تسجيل الدخول

مشاهدة النسخة كاملة : صورة للكاسكو ياليت اعرف كم عمره ؟

ميو ميو هو هو
21-10-2009, 11:27 PM
السلام عليكم

هذا صورة للكاسكو الي عندي وشريته قبل اسبوعين تقريباً

ما شاء الله

تبارك الله

http://up4.m5zn.com/9bjndthcm6y53q1w0kvpz47xgs82rf/2009/10/21/01/65mwzv4vi.jpg
ودي اعرف كم عمره

وهو يجعر هل ابدا الان بالمسح على رأسـه وهو له اسبوعين

مع اني حاولت وبديت امسح على راسه شوي شوي وهو يجعر

هل استمر والا انتظر شووي ؟
دانيل
22-10-2009, 12:19 AM
ما شاء الله تبارك الله
اخوي الطير عمره كبير يمكن سنة ونص او اكثر شوي,بس اذا تقدر تمسح على راسه دايم امسح عليه عشان يتعود ويصير اليف,يتربى في عزك
د. إحتـراف
22-10-2009, 12:43 AM
السـلام عليكم

أتوقع طيرك عمـره مابين سنه الى سنه ونص

واسبوعين وقت كافي عشان الطير يعرف البيت وجو البيت

أبدا الله يوفقك يارب


تقبل مروري
ricky
22-10-2009, 01:26 AM
ماشاء الله تبارك الله
ابو محمــد
22-10-2009, 05:52 AM
ماشاء الله تبارك الرحمن ,,

عمره فوق السنتين مبين من لون العين صفراء,,

اذا يسمح لك تمسح امسح ولا تتردد عشان تكسر الحاجز والخوف,,

وكافأ بالأكل المفضل مثل الفول السوداني أو العسل اذا يعض.
ميو ميو هو هو
22-10-2009, 07:28 AM
يعطيكم العافيه جميعآ وكل من ساهم ورد بالموضوع

يعني الطير عمره سنتين تقريبا ؟

هو مايعض بومحمد بس يجعر

ولو عض عضه خفيفة مررة مثل الدفاع بس
"مجرد علامة"
22-10-2009, 08:49 AM
ماشاء الله تبارك الرحمن

الف مبروك

مثل ما قالك اخوي ابومحمد

وعني انا انصحك دام الطير مايعض لا تعجل عليه

ماهو لازم تصير تمسح عليه خله فترة الين ياخذ عليك وعلى الجو اهم شي الآن حاول تدربه على طلعة اليد

والمسح وحكة الراس خلها بعد مايتعود يطلع على يدك ويثق في انك ماراح تأذيه


والله يوفقك




يارب عفوك
ميو ميو هو هو
22-10-2009, 11:30 AM
الله يبارك بحياتك

هل الكاسكو بهالعمر اقدر اروضه وادربه واعلمه الكلام ؟

وماذا نصيحتكم لي هل اخليه اغلب وقته على الاستاند او اني اخلي اغلب وقته بالقفص ؟

واخر سؤال

كم السعر الي يستاهله بهالعمر ؟
naasooh
22-10-2009, 11:37 AM
العين صفراا
العمر بالضبط كم ألله أعلم
وأذا متجاوب معاك ممتاز وألأهم ركز على العنايه بصحته والتغذيه وهذا ألأهم
و
التدريب يكوون مع التكرار
أذا يسمح بالمسح على راسه فحاول أنك تكر معاه وبدون ردة فعل تخوفه
وخذ التدريبات بالتدريج كل ما تخلص تدريب
تبدأ تكرر عليه عشان يثبت
بعدين تدخل بالتدريب الثاني
ميو ميو هو هو
22-10-2009, 06:02 PM
يعطيك العافيه naasooh

ويسـلموووووووووووووووووو

بس ماجاوبتوني اخليه دايم داخل القفص والا على الاستاند مين الافضل وهو له اسبوعين عندي
ابو محمــد
22-10-2009, 06:20 PM
خليه دايم بالقفص اذا تبغينه يتكلم لأنه يكون مركز ع التلقين ولا في شيئ يشغله عكس الاستاند يكون لترفيه واللعب والنقاهه.
الحريه
22-10-2009, 06:29 PM
=ميو ميو هو هو;1117623]الله يبارك بحياتك

هل الكاسكو بهالعمر اقدر اروضه وادربه واعلمه الكلام ؟

نعم تقدر تروضه وتدربه على الكلام ويوجد عندي واحد كبير في العمر وبالغ يعني عمره خمس سنوات وله عندي 3سنوت يعني 8سنوات يتكلم ومتدرب ويرقص وصوته أقوى من صوتي


وماذا نصيحتكم لي هل اخليه اغلب وقته على الاستاند او اني اخلي اغلب وقته بالقفص ؟

خليه في القفص أحسن ولكن وقت التدريب تخليه على الاستاند ,,وحول تاكله بيدك وشوي شوي راح يحس بالامان وراح يهدى وتروح عنه الجعره,

واخر سؤال

كم السعر الي يستاهله بهالعمر ؟

السعر ماحد يقدر يحدده بالضبط بس هدى 650الى 800ريال تقريبي وأتمناء لك التوفيق,,,
بووسلطان
23-10-2009, 04:31 PM
بعد اذن الاخوان اذا انت ماخذ الطير عشان تعلمه على الكلام صعب مرة يتعلم لانه اكبر من السنتين تعليمه صعب جدا هذا راي الشخص المتواضع اعتقد عمره 3سنوات