شبااب ببغائي بالطريق و ابغا الحل [الأرشيف]

"مجرد علامة"

13-09-2009, 06:09 PM

هههههههههههههههههههههه

لا ماشاء الله تبارك الله
أهم شيء دبر لك استاند ، توليف من عندك ولا اشتر لك ستاند
او خذ لك شجرة ياسمين من عند مشتل قيمتها 30 ريال وانزع اوراقها ، تطلع لك استاند طبيعي ولا اروع

http://www.artificialplantsuk.co.uk/Jasmine_small.jpg

وليش الياسمين بالذات؟؟؟ اولا اوراقه على شكل ستاند شكل حرف T
ثانيا ريحته زينة ثالثا ماهو سام

................

ثاني شي انتبه الاطفال يزعجونه يبربسون كل من جا حط يده ،
عشان الطير ياخذ على البيت خصوصا بالايام الاولى ، وترى ضيافته اسبوع مو 3 ايام ههههههههههههههههههه

وامنع اذية الطير لأنها تنعكس على نفسيته ، فلو كان اليف 100% مع الرجة والاذية يرجع يجعر ويعض ويطيح ريشه

http://www.snperrs.org/images/Zazu.JPG

.....................

ثالث شي الماء
اهم شي يكون لاهو حار ولا بارد
وغيره كل يوم مرتين ان امكن
لأنك تدري الببغاوات تحب توسخ في الموية او تحط فيها قشر
او ترمي فيها قطع فاكهة
نوع من الإستهبال يعني

نوعية الاكل اللي بتقدمها له لازم تكون ممتازة ،
الببغاء اللي اكله يعتمد على الشمسي فقط يطور مشاكل بالكبد

ومرتين بالأسبوع عطه فاكهة تفاح كمثرى عنب
وخضار مثل فلفل رومي وخيار وطماطم مثلا
وتأكد ان الثمار الي تعطيه اياه جديدة ومغسولة زين ،
شلون تعرف؟
" اي شي ماتقدر تاكله بنفسك لاتعطيه للببغاء"

http://2.bp.blogspot.com/_T1hbj7kFd3A/SdLRhsQPPCI/AAAAAAAAAMg/Qejjhs0qnG8/s320/Fruits+And+Vegetables.jpg

وعطه ذرة حبشي على قولتهم ياتكون جافة مع الحبوب او طازجة وقطعها عشان يلتهمها الأخ بالهنا والشفا ، وهي من افضل الأشياء للطير اللي وزنه ناقص

http://whatscookingamerica.net/Salad/CuttingCorn1.jpg

و3 مرات بالأسبوع فول سوداني

http://blogs.orlandosentinel.com/photos/uncategorized/2009/01/05/peanuts_3.jpg

وحاول يكون الفول السوداني جديد ، لونها نظيف وماعليها بقع سود
القديم دايم تلقى له غبرة لونها اصفر مثل السكر المطحون
تلاحظها بالكيس او اذا كسرت حبة ،
واذا مالقيت اغسلها بالماء وخلها الين تجف ولا حطها بالمايكروويف واذا بردت عطهم اياها
لأنها بيئة خصبة للبكتيريا
حيث انها غنية بالبروتين والكثير من المواد المفيدة "ولاتكثر تراها تجيب للطير امساك"

عطه مرة بالشهر بيض يكون مسلوق جيدا واغسله من الخارج واكسر البيض نصفين وعطها اياه بقشرتها

http://2.bp.blogspot.com/_s--n1TR94Vs/RhRfyFtH5uI/AAAAAAAAA7U/QxDzs_R4xtI/s400/boiledeggslg_kalynskitchen.jpg

بعد لاتكثر من البيض تراه يجيب امساك

..........................ز

رابع شي انتبه عليه من الحر الزائد والتكييف يكون بارد عليه
يعني يبي له درجة حرارة الغرفة عادية 30 او 25 ....

خامس شي : راحته ، لازم يكون المكان مهيئ بحيث ان الببغاء له 10 ساعات ظلام ينام فيها بدون ازعاجات
وراحة الطير بتنعكس على صحته وكلامه
اذا صعبت سالفة الظلام ، خذ لك غطا تبع الأقفاص وغط القفص وحبذا لو يكون نومه بالليل
واذا مالقيت شرشف قديم بس يكون نظيف او منشفة كبيرة

http://www.birdscomfort.com/Image/cage_cover.jpg

.....................................

سادس شي : الشمس ،
لابد تطلع الطير لو ربع ساعة في الشمس بس مو بالقايلة
يعني الساعة 7 الصبح قبل دوامك ، او 5 العصر
الشمس مفيدة لعظام ومنقار وريش الطير فاحرص عليها

http://www.swpc.noaa.gov/primer/primer_graphics/Sun.png
..............................

سابعا اللألعاب : اما اشتريهها له او صممها بنفسك

واذا مشيت على هالنظام اللي يمكن يكون صعب شوي بالبداية ،
بس من يوم تستمر عليه " خذ ولد "

وتفضل بقراءة هالموضوع

http://www.2zoo.com/vb/showthread.php?t=114427

"وكذا سلمناك الكاتلووج" :12:

وموفق بإذن واحد احد

يارب عفوك ورحمتك ورضاك