تسجيل الدخول

مشاهدة النسخة كاملة : كوكاتو و لا امزوووني

مكااو
21-10-2009, 11:20 PM
سلام .. صراحه جاي استشيركم مالي غنات عنكم :D مدري ابي اشتري طير جديد بس مدري وش الاحلي و يتكلم اسرع و الافضل من ناحيته القروشه = الازعاج الببغاء الابيضاني الكوكاتو و لا الامزوني و الله محتار وو ابي ريكم يا شبأأأأأأأب و لا عدمتكم يا حلوين ..
alkanderi
21-10-2009, 11:25 PM
اعتقد ماكو مقارنه طبعا الامازون
الكوكاتو كلماته معدوده بس يحب اللعب والرقص
اما الامازون ...................
الحريه
21-10-2009, 11:48 PM
هلا بيك أخي شي أكيد أمازون حبوب لعوب ومتحدثه ممتاز ولاتفكر في الكوكاتو لك تحياتي
مكااو
21-10-2009, 11:49 PM
شكرا علي المعلومه القيمه اخي الفاضل و ننتظر باقي الاعضاااااء
مكااو
21-10-2009, 11:49 PM
شكرا اختي علي النصيحه القيمه في انتظار باقي الاعضاء
د. إحتـراف
21-10-2009, 11:59 PM
السـلام عليكم

اخوي من تجربه شخصيـه مع الكوكاتو

والله كنت احسها بنتي مو طير عندي بس

الكوكاتو معروف انه يحب صاحبه

راح تحب الطير لانك راح تحس انه يحبك وراح يعاملك معامه حب

صدقني ماراح تحس انه طير وبس

اذا كانت عندك فلوس انصحك انك تشتري

الافريقي ( الرمادي ) + كوكاتو

وراح تدعي لي

تقبل مروري
meejoo911
22-10-2009, 12:44 AM
من تجربة شخصية و بامانه و الله
انامجرب الاثنين
الامزوني حلو ومتحدث بارع بس فيه عيب انه مزاجي
يعني يوم يعصب ما يعرف احد
وبعد ما بعته شريت سلفر كرستد والله كنه ولدي اول ما ارجع البيت يرقص و يصفر بس كلامه محدود
وعندي بعد جالا (الكوكاتو ابو صدر زهري) عاد هي انثى وهي الدلع كله
انا من وجهة نظري تجرب الكوكاتو الجالا وان شاء الله رح تدعي لي
,, Fahad ,,
22-10-2009, 01:22 AM
اذا كنت من الناس اللي تهتم بالكلام الأمازون افضل

اما اذا كنت تبي طير يلعب ويرقص ويسليك انصحك وبقوه في الكوكاتو <-- من تجربه شخصيه
وهذا ما يعني ان الكوكاتو ما يتكلم اللي كان عندي كان يقول .. بابا .. سلام عليكم
ولكن كلامه اقل من الكاسكو والامازون ..

احسن طير ربيته هو الكوكاتو ... وبالتوقيق
مكااو
22-10-2009, 01:34 AM
تسلمون في انتظار المشاركات القادمه
o9Liii
22-10-2009, 01:42 AM
انا اقتنعت صراحة

ما قصروا الأخوان

اذا عندك اي سؤال ثاني حياك
ابو محمــد
22-10-2009, 05:28 AM
الافريقي افضل الطيور المتحدثه ولا يقارن بالكوكاتو في الكلام,,

الكوكاتو اروع طائر من ناحيه اللعب والرقص والحركات البهلوانيه لكن مزعج نوعا ما,,

الامازون متحدث ممتاز ويجيد الغناء والبكاء واللعب,,

وانت تقدر تشوف بعض المقاطع الموجوده في اليوتيوب وتحكم بنفسك.
دمعة الخليج
22-10-2009, 10:08 AM
امزوون
محب الكاسكو الرمادي
22-10-2009, 10:20 AM
انا عندي الامزوني
كاجو
22-10-2009, 10:22 AM
مراحب أنا عندي كوكاتو ويلوناب أمزوني والحق ينقال الامزوني يتكلم بطلاقه

وعنده ضحكة الامزوني الرهيبه ويحب تقليد الاطفال يعني لسانه طلق

لاكن تحسه دفش في التعامل لاكن الكوكاتو ناعم وحبوب ويوسع صدرك برقصه

وعنده اسلوب يخليك غصب تحبه لاكن فيه ميزه مو حلوه أنه مزعج ويخرب في البيت

كثير ونشاطه تحسه ماشاء الله عليه زايد يعني طاقه مالها حدود ويتعلق فيك

لدرجه انه ممكن تجيه حاله نفسيه لو فقدك ،، بصراحه أنا أعشق الكوكاتو

رغم عشقي للأمزونيات لاكن ممكن أستغني عن أمزني ولا أستغني عن كوكاتو ،،

وطبعاً الكلام هذا مايعني ان كل الكوكاتو أو الأمزونيات تنطبق عليهم القاعده يعني

فيه شواذ ممكن تشتري أمزوني ويكون قدرته ضعيفه في الكلام هذا يعتمد على مميزات

الببغاء نفسه مو فصيلته وأنت يرجع لك الموضوع الكامل في الاختيار مو على حسب ذوق

الاعضاء لانه ممكن تكون لك ميول مختلفه عن البعض هي الي تحدد نوع الببغاء الي تشتريه

أتمنى ماكون طولت عليك ،، سلامي
ryry
22-10-2009, 10:54 AM
رايي من راي الاعضاء في كل الي قالوه
لكن من ناحية التربية والامراض بحسب خبرتي المتواضعة:
الكوكاتو سهل جدا تربيته وترويضه لكن جدا حساس تجاه الامراض والاصابات حتى في عمر كبير.
الامازوني صعب جدا ومحتاج صبر وقوة ارادة في التعامل والترويض لكن ماشاء الله احس تحمله لتغير الاجواء والاصابات اقوى من جميع الانواع ماعدى الفروخ وهذا عيب في جميع الانواع.

وتقبل مروري
عاشق الكاسكوو
22-10-2009, 11:51 AM
أكيد أمازون حبوب لعوب ومتحدثه ممتاز ولاتفكر في الكوكاتو لك تحياتي

صح كلام اخوي :D

الامزون احسن
أبو عزام
22-10-2009, 12:06 PM
من تجربه شخصيه أخي ..
آنآ عندي الأن كوكآتو و يلوناب أمزون ..

الكوكآتو / يلعب يرقص و أليف درجه أولى .. مع جميع الناس اليف لو تضربه و بعد دقيقه تلعبه يرضى عليك :D .. و أول مايسمع موسيقى أو أحد يصفق له من نفسه يرقص , و لعوب درجه أولى .. لكن الكلام للأمانه الي عندي ما يتكلم بس يصفر و يصرخ , و أحياناً إذا مالقى أحد يلعبه و حس بالملل يبدأ يصرخ .. يعني مزعج قليلاً بعكس الأموزني الهادئ .

يلوناب أمزون / مرح و يتكلم بطلاقه و بسرعه مذهله يتعلم على أسماء اصحاب البيت , و آليف مع أشخاص محدودين .. بس ناحية الكلام طلق يعني انا الي عندي .. يغني آووه يآأخضر و يقول بابا حبيبي و السلام عليكم ويقلد ضحكة الررجال ......و إلى أخره من الكلامات و الجمل و الأسماء , بس إنتبه عضته قويه ..


بإختصار .. كانك تبي لطيف و يلعب معك و مع كل الأهل و يرقص و يصفر و يكون كأنه ولدك فأنصح بـ الكوكآتو ..
أما إذا كنت تبي يتكلم و بطلاقه و يكون لطيف مع أشخاص محددين و يكون هادئ جداً فالأمزوني ..