المساعد الشخصي الرقمي

مشاهدة النسخة كاملة : أرجوكم انصحوني ببغائي صاير شرس .. وما حدا بساعدني

my parrot
08-10-2009, 08:30 AM
السلام عليكم
بعتذر لإني عدت الموضوع مرة تانية بس الظاهر موضوعي السابق صار بخبر كان,
صدقوني العنوان ما بوصف الحزن اللي فيني, كل اللي بدي إياه تنصحوني في التعامل مع ببغائي كيف يصير أليف زي ببغاواتكم ..
عندي ببغاء سنغالي عندي إياه تقريبا 5 سنين
ومشكلته إنه بعض كتيير وصياحه مزعج في الصباح وهو شرس ,
بعامل ببغائي كتير منيح وبهتم بأكله وحنونه عليه بس هو ما بسمحلي أحمله يعني بلمس راسه وبس
أنا حزينة عليه كتيير كتيير وما بدي أتركه.
نوروني بنصائحكم .. والله بدي حل :shy: .
الله ينور دربكم
ابو محمــد
08-10-2009, 09:31 AM
طيب وينك قبل 5 سنين؟؟؟؟؟؟

عموما اذا الطير غير مهتم فيه طول هذه الفتره ,,

تدريبه راح يكون شاااق,,

لكن ابدأ معه من جديد وحاول تكسب الثقه,,

وتعطيه الاكل والماي وتقعد معه اكثر من قبل,,

وبالتوفيق.
my parrot
08-10-2009, 09:51 AM
وقتها كنت أفكره زي عصفور,
بس هلأ اعرفت ,أنا بدي أسعده وصارت أمنيتي إنه يصير أليف
يا ريت تنصحوني كيف أبده معاه لإني صرت أخاف أقرب عليه من العض وما بعرف شو أعمل.
ابو محمــد
08-10-2009, 09:58 AM
لي عوده انشاء الله ,,

لكن ممكن صوره الببغاء والقفص.
my parrot
08-10-2009, 10:00 AM
بصراحة ما عندي كاميرا ,بصير أضع صور مشابهة من الإنترنت.
الله يبارك فيك استاذ أبو محمد.
ابو محمــد
08-10-2009, 10:02 AM
لا ما ينفع ,,

وانا حبيت اعرف القفص صغير او كبير,,

الببغاء كبير او صغير ,,

حاله ريشه وصحته والتغذيه كلها مهمه.
my parrot
08-10-2009, 10:04 AM
طيب رح أكتبلك معلومات عنه بس أجهزهم
ممكن
my parrot
08-10-2009, 10:42 AM
الببغاء طوله تقريباً 14سم
ويمكن عمره قريب من 5 سنين
والقفص تقريباً طوله 57سم وعرضه 43سم
القفص من غير غطا لحتى نوضع المجثمات يعني دايماً بجلس فوق القفص
عادة الجعير بكون في الصباح والمساء
بحب يطير كتير وبيتشقلب وبعمل أحياناً حركات حلوة
وريشه بلمع ما شاء الله عليه هو كتير حلو
وأكله كل صبح أضع له خضراوات وفواكه والمساء أضع له البذور
وكل أسبوع بنظف قفصه وكمان لما يكون القفص اتسخ كتير
هو مرح وشكله عنجد مبتسم دايما بلمس راسه وبدلعه
بس المشكلة بعضني كتير وجعيره مزعج وما بنقدر نلعب معه لإنه بخاف نلمس جناحه
بتمنى تكون المعلومات كافية.
my parrot
08-10-2009, 10:59 AM
وكتير قالوا إنه الجعير سببه الحزن
وهو كتير بخاف وبرجف أحياناً لما يشوف شي غريب زي عصاية كبيرة أو حديدة وأحياناً بعد فترة ببطل يخاف منها.
وفي مرة زمان صابه نزيف وما بنعرف ليش كتير زعلت عليه بس الحمد لله وقف النزيف ويمكن كان مفكر إنا السبب.
وأنا حزينة عليه وبدي أسعده.
ابو محمــد
08-10-2009, 11:22 AM
شوفي انا خبرتي عن السنغالي بسيطه ولكن بعد البحث وجدت,,

طائر جميل وناعته قويه,,

اما بالنسبه لعيوبه انه يمكن ان يكون صوته مزعج في البدايه ولو لو لم يهداء ويعتاد البشر سيكون مصدر ازعاج كلما اقترب احد من القفص ولكنه طائر رائع جميل ونشيط يحب اللعب والمرح ويتفاعل مع مربيه وقد سجلت بعض الحالات نطقه لبعض الكلمات البسيطه ولكن عندما يربي الذكر بشكل مفرد,,

ولعمليه العض في موضوع لي ممتاز ونتايجه تقريبا ناجحه وراح تستفيدي

وهذا الرابط:


http://vb.2zoo.com/showthread.php?t=117364http://vb.2zoo.com/showthread.php?t=117364http://vb.2zoo.com/showthread.php?t=117364
my parrot
09-10-2009, 01:09 PM
يعطيك العافية استاذ أبو محمد
بتمنى تنجح الطريقة,
على كل حال شكرا لمرورك الطيب.