هل يحفظ الهامستر اولاده في فمه

[خيال]

السلام عليكم
البارح لقيت هامستري شارد من قفصه ويوم دورت عليه لقيته تحت الكنبه وشفت المفاجئه لقيته مولد وماكنت داري انه حامل ورديته للقفص وحزني طاح في الاكل والماء وثم رجعت عياله له وصار يحط عياله الواحد ورى الثاني في فمه :eek: قلت يمكن بيحفظهم الين يسوى العش وحطيتله شوية مناديل عشان العش والحين الي ابغى اعرفه هو اكل عياله ولا بس يحفظهم بهالطريقه وسلامتكم

[a.h.m_0.0.1]

من كلامك اتوقع انه اكلهم

و

السبب انك لمستهم بيدينك فتغيرت ريحتهم على الام

الله يعوضك ان شاء الله

و

لا تخاف ما يغلق شهر الا وهي والدة مرة ثانية ان شاء الله

سلامـ

[Luis]

ياحسرة عليهم...:(

الله يعوضك اخوي..فالهامستر..لايضع اولاده بفمه الا ليأكلهم...

ومثل ماقال لك أخيa.h.m_0.0.1

والله يعوضك بغيرهم...:)

تحياتي لك..

[Withered Rose]

و عليكم السلام و رحمة الله و بركاته
:)
اذا شلتهم بالأيام الأولى من الولاده أحتمال كبير انه أكلهم .. و لكن أحياناً الهامستر لما تشوف الجو بارد ولا خايفه على عيالها من شي معين أو تبي تنقلهم من مكان إلى آخر تحفظهم عن طريق وضعهم بأكياس الخد (بالأيام الأولى فقط قبل نمو الفرو).. اذا لاحطت انه خدودها متنفخه و كبيرة وايد احتمال بعد ما أكلتهم ولكنها حفظتهم ..أما اذا مافي أثر أو صوت الصغار يطلع منها لفترة طويله ممكن كلتهم ..

[Luis]

سبحان الله...حتى الأولاد بتحفظهم في فمها...:)

مشكورة ألف شكر أخت ويذر عالتوضيح...:)

تحياتي..;)

[Withered Rose]

العفووووو :) :) :) انا مثلك لويس انصدمت .. مرة طليت على هامسترتي و مالقيت ولا واحد من المواليد مع انهم كانو 7 و سبحان الله اشوي ولا مطلعتهم من فمها !!! و الاحظ كل ما يبرد الجو تحطهم داخل تخاف عليهم من البرد .. وفي اسباب ثانيه : كل خطر يأثر عليهم من ضمنهم البرد :)

[Luis]

سبحان الله بالرغم من صغر حجمه الا انه فيه مزايا عجيبه...

من ضمنها ولادة اكثر من 9 اولاد..وهذا الخبر ماصدقته امي..;)

تقول هالنتفه هذي تجيب 10...!!

وايضاً حفظ الأولاد داخل أكياس حفظ الطعام...:)

نفسي مرة اشوف هالموقف...>> فضولي اي شي يبي يشوفه...

تحياتي الحارة..:)

[passposse]

السلام عليكم ..

هلا اختي Withered Rose اشكرج والله ع المساعده وتوضيح هذه النقطه ..

سبحان الله كيف جذيه تخلي عيالها في اكياس تخزين الاكل في الفم بس كيف جذيه يتنفسون الصغاريه او هي تاكل .. سبحان الله .. كل مره نتفاجئ بالي يقوم فيه هذا الكائن الصغير الرائع ..

والله يعطيكم العافيه .. تحياتي ..

[s3ood]

شوف يا صديقي الهامسترات عندهم مخزن في فمهم و بعض المرات يخزنون الاكل في فمهم فتلاحظ ان فمهم مليان اكل و يمكن اذا شعروا بخوف يحطون عيالهم في هالمخزن فيمكن انت طولت بروحتك لهم فبلعتهم بس يا صديقي اذا ولدوا مرة ثانية ابتعد عنهم عشان الام ترضعهم براحة و نصيحة مني شيل الذكر على ما يكبرون اليهال

و الله يعوضك

[{zozo}]

للاسف:( انتا ماوفرت الهدوءلهم عشان كذا اكلت عيالاها الله يعوضك غيرهم:)

[a.h.m_0.0.1]

سبحان الله

عجيبه و الله هالمعلومة

مشكورة ويذرد على التصحيح

بشرنا اخوي وش صار على العيال؟