مشكلتي عويصه الى ابعد الحدود مع الكاسكو !

[رماديه]

السلام عليكم

يابشر ساعدوني

عندي كاسكو الرمادي الافريقي

مب هنا المشكله !

انا ماكنت اعرف هذا الطير الا لما عملت بحث في قوقل وجابني عندكم

الفزعه يالنشاما

المشكله ان الوالد شراه لنا وعمره كبير لون القزحيه اصفر

وعدواني وعصبيه حيل

وتصدقون !

انا الى الآن ماعرف هو ذكر ولا انثى :(

لكن الحمدلله يخليني احك وامسح منقاره

واعطيه الاكل بيدي

احياناً يتقبل الاكل مني واحياناً لا

ويرميه على الارض

صار لي اكثر من اسبوع اطلعه برا القفص ويوقف فوقه طول اليوم وأي كأئن يقرب منه يقعد يجعر بشكل غير طبيعي

لكن انا نادراً مايجعر اذا كان وجهي في وجهه

اعطيه وصفات الفواكه اللي مخصصه له شفتها في موضوع بالمنتدى

لكن
صار له يومين مايحب ياكل وخايفه انه مريض ويرجف

بس يوم انا كنت مطلعته من القفص وخليته في غرفه انا وياه بس

و عملت روحي كأني نايمه

وحاطه اللمبات نورها خفيف

قعد يراقب هل نمت ولا لا

ماشوف الا العجب العجاب !

سمارتي صار يهز راسه فوق تحت مثل رقصة اهل الامارات :d

<= معلمته ذي الحركه بس مايسويها قدامها

فرحت حييييييييييل

لكن حلوا لي المشكله تكفون

انا احبه لكن هو عنيد وراسه يابس

حتى كان مايعضني بس آخر يومين صار عصبي ويحاول انه يعضني

ابي ارجع من الجامعه باكر واشوف الحلول عسى الله يسهل اموركم قلووووا آمييين

[TIGER]

لكن
صار له يومين مايحب ياكل وخايفه انه مريض ويرجف

اذا لاحظتي ريشة منفوش وحركته قليله ويوجد تغير في اكله او افرازات في انفه او تغير في لون البراز يعرض على الدكتور البيطري

[Mr.Mo7al]

مررررررررررررررررررحبا :)

انا الطير الي عندي كانت عنده نفس المشكلة :(

بس الفرق بين الطير اللي عندي واللي عندك

ان اللي عندي كان عمره 8 شهور:o

وكل اللي عملته اني مخليه في غرفة خاصة

وما احد يشوفه غيري

وما ينظف له غيري

وما يأكله غيري

وخصصت له كل يوم ساعة

احاول اتقرب منه


الين مسكته بيديني

مع العلم انه كان في كل مرة امسكه فيها يصارخ ويرجف:confused:

وصرت امسح على راسه وهو خايف اني اسوي له شي يضره

الين عرف اني مو ناوي شر;)

بس هذا كله مو بين يوم وليلة

يبي له صبر

يمكن يكون اسبوع ويمكن يكون شهر:rolleyes:

الين ما يتعود عليك

ويشتاق لك تمسحين على راسه

مثل ما كنت تعملين

لأنه بكل بساطه تعود

والطير بطبيعته يحب ان أحد يمسح على راسه وجنحانه

ويعامله بلطف

والحين ماشاء الله عليه

بدل ما كان يخاف مني ويرجف

صار يفرح اذا شافني

واهم اسلوب اتبعته في هالموضوع

كان منع الطعام قبل جلسة التدريب ب3 أو 4 ساعات

أتمنى ان هالمعلومات تفيدك

ولو كانت قليلة

المعذرة على التقصير
:) :) :) :) :) :) :) :) :) :) :) :) :) :) :) :) :) :) :) :) :) :) :) :) :) :) :) :) :) :) :) :) :)

[Mr. MeMo]

الاخت الفاضله


اعتقد انكي تحتاجين الي الصبر اكثر
و سوف يبداء بالتأقلم مع الوضع في المنزل
ولكن عندي لكي بعض النصائح

تأكدي ان القفص مرفوع عن الارض و هو بأرتفاع
مناسب اي بمستوي قامت الانسان تقريبا

تأكدي بأنه لا يوجد اطفال او احد افراد الاسره
يقوم بأزعاجه او تخويفه

حاولي قدر المستطاع ان تطعميه من يديك
لكي يعتاد عليك اكثر واكثر

دعيه خارج القفص اكبر وقت ممكن

و سوف يعتاد عليكم بأذن الله

واتمني لك التوفيق

[رماديه]

مشكووور تايقر

لكن ياخوي ريشه لا منفوش ولا مزكم وصحته تمام

عادي له المكيف ؟



هلا مستر محال

هذا بدل ماتحل لي مشكلتي تقوم تحكي سيرتك مع ببغائك كأنك تقهرني ؟ :(

انا صعب اوديه غرفه لحاله لأن بالاصل مافي غرف زياده :p

المشكله اني طول اليوم انشغل عنه تعرف اشغال البيت ودوام جامعه ونوم :D

احس اني مقصره معاه يمكن من كذا هو صاير عصبي وعنيد لاياكل ولا شي

<= حارمته من الصبار والفول السوداني

احياناً اذا تغديت او تعشيت اعطيه من اللي آكله رز او بطاطس وسلطه

ابيه يفقدني ! صار له شهر عندي واحس ان عادي عنده رحت ولا جيت

اعلمه الآن على كلمة هلا وباي والوح له بيدي عشان يفهم

بس ياصبر ايوب شكلي بموت بسبته

ياااااااااااااريت تعطوني حلول اكثررر ياجماعة الربع

[رماديه]

هلا بمشرفنا

ياخوي دايم اطلعه برى القفص ناكر الجميل بس مايعطيني ويه :o

المشكله الاكبر ان عندي اخو صغير الله يعله عله على القلب دايم يخوفه ويخليه يرجف ويعصب

يعني عادي اذا صار عندي كاسكو كبير ؟ يعني في امل يتروض ويصير حركات ؟

[Mr. MeMo]

نعم يمكن ترويض الكبير ولكن يأخذ فتره اطول
الي يتروض بالطبع اكثر من الصغير

ولكن حسب ما فهمت من كتاباتك بأنك احرزت
تقدما ممتازا

فقط تابعي و سوف ترين التقدم و عليك بالصبر

مره اخري واتمن لك التوفيق

[the snipr]

hathe nafs moshkelte bas alfarg enh sarlah 3ende 9 shhor ad3olee

[معاد تفرق]

مشاء الله عيك رماديه حسب مافهمت من كتاباتك انو فيه تطور ملموس اذا الطير صار يرقص مثل اهل الامارات واصلي تدريبك وعطيه اسم له وردديه عليه دايم عشان يتكلم وعليك بالصبر اهم شي في تربيه الببغاء انا صار عندي صبر وقوه تحمل بسبب تدريبي ليعقوب الببغاء حقي نوع افريقي رمادي كان وحشي والحين اليف مثل الحمامه مشاء الله عليه ويتكلم كثير ويلحقني بالبيت وين ما اروح واحلى شي فيه هو اللي ذابحني اذا شافني قال بابا .... الله يا الدنيا صرت أب بدون ما اتزوج.:p .. وشكرااااااااا

[رماديه]

يسلموووو جميعاً على الردود السنعه


بس الآن انا متوهقه حدي

سمارتي تمقر في الخشب وتاكله وتكسره

لدرجة انها كسرت الخشبه اللي توقف عليها

واخوي جاب لي خشبه ثانيه وحطيتها لها ونفس الحكايه

تحك فيها وتحك الين ماتصير الخشبه ضعيفه

وش السوات ابيها تيوز عن طبعهااا

[هيبه اسد]

مرحبا

رماديه:المسأله مسأله وقت وصبر ..

1-الاكل ياليت يكون منوع يعني((فواكه+حب الشمسي الامريكي وفول سوداني))

2- عدم ازعاج الطير

3-اشتري له استاند

4-الصبر ثم الصبر ثم الصبر على الطير على الاقل شهر رواحد يولف عليكم وعلى البيت

5- الاهتمام بتنظيف القفص- وتنويع الاكل

آي سؤال نحن هنا

اجمل تحيه:)

[Mr. MeMo]

الاخت رماديه

بخصوص اكل الخشب و المجثم فهذا شي طبيعي جدا
فجميع انواع الببغاوات تقوم بتكسير المجاثم الخشبيه
و تنظيف منقارها عن طريقه الحك بالشكل الذي وصفتيه

و بخصوص هذه المشكل يمكنكي وضع غصن شجره بدل
عن المجثم العادي و دعي سمارتي يتسلي به علي مزاجه

و حل اخر و هو شراء مجثم خشبي من النوع القوي جدا و هو
متوفر في محلات الطيور

و اتمني لك التوفيق