مليت من كلبتي

[SALEH ALMLK]

السلام عليكم ورحمة الله وبركاته


شخباركم شباب ان شاءالله مرتاحين بس انا ما مرتاح:(



جلبتي البت بول عمرها 6 شهور ما تسمع الكلام وكل ما امشيها معاي ما ترضى كله تسير بروحاه

وما تسمع الاوامر وعلى فكره صارلي شهر وانا ادربها طاعه وما احصل اي تقدم

وعنيده ولين تشوف كلب كله تعصب مره هديته على جيرمن شبرد اللعب مالها دفاشه


شباب افيديوني كيف اخلي الجله تسمع الاوامر مالي واخليها تتمشى مع مجموجه كلاب

:( :( :( :(

[فطوم]

هلا فيك ياخوي
اخوي المشكله مو في الكلبه المشكله في طاقه تحملك :)
الكلاب يبيلها طووله بال وكلبتك اذا الكثير يعتبرونها كبيره انا اعتبرها مازالت جروه يعني بتكون عنيده وتلعب :)

اللي عليك تسويه تحاول معاها اكثر وتكون صبور
تأنيبها اذا سوت شي غلط
مكافأتها اذا سوت شي زين
وبشكل مستمر وبعد كم شهر بتشوفها تنصاع لأوامر التدريب:)

[Brazzo]

اخوي بطبيعة البت عنيف ونسبة فهاميته اقل من باجي الجلاب مثل الروت والشبرد
انا كان عندي زوج بتابل مع انهم يسمعون كلامي ويمشون معاي بأحترام وطاعه بس لما يشوفون أي حيوان حتى ولو كان خيل هم يبون يهجمون عليه ويسحبوني ويعاندون وما يسمعون الكلام مع اني مثل ما ذكرت مطيعين لأبعد الحدود
الزبده وانا اخوك البت مشهور بأنه مخصص حق المجاول وصعب جدا جدا تحطه حق حراسه
واذا تبيها تمشي يمك لازم تربطها مو تخليها على راحتها وتطلب منها تمشي معاك !!
ويوم بعد يوم لما تتعلم تمشي يمك ولما تكون تعلمت كلمة تعالي وطبقتها جم مره بعدها روح مكان مافيه احد ويفضل بر او شاليه " دير بالك لا يكون في جلب ولا قطو " وخلها بدون الليش واذا مشت معاك الحمدلله واذا بعدت نادها واذا عاندت لا تروحلها خلها اهي تييك لما تمل او انت تعطيها ظهرك وتبعد عنها ولما تييك اربطها وخلها تمشي يمك لفتره وبعدها هدها وكرر المحاوله كل يوم حتى لو تعلمت كل يوم امش معاها بنفس الطريقه لفتره واكيد في طرق ثانيه وانشالله الأعضاء يفيدونك اكثر لأن هالطريقه ما كانت تمشي مع كل الجلاب اللي ربيتهم بس نفعت مع البعض

[بو خالد]

كلام الشباب ميه ميه يعطيكم العافيه

[الظل]

انا اتفق مع الاخوان

[AMRO NAIEM ALRAIIES]

اعتقد انك ما لك فى تربية الكلاب لانك لازم يكون عندك قوة تحمل كبيرة واصبر واتبع تعليما المنتدى وانت ان شاء اللة توصل لمرادك