تسجيل الدخول

مشاهدة النسخة كاملة : سؤال عن الصوص

$ blak wolf $
24-09-2009, 04:51 PM
السلام عليكم ورحمة الله وبركاتة



ابغى اعرف اخلي الصيصان الملونة تعيش كثير كيف
ابو عيسى الدياك
24-09-2009, 05:21 PM
اخوي هذي تقريبا نسبة 90% ماتعيش

لانها انحرمت من حاجه اسمها ام اولا

ثانيا لازم تعيش في بيئه مريحه اي مزارع وربما تعيش معك ربما اقول

تحياتي
$ blak wolf $
24-09-2009, 05:26 PM
شكرا لك لكن ابغى مختص يقولي
ابو عيسى الدياك
24-09-2009, 05:39 PM
المعذره اذا ماافادتك خبرتي المتواضعه اسفين يالطيب

تحياتي
mohd.23
24-09-2009, 08:17 PM
اخوي انا افيدك

مثل هذا النوع من الصيصان ما يعيش كثير بسبب التسمم و المشاكل اللي تصيبهم بسبب تلوينهم بألون غير صحية و خطرة عليهم

و بعد انا ما انصحك تاخذ ملونين بسبب موتهم الي تقريبأ مضمون

و شي ثاني اول ما يكبرون شوي يروح اللون كله يعني اسبوع ولا اسبوعين علي الكثير

احسن تاخذ اللي لونهم عادي لئنه صحتهم احسن و يعيشون اكثر

اتمني اني اكون افدتك و تقبل تحيتي
$ blak wolf $
24-09-2009, 10:52 PM
شكرا لك
m.n.a.n.g.h
25-09-2009, 05:40 AM
السلام عليكم اخوي
اخوي شوف
انا يوم اني صغير كنت احس الملونات كنت اشتري كثير
ويموتون ورحت لم محل وقلت عطني ملون قالي مافي خذ هاذولي قلت مو زينات
لنهم بني وكيذا
قال الملون مايعيش قال انصحك انا
قلت طيب واخذتلي ثنين بني واسود على ثلاثه على معتقد
والبني كنت احبه من كثر ماحبه كنت امسكه ويموت مات والاسود ماحبه
والاسود اكل ومويه بس
ويوم كبر مافي مكان وحطيته بالسطح عاش عندي تقريبا ست اشهر وبعته وراعي المحل قال انت اللي جيتني وشريت من هاذا هو انهبل من نشاطه مشالله
انصحك الملونات حتى لو كبرو مايصيرون نشاط
ومعليش على الاطاله
الشيطان الصغير
28-09-2009, 10:02 PM
السلام عليكم ورحمة الله وبركاته

1- عندما تقوم بشراء الصيصان أختر أنشطها وأكثرها حركة ومن لا تظهر عليه علامات المرض والضعف
2- أطعمها علف تسمين صيصان هو متوفر عند بائعي الأعلاف وهو مفيد جدا للصيصان
3- تأكد من نظافة الماء وضعه في المشربية لأنها أفضل طريقة لتقديمه للصيصان
4- تأكد من تنضيف القفص بستمرار وجفاف سطحه بحيث لا تنام الصيصان على سطح قذر أو رطب
5- تجنب الإمساك بالصيصان قدر المستطاع
6- ضعهم في مكان دافىء وجاف

نصيحة أخويه أكثر الصيصان الملونه عبارة عن دياكة وليست دجاج لأن شركات الدواجن تتخلص من الصيصان الذكور بهذه الطريقة لأن الديك لا يسوي شيأ بالنسبة لها
البلوزه
29-09-2009, 09:35 AM
انا والله كان عندي واحد لونه اصفر دجاجه في منه ديك بس الحض ماجابلي اللا دجاجه كانت صغيره اتجنن كبرت صارت دجاجه مره كبيره بس انا كنت معطيهم فيتامينات وحطيتها في درجه حراره عاليه مره خرب الدواء وانا قلت ماخرب مافيه شي واعطيهيات اقعدت يمكن نص يوم ماتت علطول بعدين عرف انا الدواء مايتنقع في الشمس بس كانت تجربه حلوه والله تربيه الحيوانات انا بصراحه من هواه الحيوانات حتى من كثر ما احب الحيوانات جبت حيوانات بالهبل امي تقولي شدعوه بيتنا صار حديقه حيوانت خخخخخخخخخخخ
سحابة خير
30-09-2009, 01:15 AM
عشان يعيشون معاك لاتمسكهم وتجنب حد يمسكهم

حاول تحطهم في قفص الأرضية تراب عشان يكبرون بسرعة

واهتم بنظافة القفص بين كل فترة وفترة

وعليك بتنظيف الماي يوميا وتغير الأكل


وبعدين أول ما تشوف حجمهم صار متوسط هدهم يتمشون بحرية خارج القفص

راح يكبرون بسرعة

وتحياتي لك
سحابة خير
30-09-2009, 01:18 AM
نسيت اخبرك

اذا حبيت انهم يعيشون معاك عطهم مضاد حيوي وقائي من الامراض

مثل الفليمايسن أو غيره كل 3 شهور
للموت عاشق
01-10-2009, 02:29 PM
انا اشتريت 15 كتكوت غير ملونين(يعني اوانهم بني واسود ...)
ومات منهم 3
وانا كنت اخليهم يتمشون في المزرعة وكنت اراقبهم ويوم ادخلهم امسكهم
هل السبب مسكهم
لاني ما مسكتهم كثير
$ blak wolf $
02-10-2009, 06:26 PM
مشكورين كلكم

MNANGH
الشيطان الصغير
البلوزه
سحابة خير
على الردود
! هاويه الطيور !
03-10-2009, 09:37 AM
ماقصروا الاعضاء

بس الصوص يعيش في اماكن بارده يعني المكيفات لانه هالنوع دجاج لاحم
ومعض حياتها في المحميات والعنايه الخاصه لها
واكلها فقط الذره المطحون
الشفق الاصفر
04-10-2009, 02:10 PM
مدري مقدر افتي لك