بالمويه

الثانيه :إذا كان يخاف منك وتوقع انك راح تأذيه .. بيحاول يشرد ويصارخ


والله أعلم طبعاً .. مجرد مشاركه

بالتوفيق..
النادره
13-09-2009, 03:06 AM
أتـــوقع في البدايــة بيعطيك كم جعــــرة على خفيـــف .. و بيحـــاول يطير
ويمكن اذا مديت يدك له بيخـــاف و يبتعد شـــوي بس في الآخر بيلجأ لها كوسيلة للنجاة ..
و ما عتقد بيستمتع بالمويه لأول مره .. بيخف خوفـــه تدريجيا ..
موفق أخــــوي ..
ابو محمــد
13-09-2009, 03:17 AM
ع حسب المكان اذا داخل القفص راح يخاف واذا قربت المرش بيحاول يعضه...

اذا برى القفص راح يكون هاديء ويتجنب المرش والله يعينك تلحقه.

وطبعا هذا تخمين ومن طير الى طير يختلف وماله شغل في الخبره
Eclectus
13-09-2009, 03:46 AM
مشكورين اخواني انا خلاص صورت المقطع وبنزله في موضوع خاص
ابو محمــد
13-09-2009, 03:58 AM
اذا برى القفص راح يكون هاديء ويتجنب المرش والله يعينك تلحقه.

نفس تخميني.
Eclectus
13-09-2009, 04:08 AM
مشالله عليك اخوي ابو محمد جبتها صح والاخ Fahad انا بصراحه كنت اتوقع انه يخاف بس اتضح لي انه يثق تقه عميا فيني
tow zoo
13-09-2009, 08:08 AM
السلام عليكم

انا اقول اذا سبحته من بعيد برشراش ماي رايكون مروق وزي الفل

وإذا قربت منه الأداة اللي تسبحه ابها (هوز _رشاش ...الخ) راح يخاف ويبعد

وسبحه وراح انشوف :D
Eclectus
13-09-2009, 10:20 AM
اخوي two zoo نزلت المقطع على هذا الرابط تم التصوير والحمدلله رده الفعل هادي وماخاف مشالله تبارك الله

http://www.2zoo.com/vb/showthread.php?t=120323