لو خيروك وش تاخذ ؟

[راينو]

السلام عليكم ورحمة الله و بركاته
انا حبيت آخذ رايكم يا اعضاء تو زوو العزيزين
مجرد خيارات بسيطة
انا ابي اشتري كاسكو ان شاء الله
ابي نصايحكم
انا فكرت اشري واحد اليف ثم بطلت
و قلت ابي اشري واحد متوحش
تبي تقولون غريب ذا الشخص عيا يشري اليف و اخذ متوحش
تبي تقولون راح يتعذب بالتدريب
تبي تقولون شكله ما كفته الفلوس
انا اقولكم ليه ابغا واحد مفترس
الفلوس متوفرة و الحمد لله
التدريب مو مشكلة
اما من ناحية ليه ما ابغا اليف
انا اقولكم
من تجربتي للببغاوات و خصوصا الدره او ما بديت بديت بواحد متوحش ( مسويلي ابي ادربه )
بعدين قعد معي شهر و بعته لاني طفشت منه
و شريت اليف و الى الحين ما تعود علي مع ان له عندي اكثر من شهرين
انا من تجربتي ان المتوحش يتعلقبك اكثر من الاليف لانه جا من مكان تعذيب و مشاوير ما فيها حنان عليه ابد
بعدين جيت انت شافك اول اسبوع يحسبك مثلهم تبي تعذبه و تغذه
بس لما تعود عليك صار يحبك و يموت فيك لانك فكيته من ازمة
اما الاليف
يختلف الواضع لانك راح تخاطر لما تشريه
خل نقول شريت اليف
الاليف يبي يخاف منك اول اسبوع
بعدين اسبوع ثاني
بعدين اسبوع ثالث
لما يقعد طول عمره خايف
( هذا كله من تجربتي )
يعني الزبدة من الموضوع كله
وش رايكم اليف والا مفترس
مع ان الاليف يتعود عليك بعد مدة طويلة
اما المفترس بمدة وجيزة بس يبيله شويت تعب
انت لو مكاني وش تبون تسوون ؟
اعذروني على الاطالة

[naasooh]

راينوو

خذلك واحد بداية كلام وعمره ماهوو كبير حتى وأن كان غير أليف
أفضلك
ترى أصابعك مااهي سووا نفس الشئ الكواسكوو من ناحية الذكاء

و راح تكسب
***تجربة بالتدريب لأن حتى المتكلم راح يتعلم منك كمدرب
***والسعر مناسب عند الشراء ومستقبلا سعره أعلى
***وتظمن أن شاء الله أن الطير لي قدام راح تنبسط منه

[صوغة]

لاتشتري متوحش ولا تقول المتوحش بيشوف حناني وبيحبني

عندي كاسكو متوحش عمره 3 سنوات مو محجل جانا هدية ومع اني عطيته 9 اشهر حنان وحب و9 اشهر واقف على الاستاند لكن لليوم ما اقدر اقرب منه.. المتوحش خاصة البري متعود على الحرية كان يعيش رايه من راسه تبيه يحبك بعد أسرهـ ؟؟ مستحيل

هذا جوابي من تجربة

اذا عندك مقدره على رعاية فرخ 4 او 6 اشهر اخذ لك وربي راح تتفاجأ من أول يوم أشلون مايرتاح الا وهو بحضنك
مع اني اخذت فرخ 4 اشهر ومات عندي لكن ودي اكرر التجربة بس مترددة انتظر خبرتي شوي تكبر

وجوابي هذا من تجربة

والله يوفقك

[طير جديد]

انصحك اذا بتاخذ افريقي
خذ لك واحد لا هو اليف ولا متوحش
خذ لك واحد عمره من 7 الى 9 شهور خفيف في الجعره او مايجعر وابدا معاه ترى سعره حلو وسهل يتدرب
انا خذت لي 2 كذا ومشاء الله تبارك الله
واقول لك اكبر اعاقة للمدرب من الطير الجعره القوية المزمنه

واتمنى لك التوفيق تحياتي لك يالغالي

[alkanderi]

الله يعطيكم العافيه
انا من ناحيتي حسب ما اقرى وليس حسب الخبره انه مافي طير مايتدرب
ولكن السؤال الاهم هل عندك وقت لتعلم الطير
كثر قضاء وقت مع الطير = اسرع في التدريب
انا عن نفسي افضل المتدرب الجاهز ولكن حسب ميزانيتي اخذت غير مدرب وقمت بتدريبه ولكن للانشغالات التدريب بطيئ لدرجة توني احس بداية انه بدأ يحبني ويحب يكون حوالي يسرح ويمرح
ولكن عندما تقوم بتعليم الطير تحس بانجاز انجزته (شعور جميل)
والله الموفق

[wal___eed]

انا كان عندي طير قبل ثلاث سنوات كاسكو عمر سنه ونص تقريبا اليف ويتكلم وكل شي ولا يجعر بس احس انه يخاف مني حتى وهو قريب مني لاني شريته اليف ومادربته انا ’’’’



والحين توي شاري لي واحد عمر 9 شهور بدايه كلام والي باعني كان يطلعه على يده بس بالاكراه يعني مو من نفسه وفيه جعره الله لايوريك

له الحين عندي 5 ايام ومن امس احس الجعره بدت تخف شوي ولما يشوفني اطلعه الصباح من الغرفه الي ينام فيها يقوم يلعب بالقفص مبسوط وصرت اشيله واعلقه في مكانه المعتاد وبدون مايجعر

هاذا وانا للحين مابعد صار ياكل من يدي ولا امسح ع راسه ولا يطلع على يدي بس ماستعجلت عليه

ابيه ياولف معاي بهدوء بدون استعجال

نصيحتي كالاتي "

اتركك من الاليف وخذ لك عمر اقل من السنه وبدايه كلام وصدقني ماراح يتعبك لو حتى كان فيه مليون جعره

[الشفق الاصفر]

خذ محجل ازين

[ابو محمــد]

اخوي رانيو كيف حااالك طيب ...واخير فكرت بالكاسكو ,,,

مبروووووك مقدما وعقبال ما تتوفق في الاختيار,,

شوف اول شيء قول اليف أو غير اليف افضل من كلمه متوحش ,,

ثاني شيء كمبتدأ خذ لك كاسكو نص ونص يعني يطلع ع اليد لكن يعض أو العكس,,

وبكذا انت تقدر تروضه بدون ما تتعب وبنفس الوقت ضربت عصفورين بحجر,,

منها تعلمه ع عدم العض أو تعلمه ع طلوع اليد ومنها انت اول من دربه ,,

والخيار الثاني تأخذ فرخ عمره 6 شهور أو 9 شهور وتدربه ع مزاجك,,

والكاسكو يختلف عن الدره من ناحيه التدريب والانسجام مع المربي,,

وع فكره الكاسكو ينسى مربيه اذا رباه فتره قصيره بعد شهرين تقريبا,,

والدليل بعض الطيور ما يتكلم الا بعد شهر او شهرين,,

وهذا لأنه نسى المكان اللي كان فيه وتأقلم مع البيئه الجديده,,

اسف اخوي رانيو طولت السالفه وهي قصيره لكن انت غالي وحبيت افيدك بكل ما عندي.

[عزووووز25]

حيبي وجهه نظري
تأخذ طير فيه جعره بسيطه اومافي جعره مره
ويخاف شوي منك ولا يعض ولايتكلم

يسهل تدريبه ويكون معاك
اليف

[رامي11]

انا اشتري الغير اليف لأنني احب ان يكون الببغاء متعلق بي وحدي ولا احبذ ان ارى ببغائي يلعب مع الجميع وبعد كل اهتمامي به يعاملني كبقية الناس اما الغير اليف فسوف يتقرب مني ويصبح صديق حميم

[راينو]

مشكورين كلكم على مروركم والله اني ما كنت متوقع ان احد يدخل
بس هالردود عطتني الرأي ان الببغاء اللي آخذه
العمر ما بين 6- 9 شهور ( عشان ما يكون كبير )
الجعره خفيفه ( عشان ما يزعجني )
مو اليف ( عشان ما يصير متعلق بواحد قبلي )
عض خفيف ( عشان ما اتعذب بعضه )
جريئ ( لان الخواف راح يعذبك يبدا يهربمنك )
هذا المواصفات
هاه وش رايكم ؟؟
بس عندي مشكلة
الدره وين احطها
ابيعها صعبة لانها مريضة و بدت تتماثل للشفاء
و بدت تتكلم و تقول ( كيكو ) اسمها
و تعودت على اهل البيت
عادي لو طلعتهم برا القفص احطهم مع بعض

[ابو محمــد]

عااادي كل واحد في قفص واذا بطلعهم ما عندك اي مشكله.

[naasooh]

مشكورين كلكم على مروركم والله اني ما كنت متوقع ان احد يدخل
بس هالردود عطتني الرأي ان الببغاء اللي آخذه
العمر ما بين 6- 9 شهور ( عشان ما يكون كبير )
الجعره خفيفه ( عشان ما يزعجني )
مو اليف ( عشان ما يصير متعلق بواحد قبلي )
عض خفيف ( عشان ما اتعذب بعضه )
جريئ ( لان الخواف راح يعذبك يبدا يهربمنك )
هذا المواصفات
هاه وش رايكم ؟؟



راينوو
أنت تبي تتزووج ولا بتشتري كااسكوو:12::D:12::12:

أذا هالشرووط أشتره من واحد تعرفه هذا بالنسبة للطير أظمن لك ، وبالنسبة لك تقراا بمواضيع ألي بالمنتدى عشان يتغير الطير ألى ألأفضل

وعسى الله يوفقك بطير يرضيك