مساعده مع اطفال الجوبي لو سمحتوا ..

[passposse]

السلام عليكم ..

عندي بعض الاستفسارات عن صغار الجوبي ..

لما كنت حاطه الاناث بالحاضنه عشان يولدن فيها ولا شي ما نزل بيبي .. بس لمن خليتهم في الحوض تفاجأت :eek: انه في بيبي وايد ماشا الله .. بس كنت خايفه عليهم يا كلونهم فبديت بالصيد :rolleyes: وحطيت كل اليهال في الحاضنه مو كلهم بعضهم لكن الحمد لله الاغلبيه وايييد تعبوني وياهم :cool: .. وحطيت وياهم نفس الاناث الي كانن قبل في الحاضنه رديتهم لكن لاحظة شي انه اليهال يقدرون ينحاشون :eek: من المكان المخصص لهم في الحاضنه ويكونون مع الاناث الي حطيتهم وطبعا ممكن ياكلونهم .. فبديت في الصيد مره ثانيه :D وجبت غرشة الماي وحطيت فيها ماي من الحوض وحطيت البيبي الي كانوا في الحاضنه وخليت هل الغرشه تطفو ع الماي عشان الحراره بس مافي اوكسجين عندهم << خوش فكره محد بيقرب منهم خخخخ .. طبعا في بيبي سايبين في الحوض ما قدرت عليهم ينخشون بسرعه بين الشجر وما اقدر اشوفهم :confused: .. والاناث الحوامل رجعناهم للحاضنه وعل وعسى اييبن بيني ..

اعرف اني طولت بس اخبركم بالوضع .. الحين دور الاسئله ..

البيبي الي خليتهم في غرشة الماي هل لازم اخليهم بالحوض عشان الحراره تظل زينه لهم ولا هل ممكن اعزلهم في حوض ثاني صغنون حقهم من دون لا فلتر ولا اكسجين ولا حراره من دون ما يصير لهم شي .. وشو عن الاكل انا اعرف عن خلطة البيض بس ما كلوا منها .. انا حطيت لهم من الاكل العادي الي ياكلونه السمك بس فتفته .. وحطيت لهم بعد ديدان بس مش حيه الي في العلب تكون وفتفتتها لهم بس بعد ما كلوا منه .. هل لازم اشتري اكل خاص فيهم يكون افضل لهم ولا شو رايكم ..

كنت اريد ادعم كلامي بالصور عشان تفهمون الي اقوله ان شا الله بسوي وبيبه لكم وبتشوفون شو اقصد .. بس ممكن تجاوبوني ع اسألتي في اسرع وقت ممكن وشكرا ..

[Mr. MeMo]

الاخت بسبوس

اهم انك خليتي الغرشه تطفو :D عجبتني كلمه تطفو

شوفي انا خبرتي مع الاسماك علي قدي بس الافضل
انك تضعينهم في حوض منفصل و يكون درجه حراره
من 26 - 27 و بالطبع يجب و جود الاوكسوجين
و لا تضعي فلتر فانه يقوم بشفط الصغار

و بخصوص الاكل زي ما سويتي اكل السمك العادي
يطحن و يستخدم للصغار

واتمني من الخبراء مساعدتك

[passposse]

السلام عليكم ..

هلا اخوي Mr. MeMo اشكرك ع الرد ..

اهم انك خليتي الغرشه تطفو :D عجبتني كلمه تطفو << انت شوف الصوره واحكم وشوف شو اقصد من كلامي عن الطفو ..

http://www.9q9q.org/index.php?image=3LRvuR1Zy782

وهني شوف كيف الحوض ككل وكل التوزيع للاناث .. وللبيبي الي في الغرشه ..

http://www.9q9q.org/index.php?image=kz9lkHEdBWWu

طبعا الاناث الي بالصوره ماتوا كان فيهم مرض شي ابيض يكون عند فمهم .. ماتوا عندي بهل سبب 5 >> 2 ذكور و 3 اناث الي بالصوره ..

http://www.9q9q.org/index.php?image=P8fyxUcA8dd8

طبعا هذيلا السمك جداد فأظن جوني مراض .. لانه شفت وحده توه بيبدأ المرض فيها قمت بعزلها عن باقي السمك .. وغيرت الماي بس مش كله بعضه .. واتمنى من الله ما يموت اكثر ..

اذا في دواء ممكن استخدمه للسمك في حالة ظهور هل مرض مره ثانيه وكيف اتعامل وياه وهل تعاملت بشكل صحيح بهل حاله ممكن اسم الدواء بالانجليزي .. واذا ممكن اريد الدواء الخاص بالمرض الي يظهر ع الزعانف ويتأكلهم وكيف اعالج هل حاله لانه ظهر ع الديسكس الي عدنا وع الانجيل .. ساعدوني والله يجازيكم خير اي حد عنده معرفه يساعدني ..

واخيرا وليس اخرا .. الاطفال ابطال المسلسل بس هب مكسيكي مثل المسلسل الي يعجب ام علاوي في العيايز عندهم كل شي يايز .. لا هذا مسلسل يوم في حياتة البيبي .. للاسف اليوم حصلت واحد Died منهم البيبي شو تعتقدون السبب هل ممكن الاكل :( :( :( ما صدقت ع الله يو للحياه ..

http://www.9q9q.org/index.php?image=YioLKi630PpK

تحياتي لكم جميعا ..

[ولد_البحرين]

افصليهم في وعاء زجاجي لا يهم ان يكون كبير الحجم ،، ولا حاجة لمضخة اكسجين صغار الجوبي والبلاتي والمولي والسورد تيل تعيش بلا مضخة اكسجين بلا مشاكل كما هو الحال مع الكبار من هذه الانواع . واذا وصل حجم الصغر قرابة الـ 2 سم ارجعيهم للحوض الاساسي مع الكبار شرط ان لاتكون في الحوض اسماك غير هذه الفصائل فالجولد او الكوي او الانجل وغيرها من الاسماك الاكبر حجم ستلتهمهم بسهولة .

[passposse]

السلام عليكم ..

هلا اخوي ولد_البحرين مشكور ع الحضور وع النصايح ..

خلاص حليت الموضوع خليتهم بالحاضنه والحمد لله الحين هم زينين وحلوين وبداو يكبرون ..

مافي انواع ثانيه وياهم بس جوبي انا اعرف انه افضل بروحهم بس في حلزونات تشاركهم الحياه الي تكاثرة ماشا الله بكثره لكني احبهم ومثل ما عرفت مافي من وراهم ضرر .. كم اسبوع يعني يحتاج لهم لين ما يصير هب خطر عليهم من ناحية الباقين ما يقدرون ياكلونهم الحين اعتقد كملوا اسبوع وبدأت اجسادهم تطلع فيها الالوان توضح ..

مشكور الخوي والله يعطيك العافيه ..

[Zizoo]

وعليكم السلام ورحمة الله..

كتابات الاخوان مشاء الله عليهم وخبراتهم بيفيدونك ان شاء الله

كــ خبرتي وتجاربي في تفريخ الجوبي والمولي والبلاتي راح اقولك اهم النقاط لبقائهم احياء ونموهم بشكل طبيعي

http://www.putzderblitz.at/guppy/geburt2.jpg

اذا كان مساحة الحوض الي فيه الجوبي كبير وفيه اعشاب واحجار بحيث تسمح للصغار بالاختباء فيها فلا مانع من ابقاء الصغار مع الكبار
http://www.mgeisen.de/bilder/wildg1.jpg
صغار الاسماك الولودة مثل الجوبي والبلاتي والمولي والريدتيل تحتاج الى الاناره لنموها بشكل طبيعي ... ويفضل الاناره من النوع " نور الشمس " وهو متوفر في محلات اسماك الزينه

http://www.putzderblitz.at/guppy/geburt3.jpg

كل ما كان مساحة الحوض اكبر كل ماكان نمو الصغار اسرع
http://www.putzderblitz.at/guppy/geburt13.jpg

وجود الهيتر " السخان" ضروري لحفظ درجة الحرارة

http://www.picolio.com/g2/d/45348-2/NewFish_02_14_2003u.jpg

[passposse]

السلام عليكم ..

هلا اخوي Zizoo .. مشكور وااااايد ع الرد الطيب .. انا حطيت صور للحوض في الموضوع ما طلعت لك لانه تبين حجم الحوض .. والحمد لله السمك للحين زينين والحراره مناسبه لهم ع ما اشوف لانهم نشيطين وشياطين .. لكن خليتهم في حاضنه عشان ما يصير لهم شي او اي من السمك ياكلهم وكل شي الحمد لله تمام وياهم ..

وتسلم والله يعطيك العافيه .. تحياتي لك ..