أفيدوني الله يسعدكم في هذا الشهر الكريم

[المهند pro]

السلام عليكم ورحمة الله ..

أفيدوني الله ينور لكم في الدنيا والاخره ...

اللهم لا سهل الا ما جعلته سهلا ...

شباب انا شفت موضوع الاخ الكريم سكر والفيديو اللي يروض فيه الببغاء...

والموضوع ::confused:

عندي ببغاء افريقي توه صغير يمكن سنه وشهر تقريبا يجعر اكثر من اللي في المقطع :(
واحسه بيتجنن اذا حاولت اشيله لدرجة ما استطيع ان اوصفها...

ساعدووووني الله يسعدكم يارب

["مجرد علامة"]

مرحبا اخي الغالي

موفق بإذن الله

والله التدريب اللي شفت الأستاذ سكر يدرب فيه طيره

جربته ونفع معي ، وكان الطير يجعر إلين يلهث

بس الصبر وطولة البال

وفرق السماء عن الأرض الآن


حاول تتحمل الجعير يومين 3 ايام وشوف الفرق بنفسك

ولكن لاترهق الطير لازم يكون مرتاح وماخذ وقته بالنوم




الله يوفقك





يارب عفوك

[المهند pro]

ما خذ راحته واكثر وبعدين عليه نضرات كانه يقول بتذبحنى:mad: لا كن عضته قويه كانه بيقطع القفاز صراحه اذا استمر الوضع كذا والله مشكله ؟؟؟؟؟؟

اذا في احد يروضه لي او يقول احسن طريقه لا تبخلون علي تكفوون....

[$المزمار$]

استمر بطريقة الاستاذ سكر وخليه يجعر اليييييييييييييييييييييين يطفش بعدها راح يسكت تلقائيا

[|| كــروآن ||]

انا عندي كوكتيل يجيه وقت يبي يجعر على طووول مرتين طلع مني دم [ نزيف ] و طبيعي ..

كلآ يعضني .. ههههههه

لكن الحين عقل شوي ..:88:

سويت نفس سكر اللي يخش وجه الكآسكو ويحاول يحط صبعه في رجل الكآسكو نفعت معآي

وهو كان عندي تقريبا 3 أيام تآلي سويت له الطريقه

[بو نايف]

شوي شوي وراح تشوف الطير يتغير مئة وثمانين درجه بس حسسه انك مش ناوي تؤذيه
وعسى الله يوفقك ... بس حبيت اخبرك ان موضوعك لازم تكتبه بقسم سؤال وجواب المخصص لمثل هذي المواضيع تفادياً للإحراج
ويعطيك العافيه واعذرني على القصور

[مجرد مواطن]

اخوي بما انه سنة وشهر يعد كبير نسبياً ( بعض الشيء )
بس لا تشيل أي همّ !

يتدرب وبتلاقيه إن شاء الله أحسن من كل الببغاءات .
والكلام ذا عن تجربة

إليك رابط الموضوع والمشروح مفصّلاً ..
واتمنى يفيدك :
http://www.2zoo.com/vb/showthread.php?t=120040

[المهند pro]

مجرد مواطن اخوي قريت موضوعك لاكن احس انه ما راح يتقبل الوضع يفكر اني بسويله شي يضره الحين اخليه في مكان فيه اطفال وازعاج لان البيت هدوء واستكنان ولا عندنا اطفال يعني اخليه في غرفه انا وهو بس وبعدين اذا انا في الغرفه ساكت زي الصنم ولا يتجرأ يأكل أي شئ حتى لو كان جيعان واذا طلعت فصفص الاكل فصفصه ؟؟

أخوي بونايف كيف أحسسه اني ماني جاي اؤذيه كل ماقربت منه يجعر ؟؟
ولا يهونون الأخوان الله يعطيكم العافيه ...

[فارس مجهول]

,, الاخوان ماقصروا الله يعطيهم العافيه


أخوي ,, المهند ,, طيرك عمره كويس ,, وقابل للتدريب , صح انه بيتعبك في البدايه

لكن بترتاح في النهايه ,, اهم حاجه طريقة اخونا سكر تطبقها اكثر من مره

ومكان القفص خليه ,, مرتفع شوي عشان يحس بالاطمئنان

ولاتسوي ,, اي حركه مفاجئه ,, او تخوفه ,, واهم حاجه لو جعر

ماتبعد عنه ,, وخله يجعر لين يطفش ,, حتى يعرف ان هالاسلوب ماهو نافع

لانه مفكر ,, الجعير ,, انه سلاح راح يبعدك عنه ,, تحمل في البدايه

جعيره وعضه ,لكن في نهاية هالكلمات , الصبر مفتاح الفرج

اهم حاجه ,, تصبر على الطير ,, وتستمر على طرق التدريب

والطير اذا بدى يتطمن لك راح ياكل قدامك ,وبيصفر بعد بس اهم

حاجه ,, تكسب ثقته وتصبر عليه