المساعد الشخصي الرقمي

مشاهدة النسخة كاملة : مقهور من قلبي...

اللؤلؤ المكنون
03-10-2009, 10:41 PM
اليوم كتير حزين ومقهور..:(... لأني ودعت أربعة عصافير من عصافيري الكناري
ليش؟؟؟.... طبعاً هيك حتقولوا... وحقلكن أنو الدنية جاية على شتى ومعد قدر ضل محتفظ فيهن كلهن... بدي اضطر فوتهن عالبيت وعنا ما في مكان واسع كتير إلهن... والخلاصة إني اضطريت اتنازل عن قسم منهم وبألف ياويلاه... اخترت هالأربعة مع إنهن كتير غاليين عليي و إلي معهن ذكريات...ولح حطلهم صورهم .. حتى شوف رأيكم بالموضوع..
هي صورة تجمعهم قبل الرحيل...
http://www.2zoo.org/get-10-2009-2zoo_org_yonmzhtc.jpg
وفيها: داخل القفص عصفورين ذكر وإنثى وهنن ولاد عم بس لسه مو موالفين على بعضهم وكنت ناوي والفهم بس ياخسارة راحوااا .... إهئ..إهئ ...إهييييئ....:mad:
أما يلي فوق القفص فهنن القهرة الكبيرة هدول هنن ((طبوش وناتاشا)) هيك مسميهم وبكونوا إخواتوا ل((طبلوج الكربوج))بتتذكروااا !!!!
طبوش... لأنو من صغروا بطبّش عالإيد وعمروا سنتين وصوتوا ماشاء الله...
وناتاشا... لأنها يامين شايفها عم تنتش بالجرايد والخيطان وشو ما شافت بتنتش... ليش؟؟؟؟ لأنها بدها تساوي عش طبعاً...
وهي صورة عن قرب...
http://www.2zoo.org/get-10-2009-2zoo_org_butpqyvw.jpg
وهالجوز الله يهني يلي اشتراهن موالفين على بعضهن من صغرهن قبل ما يطبقوا السنة كانوا مفرخين أول وجبة عصافير... مع العلم إنهم فقسوا عندي ... وهي السنة كمان فقسوا وجبة عصافير وأظن عددها الرابع إذا ما خانتني الذاكرة... ولولا ما قمتلها العش لضلت عم تفرخ.. حتى بعد ما قمت العش صارت تبيض بزاوية القفص...:wao:.. ويامين تراني عم قيم بيض وكب:eek:...صلوا عالنبي.. طبعاً..
http://www.2zoo.org/get-10-2009-2zoo_org_9xlwtlpu.jpg
شرطنا على اللي اشتراهن أنو ما يفصلهن عن بعض بس ما بعرف شو حيصير فيهن من بعدي...
فبالله عليكن مو حرقة قلب ولا لاء..؟؟؟:confused:؟؟
m.n.a.n.g.h
03-10-2009, 11:02 PM
انت ليه بعتهم
والله خساره انت غلطان
الله يعوضك
اللؤلؤ المكنون
03-10-2009, 11:34 PM
انت ليه بعتهم
والله خساره انت غلطان
الله يعوضك

أول شي شكرا على مرورك...
بس لا تقهرني:( أكتر الله يخليك...
ذكرت السبب أنو بعتهم.. وبقي هلأ عندي _ بعد ما تنازلت عن هدول _ بقي سبعة..
*جوزين: جوز ابنهم يلي بالقفص وجوز تاني بنتهم كمان بالقفص
*وأبوهم يعني الجد الأكبر يلي اشتريته بالأصل من ثمان سنوات ورغم أنو هلأماعم يغرد ولا عم يطلع صوته منوب بس ما قدرت اتنازل عنو لأنه الأصل...
*وعصفور صغير عمره خمس شهور و بغرد نغمات حلوة ..بس ما بعته لأنو مشوه شوي وما حدا لح يرضى يشتريه وإذا أخذوه لح يظلموه فخليته عندي..
*وعصفور أخوهم ذكر فحل بس هلأ مضرب عن التغريد مابعرف ليه يمكن من الشوب...:confused:
اللؤلؤ المكنون
07-10-2009, 09:19 PM
ما من مواسي يواسيني ..؟؟؟؟؟
أوكلت أمري لله....
صدى النواعير
08-10-2009, 11:09 AM
اخ با اخي لا تشكيلي ببكيلك وكمان عندي نفس المشكلة ما بحسن حطون على الرندة بالشتوية و اهلي يا لطيييييييييييييييييييييييييييييييييييييييف

بس لو انك قايلي انك بدك تبيعون كنت اشتريتهم منك وحطيتون عند رفيقي
اللؤلؤ المكنون
08-10-2009, 11:25 PM
مشكورة مؤازرتك أخي صدى النواعير ... بس شلون بدنا نسفرهن بين المحافظات خطي بيتعبوا..
بس قدرلي سعرهن حتى أعرف إذا كنت مغبون فيهن ولا لاء؟؟؟
ومشكور مرة تانية...
nodi
09-10-2009, 12:40 AM
له له الله يسامحك خيو على هالعملة لك اذا عم تقول امت العش صارت تبيض بالزاوية تبع القفص معناتا هي اكيد سعرا غالي يعني هدول الاربعة بسعر 6000 ل س
صدى النواعير
09-10-2009, 02:35 PM
بس قدرلي اعمارهم مشان قلك شو سعرن عنا بحماة اخي ....... وبتعرف من محافظة لمحافظة بيختلف لانو تجار حمص بيشترو من عنا
صدى النواعير
09-10-2009, 02:40 PM
بس كيف مزوجهم مع بعضهم وهنن الاتنين مقرفلات يعني يمكن يطلعو الفراخ صلعان
اللؤلؤ المكنون
10-10-2009, 11:41 AM
له له الله يسامحك خيو على هالعملة لك اذا عم تقول امت العش صارت تبيض بالزاوية تبع القفص معناتا هي اكيد سعرا غالي يعني هدول الاربعة بسعر 6000 ل س

لا تقولها ... والله هيك كتير فرق عن السعر الي بعتهون فيه....
عرضتهون على بياع بمحل معتبر ... صار بدو ياخدهون لهطة وبتراب المصاري ... وكسّر بمقديفهون لتقول حاجة.... على هاد عم يقلش والتاني فرخ...مع أنو الصغير فيهن عمرو ست شهور وعم يغرّد أحسن من الكبار ...وما دفعلي فيهن أكتر من 2000 ليرة:eek::wao::eek:
وطلعت من عندو وبالصدفة شافني زبون كان عندو ولحقني بدو ياخدهن مني ودفع مبلغ أحسن فبعتوياهون...
على كلٍّ مشكور اهتمامك وعوضي على الله... لأن قيمتهن المعنوية عندي أكبر بكتير من المادية ولا تقدر بثمن ... مربيهن على إيدي ...
:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(
:mad::mad::mad::mad::mad::mad::mad::mad::mad::mad::mad::mad::mad::mad::mad::mad::mad::mad::mad::mad::mad::mad::mad::mad::mad::mad::mad::mad::mad::mad::mad::mad::mad::mad::mad::mad::mad::mad::mad::mad::mad::mad::mad::mad::mad::mad:
اللؤلؤ المكنون
10-10-2009, 11:50 AM
بس قدرلي اعمارهم مشان قلك شو سعرن عنا بحماة اخي ....... وبتعرف من محافظة لمحافظة بيختلف لانو تجار حمص بيشترو من عنا

قلت أنو طبوش وناتاشا عمرهن سنتين وبآذار بطبقوا التلاتة أما يلي لونهن سادة فقسوا بآذار الماضي يعني صار عمرهن ست شهور.. والذكر عم يغرّد ولا أحلى من هيك وبكون حفيدهم للزوج السابق :eek::eek: طبعا لأن طب الجرة على تمها بتطلع البنت لأمها... بنتهن لطبوش وناتاشا لسه ما طبقت السنة وإجى موسم الربيع صارت عم تساوي عش سايرتها وحطيتلها عش وذكر فجابت هاد الذكر الساده.....
صدى النواعير
10-10-2009, 12:07 PM
للذكر الذي عمره سنتين يمكن البيع ب 1500 ( يعني انت وشطارتك ) اما الانثى فتباع من ( 900-1200) انت وشطارتك
اللؤلؤ المكنون
10-10-2009, 12:15 PM
بس كيف مزوجهم مع بعضهم وهنن الاتنين مقرفلات يعني يمكن يطلعو الفراخ صلعان

فيك تقول مو أنا مزوجهم لأن هنن تزوجوا بعضهم ...
كيف؟؟؟:confused:
لأنهن أخوات فقسوا بنفس العش وكبروا وما فصلتهم لأن ما شفت منهن مشاكل وما عم يتخانقوا وطبعا مشان وفر قفص زيادة... ولما كبروا وصارموسم التزاوج ما هان علي أنو خليهن يفرخوا لأنهن أخوات وحاولت أفصلهن بس ينادوا لبعضهن ويصرعوني...وكل ما طيرهون أمسك ناتاشا بإيدي يصير يلحقها طبوش ويوقف على إيدي حتى ما يبعد عنها..:shy:شو هالرومانس:shy:
وبلشت تعمل العش بالأرض فحطيتلها العش حتى ما توسخ ريشها وتكسرو....
وكانت النتيجة أول وجبة فراخ من إنتاجهم ...
http://www.2zoo.org/get-10-2009-2zoo_org_t6prbqc0.jpg
طبعا هون عمرهن أسبوعين...وشايف يلي بالنص هي الأنتاية يلي حكيت عنها بالمشاركة السابقة...ولسعتها موجودة عندي واسمها (ميشا) يحرق حريشها...
وهي صورتهم وهنن آكلين ونايمين بعد ما كبروا شوي وتخلو عن العش..
http://www.2zoo.org/get-10-2009-2zoo_org_k49cwyxo.jpg
وبالنسبة للصلع ما إجاني ولا واحد أصلع من خمس وجبات فرخوها وكلهن حلوين وبجننوا وبالعكس ميشا عندها غرتين.. يعني دويرتين (مركزين) يخرج منها الريش...يس أكتر لون يفرخو هو اللون الزيتي (الحبشي)
وشكرا على مرورك واهتمامك....
وعـــد الهـــوى
11-10-2009, 06:17 PM
والله قهر
الله يعين ويعوضك
صدى النواعير
11-10-2009, 06:37 PM
والله يا اخي الحلو عندك انو انت وعصافيرك خفاف دم بس بدي قلك التزاوج بين الاخوة قد يسبب عاهات لا سمح الله بقا لا تعيدها لانو هالمرة عديت ع خير والحمد لله

بس عنجد ما لازم تسميهم ناتاشا وطبوش لازم تسميهم مهند و نور اصلا الاثنين شقر

شكرا على الصور الجميلة جدا
اللؤلؤ المكنون
11-10-2009, 11:52 PM
والله قهر
الله يعين ويعوضك

مشكور مرورك .. والله يعوض علينا وعلى كل الي متلي...
اللؤلؤ المكنون
31-10-2009, 02:13 PM
شفتهن بمنامي انهن صار عندن عش وناتاشا باضت :(
مبارح سألت بياع العصافير قديش الكنار المغرد قلي 1600 وذهلت لأني بعت طبوش المغرد واللي بيصرع البيت كلو بس 1000
مشان تكمل القهرة.....
صدى النواعير
31-10-2009, 02:40 PM
عادي بس كانو ما عندك خبرة بالبيع والمشترى مع انو صرلك اكتر من 7 سنين بتربي كنار
ابو حمد
01-11-2009, 09:24 AM
انشاااء الله ربي يعوضك باحسسن منهم

تقبل مروري
محمد جمعة
01-11-2009, 07:18 PM
الله يعوضك باللي احسن منهم
اللؤلؤ المكنون
02-11-2009, 11:32 PM
والله ياأخي صدى النواعير اكتشفت أني غشيم بهالشغلة...
لأني ما اشتريت غير عصفور واحد من تمن سنين وكان فرخ اخدته ب600 ليرة لأن كان فرخ عم يغرد جديد ولبعد سنة اشتريت الانتاية بيضاء بس ما ضلت عندي كتير لأن طلعت على العمرة وماتت بغيابي نسيوها بالبرد....
وبعدين اشتريت النتاية اللي فرخ منها (فقيسة) أم العيال...ولبعد أربع سنين لظبطت معو وبلشوا يفرخو وقلي الكريم خود...
وبقية العصافير اللي عندي كلهن من انتاج بيتي وتربية منزلية رفع...واذا بدي صرف منهن كنت اهدي الأقارب وللأسف ما يديروا بالهن عليهن كتير وقلال اللي ضلوا عندهن من عصافيري..
فقلت لحالي لجرب وبيع آم شوفت عينك غدروني وانقهرت عليهن... :(
اللؤلؤ المكنون
02-11-2009, 11:34 PM
ويعوض عليكم وشكرا لمروركم اخواني أبو حمد ومحمد جمعة.....
صدى النواعير
04-11-2009, 12:49 AM
العوض على الله بس تاني مرة اسال يا زلمة
اللؤلؤ المكنون
04-11-2009, 02:14 PM
والله سألت وصارت الشغلة بسرعة مع أنو فكرت كتير قبل ما قرر بيع هدول .....
بس شو بدي اعمل اذا البياعين عنا متل (الحرامية) بتسأل عن الشغلة بيقلولك سعر غالي ولما بدك تبيع نفس الشغلة ما بعودوا بقيموها من أرضها !!!!!
وبلا ما نحكي أكتر من هيك وخلي الطابق مستور....
صدى النواعير
04-11-2009, 07:38 PM
والله سألت وصارت الشغلة بسرعة مع أنو فكرت كتير قبل ما قرر بيع هدول .....
بس شو بدي اعمل اذا البياعين عنا متل (الحرامية) بتسأل عن الشغلة بيقلولك سعر غالي ولما بدك تبيع نفس الشغلة ما بعودوا بقيموها من أرضها !!!!!
وبلا ما نحكي أكتر من هيك وخلي الطابق مستور....

اي والله لك تصور مرة غشوني وباعوني فرخ عواض ذكر كامل وعلقت مع البياع لحتى بدلتو 3 مرات
اخي هلا برايي افضل شي نشتري فراخ ونربيهم على ايدنا وبعدين ننتج منن وانا دائما اذا بدي بيع
بيعهم بسوق الجمعة ( اذا سمعان فيه ) لانو هونيك بتطلب السعر يلي بدك ياه والا ما يجيك راغب
اللؤلؤ المكنون
04-11-2009, 11:59 PM
وين سوق الجمعة بالشام ولا بحماة ؟؟؟؟
وبالنسبة للتربية هيك عملت ومتل ما قلت كنت اعطي الاقارب وما صفي حدا بعرفوا بدو عصفور الا وعطيتو وفوقها قفص كمان يعني بدال ما آخد مصاري عليه بدفع فوقو حق القفص فشايف شو اني تاجر فهمان ... وفوق كل هاد بشوفهن عم يموتو من قلة الاعتناء اللهم الا كم واحد ... فقررت بيع آم انقفشت بالزايد...
صوغة
05-11-2009, 12:21 AM
خسارة والله لكن هذا امر ربك مكتوب لكم تتفارقوا والله يعوضك باللي عندك يارب
اللؤلؤ المكنون
05-11-2009, 11:11 AM
نوّرت بمرورك يا صوغة ...
والله يعوّض عليك وعلينا وعلى كل اللي متلي ....
صدى النواعير
05-11-2009, 11:23 AM
اخي وقت بدك تبيع انا مستعد اشتري منك وجيبهم من الشام لحماة لانو عصافيرك شغلة كبيرة ما شاء الله

بس لاقي وسيلة نقل ويمكن بالقطار يمشي الحال
القناااص
05-11-2009, 05:54 PM
والله حرام تبيعهم
MR.F
06-11-2009, 12:37 AM
لا تاسف على ما فات
الطيور راحت و البركة في الجاي ان شاء الله
اللؤلؤ المكنون
06-11-2009, 06:23 PM
شكرا كتير أخي صدى النواعير والله يجبر بخاطرك...
بس هلأ ثابت على سبعة وما بعرف بجوز بالربيع ارجع خليهن يفرخوا...
وبرد بتشكرك كتير على نصايحك اليوم قعدت واستمتعت بصوت أبو صريع اللي رجع يغرد بعد انقطاع دام حوالي السنتين أو أكتر ... نغمته كملت بس لسه صوته واطي شوي...
من ثلاث أيام بلشت حطلو بالمي دواء اشتريته من محل العصافير لما بدلت البطات... اسمو سلفامايسين... بس معد حطيتلو عسل ارجع حطلو ؟؟؟
وحطيت كمان لعصفور تاني اسمو كوكي ابنه لأبو صريع كنت عاطيه لجيرانا بس قالولي انو ما عم يغرد فقلتلهن بدلكون ياه بواحد عم يغرد لبين ما شفلكن شبو واليوم كمان رجع يغرد...
اللؤلؤ المكنون
06-11-2009, 06:26 PM
شكرا على تفاعلك معي أخي القناص...
اللؤلؤ المكنون
06-11-2009, 06:27 PM
تسلم mr.fعلى مرورك ومؤازرتك لي...
صدى النواعير
06-11-2009, 07:33 PM
يا ريتني جارك

ريحو شوي لابو صريع من العسل كمان مشان ما يشحم و عطيه الدواء يلي اشتريتو

وين الصور
اللؤلؤ المكنون
06-11-2009, 11:53 PM
ع الطريق انشاالله ...
mr.zodi
23-12-2009, 08:21 PM
الله يعوضك خير يارب

وخيرها في غيرها

وانا اقلك ان شاء الله لا تحزن

امكن اللي اشتراهم بيدعيلك على هالترباية

وشكرا
Gouldian Finch
23-12-2009, 08:34 PM
الله يعوضك خيرا ويرزقك ما يرضيك أكثر مما فقدت آمين

الصراحة أهنئك على طريقة تعلقك وحبك للعصافير وتسميتهم ومعرفة طباع كل واحد منهم
alixxz
23-12-2009, 09:55 PM
انشالله الله يعوضك

ولا تحزن على ما فات

وفكر بالي جاي
عاشق كلب الراعي الألماني
23-12-2009, 10:49 PM
ليه بعتهم
اللؤلؤ المكنون
24-12-2009, 11:51 AM
الله يعوضك خير يارب

وخيرها في غيرها

وانا اقلك ان شاء الله لا تحزن

امكن اللي اشتراهم بيدعيلك على هالترباية

وشكرا


شكرا الك وعوضني الله خير برودكم الكريمة...

وأنا هاد اللي مواسني بس بيتجاكر الواحد شلون بخسوهن حقهن...!!!!

ولو بقدر اعرف وين اللي اشتراهن لاطمن عليهم بس ...

وشكرا