ممكن أحد يفيدني الله لا يهينكم

[المستهام]

السلام عليكم ورحمة الله وبركاته

عندي سؤال واحد ومختصر أنا أبغا أشتري ببغاء أفريقي رمادي من الرياض

سؤالي وين أفضل مكان أشتري منه ؟:rolleyes:

[صويب الرمش]

والله ودي اخدمك لكن انا ماني من الرياض ممكن احد الاخوان يخدمك لكن انا اتذكر انه فيه مكان اسمه مملكة الحيوان و مكان اسمه الأمازون اذا ما خاب ظني ممكن تلقا عندهم لكن انتظر العلم الأكيد من زملائنا اللي يعرفون الرياض تمام ...


ومثل ما انت عارف انه فيه حظر على استيراد الطيور الحية بأنواعها من خارج المملكة ...


فراح تكون اسعارها غالية ...

[فارس مجهول]

أحسن الأماكن لشراء الطيور في الرياض هو سوق الحمام اللي في جنوب الرياض عند الحراح فيهط طيور أشكال وألوان وبرتاح هناك اكثر والأسعار نص اسعار شمال الرياض وياليت ياشباب تعلمونا متى ينفك حظر إستيراد الطيور من خارج المملكه عشان نشتري طيور ياريت تخبرونا

[المستهام]

مشكورين أخواني صويب الرمش وفارس مجهول على الإجابه وما قصرتوا على العموم أنا رحت لسوق الحمام ولقيت فرق في السعر بينه وبين واحة الحيوان فرق خيالي.

[عاشق المكاو]

نصيحه لوجه الله اخوي ابتعد عن محلات بيع الطيور الخاصه راح تلقى الأسعار مو ضعف راح تلقاها اضعاف اضعاف وفي الغالب مايبيعون غير طيور الي جايبه لهم هم ويبون يصرفونها ...
أفضل شي تتجه لسوق الطيور الي بجنوب الرياض واهم شي برضوه تنتبه من الشريطيه الموجودين هناك فأغلبهم بكل اسف بدون ذمه ولاضمير وحاول تروح ايام الخميس والجمعه وقت السوق وراح تلاقي ناس هم اهل الطيور ويبون يبيعونها مو غرضهم المتاجره والله يوفقك وتلقى مطلبك ...

[هيبه اسد]

سوق الطيور والحمام

نصيحه اشتر ببغاء من شخص مربي..

[المستهام]

مشكور اخوي عاسثق الماكاو الله لايهينك على هذي المعلومات ..............
ومشكور أخوي كوكاتو الله يسلمك ...........

وأشكر جميع الي أفادوني...

[Camel-KSA]

والله انا شريت صلصه اللى هو ببغائي الرمادي الافريقي من حراج الطيور بس عن طريق واحد من اصحابي وهو اللى ساعدني لان زي ما انت عارف انه اللى ما عنده خبره كافيه ممكن ببساطه ينضحك عليه .وهو لانه دايماً يشتري فكون له معرفه مع احد الشريطيه اللى هناك و وصاه على صلصه . و ما قصر الرجال جاب لي شي حلو و عمره و فصيله ممتازه. هذا مو كلامي هذا كلامي الناس اللى عندهم خبره في هذا المجال بعد ما شريته وصرت اخذه و اوديه معي لكل مكان.

[المستهام]

مشكوور أخوي Camel-KSA على الرد الله لا يهينك وما قصرت .

[معاد تفرق]

اشتري الببغاء من سوق الحمام بالرياض العزيزيه اسعاره معقوله جدااااااااا جداااااااااا واترك عنك المحلات الخاصه اسعارهم غير معقول ابدااااااااا انا شريت في رمضان هذا عدد 2 ببغاء رمادي نوع جامبو من سوق الحمام الاول اليف ويتكلم وعدد الكلمات لحد الان اللي سمعتها منه حوالي15 كلمه مشاء الله والسعر 2200 والثاني اليف فقط لا يتكلم تحت التدريب السعر 1200