تسجيل الدخول

مشاهدة النسخة كاملة : لمحترفي تربية الافريقي ممكن مساعدة؟؟

رنين القلم
20-10-2009, 11:42 PM
السلام عليكم ورحمة الله وبركاته

اخواني الاعزاء لي نية قوية من زمان اشتري افريقي ولكن عندي شوية استفسارات حتى لااقع في خطأ واندم اني شريته


انا لقيت فرخ افريقي هولندي محجل وعيونه سودا وماشاء الله تبارك الله حجم ونشاط جميل جدا

ولكن محتار في عدة اشياء ابغى مشورتكم

اولا السعر الي لقيته هو 2400ريال هذا اول سؤال هل السعر معقول او لا؟؟

ثانيا انا قريت الكثير عن الافريقي ولكن ابغى اهل الخبرة يعطوني عصارة تجربتهم هل يستطيع التأقلم وهل استطيع تعويده علي نفسي والكلام وطريقة تدريبه

الخلاصة هل تنصحوني فيه ؟؟
ابو محمــد
20-10-2009, 11:47 PM
وعليكم السلام ورحمه الله وبركاااته

اذا انت جديد في عالم الببغاء نصيحه لا تأخذ صغير لأنك راح تتعب في تربيته ومناعته ضعيفه,,

وسعره غااالي اذا وصل ومحلي بعد 2000 ريال.
naasooh
21-10-2009, 12:04 AM
السلام عليكم ورحمة الله وبركاته

اخواني الاعزاء لي نية قوية من زمان اشتري افريقي ولكن عندي شوية استفسارات حتى لااقع في خطأ واندم اني شريته


انا لقيت فرخ افريقي هولندي محجل وعيونه سودا وماشاء الله تبارك الله حجم ونشاط جميل جدا

ولكن محتار في عدة اشياء ابغى مشورتكم

اولا السعر الي لقيته هو 2400ريال هذا اول سؤال هل السعر معقول او لا؟؟

والله يالغالي
نصيحة أخوو أذا أنت جديد وقت الشرااء خلي يكوون معاك واحد خبره أنفعلك
وبالنسبه للسعر عندنا بحدود120-140د.ك

ثانيا انا قريت الكثير عن الافريقي ولكن ابغى اهل الخبرة يعطوني عصارة تجربتهم هل يستطيع التأقلم وهل استطيع تعويده علي نفسي والكلام وطريقة تدريبه

الخلاصة هل تنصحوني فيه ؟؟

شوف المواضيع المثبته راح تطلع بحصيلة معلومات وبعدها خذ جوله بالمنتدى على المواضيع
وأن أشكل عليك شئ أنشاء الله الكل ماراح يقصرون معاك
رنين القلم
21-10-2009, 02:24 AM
اشكركم على ردودكم

اخواني انا ربيت قبل كذا طيور مثل الكناري والكوكاتيل وقدرت افرخ الكوكاتيل يعني خبرتي ليست معدومة في الطيور ولكن نظام الافريقي يمكن يفرق شوي

عندي معلومات كثيرة استفدت منها خلال منتديات كثيرة
$المزمار$
21-10-2009, 04:05 AM
بما انك قد ربيت طيور وخبره

اشتريه

بس السعر غالي شوي يعني حده2000 او 2100
المقبل
21-10-2009, 08:11 AM
السعر غالي حيل
امس الثلاثاء شريت جامبو هولندي افريقي محجل ذهبي عمره 3 شهور واصلني للبيت مع السريلاك الخاص فيه 1770 ريال وماشالله صحة ممتازه
اما الي موجود بالمحلات وبالقطيف اهل الدمام يدرون انه ضرب بالاسعار مع العلم ان سوقهم واقف مافي بيع
ان شالله افدتك
wal___eed
21-10-2009, 10:26 AM
مانصحك فيه بعدين غالي والله القيمه هاذي قيمة واحد مدرب وجاهز واليف وعنده كلام بعد

توي شاري واحد مثل الحمامه عمر السنه والنصف وكلام كثير بالقيمه هاذي

بعدين محجل مناعته ضعيفه اخوي ماهو مثل المصيود
مجنون فلته
21-10-2009, 12:44 PM
السلام عليكم

اخوي مانصحك تاخذه بس بالسعوديه فيه ناس تفرخ الأفريقي لو تاخذ من تفريخ شخص افضل بكثير من المحجل

وتقدر بعد تاخذ طير جاهز ويتكلم

وبالتوفيق
رنين القلم
21-10-2009, 02:18 PM
شكرا لكم اخواني

انا بالرياض اذا تقدرون تدلوني على المحجل الهولندي ابو 1700 ريال انا شرااااي

بالنسبة للااخوان الي يقولون مناعته ضعيفة ياشباب انا بغيت نصيحكتم اماااااااانة فيه فرق في بين الهولندي المحجل والمصيود او الافريقي العادي غير السعر طبعا ؟؟

ياليت تردون لي بسرعه
the-gray
21-10-2009, 02:33 PM
بالنسبة للااخوان الي يقولون مناعته ضعيفة ياشباب انا بغيت نصيحكتم اماااااااانة فيه فرق في بين الهولندي المحجل والمصيود او الافريقي العادي غير السعر طبعا ؟؟

ياليت تردون لي بسرعه

زي ما قالوا لك المصيود مناعته اقوى
نصيحة لا تأخذ فرخ إلا اذا انت فاضي وقد تعاملت معها
لأنه الفروخ (محجل او مصيود ) تمرض بسرعة وتموت وقد تندم انك اشتريته <<<<<اسأل مجرب

خذ واحد عيونه راصاصي فاتح 10 شهور مع الإعتناء فيه لأنه قد يمرض
وكلها تتدرب وتتكلم بإذن الله انا اخذت واحد عينه بدايت صفار وخلال اسبوعين
يطلع على اليد وتمسح عليه وعقبال ما يتكلم

وبالتوفيق
الكواسر ب
21-10-2009, 02:42 PM
بالنسبه للكاسكو الهولندي المحجل الفرخ كثر الكلام عليه انه ماله عمر طويل حده 8 او 9 شهور ويمرض ويموت والاعمار بيد الله

نصيحه اذا تبي تشتري ببغاااء لاتاخذ الا افريقي عادي لان الحين داخلين على جو بااارد

والهولندي ماعنده مناعه زي الافريقي العادي وهذا السبب الي يخلي بعض الهولنديات تموت بسرعه

وتتاثر من هالناحيييييه وفيه الحين احجام افريقيات زي الهولنديات وسعرها اقل من الهولنديات واليفه وماتجعر
رنين القلم
21-10-2009, 05:31 PM
شكرا لكم على نصايحكم والله يكتب الي فيه الخير
المقبل
21-10-2009, 06:33 PM
والله يارنين عارف انك دخت من كثر الاراء وضاعت عليك العلوم
بندولة حب
21-10-2009, 09:40 PM
اخوي لاتخاطر وتشتري فرخ وخص انك مبتدأ
النوع هذا امراضه كثير ولا عنده مناعه
الناس الخبراء مات عندهم وشلون المبتدئين

وسعره غاالي شوي
رنين القلم
21-10-2009, 11:53 PM
ههههههههههه صدقت ياالمقبل لكن ابشركم انا شريت افريقي عادي عمره 9 شهور لونه فاتح شبه اليف وفيه جعرة ويالله نتعب شوي وان شاء الله ربك يكتب لنا الخير معه