كاسكو افريقي يبط الكبد [الأرشيف]

مشاهدة النسخة كاملة : كاسكو افريقي يبط الكبد

ببغائي ميمي

07-10-2009, 05:48 PM

:64: <<<<< شوفو كيف صرت

المهم ......
انا ببغائي ميمي انثى كاسكو افريقي عادي (طرمه ) ماتتكلم

وصار لها معاي 4 شهور ونصف والى الان مانطقت ولا حرف :wao:

زهقت منها انا شتريتها بـ 2000 وعمرها سنه ونص يعني كبيره بس ماادري هل في مجال تتعلم
الكلام ولا طول عمرها طرمه ماتتكلم بس تنابح :p <<<< حشا كلب مو ببغاء

ساعدوني انا اللي كنت احب الطيور احس مليت منها :(
عطوني رايكم ومشورتكم فيها :confused:

اختكم ... ببغائي ميمي

o9Liii

07-10-2009, 05:54 PM

بسألك كم سؤال:

هل هي إلى الآن تجعر ؟

هل سمعتيها صفرت؟

هل هي أليفة ولا لا ؟

هل هي في القفص ولا على الاستاند ؟

جاوبي على الأسئله وانشاء الله احاول افيدك :)

ببغائي ميمي

07-10-2009, 05:59 PM

بسألك كم سؤال:

هل هي إلى الآن تجعر ؟

هل سمعتيها صفرت؟

هل هي أليفة ولا لا ؟

هل هي في القفص ولا على الاستاند ؟

جاوبي على الأسئله وانشاء الله احاول افيدك :)

هل هي إلى الآن تجعر ؟ بعض المرات ايه تجعر الى الان

هل سمعتيها صفرت؟ ايه تصفر بس قبل كم اسبوع كانت تطلع تصفيرات روعه والحين طرمه بس تصفيره وحده ماتتغير

هل هي أليفة ولا لا ؟ نوعا ما ايه اليفه

هل هي في القفص ولا على الاستاند ؟ بره القفص من اول ماشتريناها ماحبستها داخل القفص

o9Liii

07-10-2009, 06:31 PM

لازم يكون مكان التدريب واحد ما يتغير ولازم ما يكون هناك اي شي يشتت انتباهها

قبل التدريب بساعتين شيلي الأكل من عندها (الأكل مو الماء)

المرحلة الأولى

ألحين انتي حاولي تأكلينها من يدك
اذا صارت تاكل من يدك وما ترمي الأكل تكوني اجتزتي المرحلة الاولى من التدريب (أهم مرحلة)

المرحلة الثانية
نفس الكلام شيلي الأكل قبل التدريب بساعتين

اعطيها كم حبة من أكلها المفضل (اذا اكلت فمعناتها لا تزال تتذكر التدريب من المرحلة الأولى وهذا مؤشر ممتاز.. أما اذا رمت الأكل فلازم تكرري تدريب المرحلة الأولى حتى تحفظه)

لنفترض انها ما رمت الأكل

تقومين بالمسح على رأسها بكل هدوووء (اذا مشى حالها وما عضت كافئيها بالاكل اللي هي تحبه أما اذا حاولت العض قولي لها عيييب وانتظري كم دقيقه وأعيدي المحاولة ....وكرري هذي العملية حتى تنجح)

المرحلة الثالثة

الصعود على اليد

شيلي القفص وابعدي عنها أي شي ممكن تطلع عليه نزليها على الأرض ... هي من نفسها راح تدور على أي شي تحاول تطلع عليه انتي مدي لها يدك بكل هدوووء وحطيها قدامها ( راح تتمسك في يدك بمنقارها وتحاول تطلع .. اذا طلعت على يدك حطيها على القفص وكافئيها باللي تحب ) كرري هذي العملية حتى ترسخ في ذهنها ولا تنسين المكافئة

اذا وصلتي إلى هنا معناته ما بقى عليك إلا تعليم الكلام

لتعليم الكلام طرق كثييييره
وأساسها التكرار حتى يحفظها الطير

المهم تدوري لك على كلمه سهله يفضل أن تكون ثلاثية ووسطها حرف مد مثل هاي و تكرريها عليها لين تنطقها

في ناس يستخدمو اللابتوب للتكرار وفي ناس يستخدمو الجوال وناس يكررو بأنفسهم

سوي اللي يريحك بس المهم انها تكون بنفس النبره حتى لا تشتتي الطير

أتمنى من الله اني أكون ساعدتك باللي أقدر عليه

بالتوفيق ان شاء الله

تقبلي تحياتي
أخوك خالد

ببغائي ميمي

07-10-2009, 06:43 PM

لازم يكون مكان التدريب واحد ما يتغير ولازم ما يكون هناك اي شي يشتت انتباهها

قبل التدريب بساعتين شيلي الأكل من عندها (الأكل مو الماء)

المرحلة الأولى

ألحين انتي حاولي تأكلينها من يدك
اذا صارت تاكل من يدك وما ترمي الأكل تكوني اجتزتي المرحلة الاولى من التدريب (أهم مرحلة)

المرحلة الثانية
نفس الكلام شيلي الأكل قبل التدريب بساعتين

اعطيها كم حبة من أكلها المفضل (اذا اكلت فمعناتها لا تزال تتذكر التدريب من المرحلة الأولى وهذا مؤشر ممتاز.. أما اذا رمت الأكل فلازم تكرري تدريب المرحلة الأولى حتى تحفظه)

لنفترض انها ما رمت الأكل

تقومين بالمسح على رأسها بكل هدوووء (اذا مشى حالها وما عضت كافئيها بالاكل اللي هي تحبه أما اذا حاولت العض قولي لها عيييب وانتظري كم دقيقه وأعيدي المحاولة ....وكرري هذي العملية حتى تنجح)

المرحلة الثالثة

الصعود على اليد

شيلي القفص وابعدي عنها أي شي ممكن تطلع عليه نزليها على الأرض ... هي من نفسها راح تدور على أي شي تحاول تطلع عليه انتي مدي لها يدك بكل هدوووء وحطيها قدامها ( راح تتمسك في يدك بمنقارها وتحاول تطلع .. اذا طلعت على يدك حطيها على القفص وكافئيها باللي تحب ) كرري هذي العملية حتى ترسخ في ذهنها ولا تنسين المكافئة

اذا وصلتي إلى هنا معناته ما بقى عليك إلا تعليم الكلام

لتعليم الكلام طرق كثييييره
وأساسها التكرار حتى يحفظها الطير

المهم تدوري لك على كلمه سهله يفضل أن تكون ثلاثية ووسطها حرف مد مثل هاي و تكرريها عليها لين تنطقها

تقومين بالمسح على رأسها بكل هدوووء .....

هي ماترضى الا بالمسح على منقارها بس اذا بصعد لراسها ترفع راسها معاي وتفتح فمها
ولا ترضالي اقرب من راسها

الصعود على اليد

هي تصعد على اليد بس بعض المرات تمتنع
وتطير بعيد مع العلم ماتعرف تطير عدل ومقصوص جاحها

اذا طلعت على يدك حطيها على القفص وكافئيها باللي تحب

مامره كافئتها بشي بس احطها على قفصها بعض المرات

ألحين انتي حاولي تأكلينها من يدك

تاكل من اليد عادي وبعض المرات تاخذه وترميه

لتعليم الكلام طرق كثييييره
وأساسها التكرار

انا اكرر عليها كلمة ميمي من اول ماشتريتها بس ولا كاني اتكلم معاها ولا حرف نطقت

___________________________

شكرا لك

o9Liii

07-10-2009, 07:19 PM

مامره كافئتها بشي بس احطها على قفصها بعض المرات

هذي هي المشكله

عشان تحصلين على ثقة الطير لازم من المكافئه على كل شي تسويه ويعجبك كافئيها

هي ماترضى الا بالمسح على منقارها بس اذا بصعد لراسها ترفع راسها معاي وتفتح فمها
ولا ترضالي اقرب من راسها

طيب

امسحي على منقارها ... اذا بقيت ثابته...أعطيها مكافئه
بعد كذا حاولي تتدرجي في المسح لين توصلي رأسها ولا تطولين شيلي يدك على طول واعطيها مكافئه
المره اللي بعدها زيدي الوقت شوي...واعطيها مكافئه... وهكذا

اذا ما مشى حال الطريقه السابقه
حطي في يدك اللي قدامها حبه من الأكل اللي هي تحب (لتشتيت الإنتباه)...واليد ثانية حاولي ترفعيها بهدوووووء إلى رأسها اذا حاولت تقاوم حركي اليد اللي فيها الأكل أو قربيها منها

اذا وصلتي لرأسها امسحي ولا تطولي رجعي يدك بهدووووء وقدمي لها المكافئه
والمره اللي بعدها زيدي مدة المسح وكافئيها....وهكذا حتى تحفظ التمرين وتكسبي ثقتها

هي تصعد على اليد بس بعض المرات تمتنع
وتطير بعيد مع العلم ماتعرف تطير عدل ومقصوص جاحها

هذي انشاء الله تتطور مع اجتياز مرحلة المسح لأن ثقتها راح تزداد فيك

تاكل من اليد عادي وبعض المرات تاخذه وترميه

حلو واذا كررتي عليها الاطعام عن طريق اليد راح تتحسن وتصير ما ترمي الأكل من يدك

انا اكرر عليها كلمة ميمي من اول ماشتريتها بس ولا كاني اتكلم معاها ولا حرف نطقت

بس تجتازي مراحل الترويض كامله راح تزيييييد ثقتها فيك أكثر

ومن رأيي اذا ما نطقت الكلمه خلال اسبوعين إلى ثلاثه غيري الكلمه إلى كلمه اسهل وانشاء الله تتحسن وتتكلم وتقرأ القرآن بإذن الله

تقبلي تحياتي وأسف على الإطاله

أخوك خالد

ببغائي ميمي

07-10-2009, 07:32 PM

انشاء الله تتحسن وبحاول اسوي الموجود

ومشكور اخوي ع الافاده

abukhaled

07-10-2009, 09:48 PM

ابو محمــد

08-10-2009, 07:20 AM

مرحبا اختي ممكن صوره للطير.

naasooh

08-10-2009, 09:59 AM

أذا الكاسكوو
يجعر
ويصفر
ويقلد صوت نباح الكلب
مااهوو أطرم

رااي لك تبدأي بتعليمه كلمه جديده قريبه من ألأحرف ألي ينطقها وتكوون قليلة ألأحرف وكرريها عليه
وبعد ما يحاول يقلد نفس الكلمه كافئيه

وأذا ماا عندك وقت شغلي له المسجل بصوت أكثر واحد متعلق فيه بالبيت مكرر
ومع الوقت راح يتكلم أنشاء الله

ببغائي ميمي

10-10-2009, 04:52 PM

انا لاحظت على ميمي انها لما اطلعها للناس تصافر وتنزل من القفص وتقعد تمشي بس ماتنطق

اما في غرفتها ساكته ونادر تصافر

ببغائي ميمي

10-10-2009, 05:35 PM

ونسيت شي انها لما يقترب احد جنبها ترتجف

يعني جناحها يرتجفان ولما يروح عنها ترجع طبيعيه

ببغائي ميمي

11-10-2009, 07:53 PM

اليوم دخلتها بالقفص غصب عنها

وطبعا صراخ الدنيا طلعته

وفي الاخير حبستها بقفصها لانها بدت هالايام تنحاش من مكان لمكان >>>>طيرانا

قلت بوديها لمكان ثاني يمكن تغير الناس عليها والمكان يخليها تنطق :confused:

o9Liii

12-10-2009, 10:33 PM

سويتي اللي قلتلك عليه ؟

بشريني ايش صار معك

يا ريت تحطي صورة لطيرك

ببغائي ميمي

13-10-2009, 04:23 PM

حاولت انزل صوره
بس مو راضي تضبط

ان شاء الله بنزل قريب