تسجيل الدخول

مشاهدة النسخة كاملة : طيري فيه مرض غريب...واقرب عياده 600 كلم

السراااااب
25-09-2009, 06:06 PM
بسم الله الرحمن الرحيم
طيري جديدماكمل اسبوع
وفي رجله قبل الاظفير به نفخه بيضا
واليوم طاح اظفره ولافيه عياده قريبه مني وش الحل تكفون ساعدوني
بندولة حب
25-09-2009, 06:19 PM
والله ماادري ولا اقدر افيدك بس لازم البيطري حتى لو تكلمه باالتلفون ويفيدك بسم العلاج بس اكيد ماعندكم صيدليه
الله يعينك
بس انت حاول تعقم رجل الطير حتى لو بمسحه طبيه
ونوع بأكله
ولا تشيله واجد عشان ماينزف الاصبع واغلب الطيور اللي كذا بأذن الله تتشاف بس تكون من دون ظفر يعني يلتئم الجرح بس الظفر مايطلع
وحاول تروح للبيطري او ابحث في قوقل نفس مشكلتك وربي معك
السراااااب
25-09-2009, 06:43 PM
تسلمين بندولة حب عـ مشاعرك
طيب لوتكرمتي انتي او اي احد يقرى الموضوع يديني رقم دكتر بليييييييييييييز
الحريه
25-09-2009, 07:03 PM
هلا بيك أخي السراااااب ممكن تحط صوره لرجل طيرك ممكن الموضوع ميحتاج بيطري أن شاء الله نفيدك في الموضوع وعادي أخوي الطير بدون عضفور حط صور لرجل طيرك وان شاء الله خير تحياتي
بندولة حب
25-09-2009, 07:40 PM
بدور لك رقم والاخوان مراح يقصرون
السراااااب
25-09-2009, 07:56 PM
هذي صورة الاظفر بعدما طاح
http://www.9o9i.com/uploads/images/9o9i-49f6e7f9c9.jpg (http://www.9o9i.com)
[
بو نايف
25-09-2009, 08:45 PM
إن شاء الله سهاله.... لاتحاتي طيري من قبل صاده نفس الشي لاتحاتي معقم وانتهى الموضوع.... الطير مافيه شي تطمن
the-best
25-09-2009, 08:46 PM
الله يقومه بالسلامه
ابو محمــد
25-09-2009, 08:50 PM
الحمد لله قدر الله وما شاء فعل والطير بالصوره الحمد لله ما فيه نزيف وهذا الاهم ومثل ما قالك اخوي بو نايف عقمه وعطه فتامينات وعظمه الحبار عشان تقويه.
كاسكو معذبني
26-09-2009, 02:53 AM
ماشاء الله الطير مافيه نزيف اهم شي وحتى انا الدره الي عندي سار له نفس الشي وعقمته والحمدالله كله تمام اله انو ماطلعله اظفر
السراااااب
26-09-2009, 02:55 AM
ياناس العدوى انتقلت للرجل الثانيه
وطيري باقي يخاف ويجعر
هذي الصوره للمرض
http://www.9o9i.com/uploads/images/9o9i-3b9ec949f9.jpg (http://www.9o9i.com)
talaal
26-09-2009, 02:58 AM
زي حق اخوي

واخوي طلع منه نزييف كثيره ودوه وعطوه بعض الادويه والحين الحمد الله رجعت زي اول

وطيرك ماافيه شي تطمئن

خذ مني العلم
talaal
26-09-2009, 02:59 AM
اخوي هاذي قويه وده انا احكي عن الرجل اليسار مافيها شي

لكن هاذي فيها شي انت وين سااكن؟
السراااااب
26-09-2009, 03:14 AM
انا بالسعوديه

ياخوي طلال انا بالخرخير اقرب منطقه شروره 600 كلم ومافيها بعد عيادات ومن شروره 400 كلم الى نجران وماظنيت فيها عياده
عاشق الببغا
26-09-2009, 04:32 AM
اخوي هذا المرض خطيير وممكن ان يعدي الانسان

وكما قال الاخ talaal ان الرجل اليسار ماتخوف لكن اليمين تخوف

وقد تنتقل عدوى للانسان وتسبب كثير من الحالاات للانسان

انشاء الله خيير

اتمنى اني افدتك
السراااااب
26-09-2009, 05:19 AM
إش اللي تنتقل للانسان
يابويه لا تخوفني
والله بكيت على حالته تبغاني ابيعه انت ماتدري كيف حصلته تعبت فيه تعب والله يعلم ولو وصلت الله لايقدر
باذبحه ماني بايعه
واشكركم يااخوان على مروركم
وتكفوووووووووووووووووووووووووووووون ابي رقم دكتور
انا معلم هنا وممكن نهاية الاسبوع اسافربه بس مدري ((يعيش)) بالعلم ان حالته الصحيه ماشاء الله تمام
ويصفر بس رجله اليمين اغلب الاحيان رافعها اذا ماكان احد حوله
راينو
26-09-2009, 05:49 AM
الاخوان ما قصروا
بندولة حب
26-09-2009, 05:59 AM
اخوي والله ماحصلت رقم ا ليوم وبدور لك بكرا ولاتخاق ابد ابد الطير ماشاء الله مافيه شي وسع صدرك الحمدلله شي اسهل من شي
الحريه
26-09-2009, 09:58 AM
هلا بيك أخي السراااب طيرك مافيه شي تطمنى العضفور هدى عادي وأن شاء خير بس الموضوع يخوف بصراحه (مرض غريب )قلت أعود بلله مخلاصان من فلونزا الطيور وجات الله يكرمكم الخنازير


[COLOR="Blue"]وطلع مرض العضافير ------أخوي الرجال اليمين ممكن ينزل العضفور لنه فيه صديد الله يكرمكم وحاوااال تعقمه وتعطي الطير مضاد حيوي وان شاء الله خير

والله يستر على الجميع لك تحياتي0000000
صوغة
26-09-2009, 12:22 PM
الله يعينك ويشفيه

والله مدري اشلون اساعدك ماعندي اي خبرة

الله يعينك ويطمنك عليه بس دامها باليمين وانتقلت لليسار اكيد تعدي وحرام تمشي على كل اصابعه

بصراحة موقف لاتحسد عليه الله يشفيه لك
راقي_جده
26-09-2009, 12:40 PM
اخي سراب اولا الله يشفيه وما يشوف شر
انا انشاء الله اقدر اقدم لك خدمه هذا رقم عياده اتصل واطلب الدكتور واشرحله الموضوع واذا يحتاج اي علاج انا مستعد اوفره لك وارسله مجانا بدون اي شي بس ابغى الاجر والثواب والدعوه الحلوه منك
هذا رقم العياده ..............
او..............
وعذرا على التقصير
سعد الذهبي
26-09-2009, 01:26 PM
السلام عليكم
مايشوف شر
غالبا في الامراض الخطير تلاحظ الطير كاش (رريشه منفوش )و ويقل نشاطه او تغير في الفضلات
او ينقص وزنة
اما اذا كان نشيط ولم يتغير وزنه(نحيف)او فضلاته قد يكون شيء عادي مرض غير خظير
اما بالنسبة انه صار يجعر وذالك للالم الذي في رجله
اخي انت مالحظته في الاصبع الاول؟؟؟؟
انتبه الى الاصابع الاخرى
مهونة باذن الله
ابو محمــد
26-09-2009, 05:02 PM
اخوي السرااااب بعد بحث طويل في المواقع الطبيه الغربيه اتبع الآتي:

1-استخدم مجثم غير الموجود ويفضل يكون من فروع الاشجار الطبيعيه ليستطيع الطائر تغير وضع رجله.

2-تعقيم المكان الموجود فيه الورم.

3-الحرص ع نظافه القفص في اليوم مرتين ويكون بخل التفاح ليقتل الجراثيم والمكروبات.

4-خفض مستويات الكسترول في تغذيه الببغاء الاغذيه الدهنيه مثل الفول السوداني.

5-لازم تتصل بطبيب يعطيك مرهم للأحمرار يستخدم مرتين في اليوم ع القدم المصابه.

6-مضاد حيوي يعطى في الفم لتجنب العدوى الى الجهاز التنفسي.

7-اذا الحاله تطورت يتطلب عمليه جراحيه لبتر الاصبع.

لا تتأخر في تنظيف القفص وغير العصا الى فروع شجر طبيعيه يابسه وعقم اصبع رجله ,,

سراااااااب الله يشفي طيرك ويكون في عونك.
الجناحي 10
26-09-2009, 05:24 PM
مثل ماقال اخوي بومحمد مشالله طير بصحه وعافيه مافي نزيف
sm17
27-09-2009, 02:54 AM
والله ذي النفخة اشوفها باكثر الببغاوات ليش ما ادري

ولا اتوقعت انها تضر
عاشق الترحال
27-09-2009, 03:17 AM
استخدم معاة على قول الاخوان معقمات وربنا يشفيه ...بس انا عندى استفسار بسيط خارج عن الموضوع انا اشتريت ببغاء كاسكو افريقى اليف مرة لدرجه انك تفكرة حمامه عمرة سنه اول اقل من ذالك بس لما اشتريته وديته محل للطيور وشافه قلى عيب الطير انه بارد م يتحرك ...هل هنالك ببغاء بارد يعنى دايم الجلوس على الاستاند با الخارج ولا يتحرك كثيراااً ..اسف للاطاله ولكم منى جزيل الشكر
rooroo
27-09-2009, 09:30 PM
السلام عليكم والرحمه ,,
اخوي اتبع نصايح بو محمد ,,
ونوع له الاكل وركز على الأكلات اللي تحتوي على فيتامين A ‘
وأتمنى الشفاءء العاجل لببغائك /"