سلم ولدهم يالله.. خله لامه يالله.. شوفوا شسويت [الأرشيف]

مشاهدة النسخة كاملة : سلم ولدهم يالله.. خله لامه يالله.. شوفوا شسويت

Dominique

07-10-2006, 04:51 AM

الله يسلمكم هالأيام قرقيعان 3 أيام وفي ناس يمدونه 4 أيام واحنا من الأربعاء بدا عندنا ..

القرقيعان عادة وايد حلوة وقديمة بالخليج وخاصة بالكويت وقطر ( قرنقعوه ) والبحرين( قرقاعون )..
يشترون أهل البيت القرقيعان وهو عبارة عن أنواع متعددة من الحلوى واسمها بالكويتي وسامحوني اذا ما أعرفها باللغة الفصحى:

البرميت( شي دائري وردي، أبيض، أزرق أو أخضر بطعم النعناع ) ، السبال( الفول السوداني) مع قشوره ، النخي المغلف بالسكر الملون، بيض الصعو ( لوز مغطى بسكر ملون ) + حلوى المصاص أو lolipop ، علكة بحجم صغير ، حلوى متنوعة بحجم صغير ، جيلي البيبسي وهذا شائع وجيلي متنوع النكهات ، شوكولا بأي نوع سادة أو محشوة و جميع أنواع الحلويات المتوفرة حاليا بالاضافة للحب ( اللب ) بجميع أنواعه وفي ناس يضيفون قطع نقدية من العملة المحلية للقرقيعان من الفرحة بأولادهم .

http://www.pusup.com/uploads/2528849ab2.jpg (http://www.pusup.com)
http://www.pusup.com/uploads/3a566f0f2c.jpg (http://www.pusup.com)

بعد صلاة العشاء يلبس الأطفال اللبس الشعبي للكويت مثلا للولد الدشداشة الشد أو العادية مع السديري والقحفية ( الطاقية المزخرفة ) مع كيس القرقيعان .

http://www.pusup.com/uploads/8e8bdd8643.bmp (http://www.pusup.com)

البنت تلبس الدراعة أو البنجابي المزخرف مع البخنق وكيس القرقيعان .

http://www.pusup.com/uploads/5c0fe94bb9.jpg (http://www.pusup.com)

http://www.pusup.com/uploads/a1b3b75984.jpg (http://www.pusup.com)

http://www.pusup.com/uploads/7aea820db5.jpg (http://www.pusup.com)

ويجتمعون ليطوفوا على البيوت ويطرقون الأبواب ويسئلون :

" عندكم قرقيعان ؟ " أو

" يسوق الحمار ولا ما يسوق ؟ " وإذا أجابت صاحبة البيت بالنفي يقول الصغار :

" ويص ويص في بيتكم جعاميص " ويرمون أبواب البيت بالحصى و روث الحمام والطيور وهي الجعاميص . واذا أجابت بالايجاب تخرج للخارج وفي يدها الزبيل أو السبت ( سلة من القش تحتوي القرقيعان ) وان كان لها ولد مثلا اسمه محمد وبنت اسمها فاطمة يغني الأطفال :

سلم ولدهم يالله خله لامه يالله .. سلم حمود يالله خله لامه يالله
فتعطيهم كل واحد خمطة ( قبضة بحجم الكف من القرقيعان ) ثم يغنون :

[CENTER]قرقيعان وقرقيعان ................. بيت قصير ورميضان
عادت عليكم صيام ................. كل سنة وكل عام
الله يخلي فطوم ................. الله يخليها لامها
عسى البقعة ما تخمها ................. ولا تواسي على امها

واذا انتهت يقولون وهم ذاهبون :

عساكم تعودونه .............. كل سنة و تصومونه

http://www.pusup.com/uploads/b1fb6d5861.jpg (http://www.pusup.com)

ثم يأتي غيرهم من الأطفال إلى ما قبل منتصف الليل طوال 3 أيام وهي 14 و 15 و 16 رمضان ..

وهذه أحلى عادة ينتظرها الأطفال بفارغ الصبر ليجمعوا أكبر قدر من الحلويات .. والنساء المتزوجات أيضا لكي يتباهين بأشكال تغليف القرقيعان فقد أصبحت هناك مناسبة في كل بيت يوم واحد من هذه الأيام الثلاث لكي توزع كل ام أكياس مزينة ومزخرفة تحتوي قرقيعان عن أولادها وبناتها والبعض يضعها في صناديق راقية و ( كشخة ) تحتوي الشوكولا والحلوى الغالية للنسوة الكبار في السن ( وخاصة الكنة تباهي عديلاتها في تقدير أم زوجها )

الله يسلمكم آنه عاد شسويت ..

شريت قرقيعان وحطيته في زبيل ولما طقوا اليهال باب السكة .. دخلتهم الحوش وفتحت باب الصالة ..

تعتقدون منوا كان في انتظارهم ؟؟؟؟

دومينيك

[CENTER]
http://www.pusup.com/uploads/e4c18db171.jpg (http://www.pusup.com)

قتلهم اذا ما قرقعتوله ماكو قرقيعان !!!!!!!!! :eek:

استغربوا مساكين.. شفيها هاذي ينت ( جنت ) نقرقع حق قطوة ؟؟!!!!

والله وقرقعوا : :p

سلم ولدهم يالله ... خله لامه يالله ..... سلم دمدم يالله ... خله لامه يالله

وبعدين ترست أكياسهم قرقيعان بس عاد قرقيعاني كشخة من الغالي حق الغالي ..
شسوي والله من كثر ماني مستانسة فيه .. بيتنا وخالاتي ماتوا ضحك علي .. وعمتي مسكينه بعد عمري من كثر ماتحبني اشترت كيس قرقيعان حق دومينيك !!!

طبعا آنه باكله مو دمدم :D

شرايكم ... مو ينيت ( جنيت ) ؟؟

...

برتني

07-10-2006, 02:16 PM

لوووووووووول حلوه:p :p :p (قرقعوا لدومنوك) يا بختي عليه:D هالدومنوك والله اني احبه:o (ما شاء الله عليه:) )حبيلي اياه ;) (عطيه بوسه مني ):p :p :p

Luis

07-10-2006, 06:57 PM

ليه ليه ليييييييييييييييييييه ماتطلع عندي الصور...هئ هئ هئ..:(:(:(

تكفين دومينيك الله يخليج ابي اشوف صورته...هههههههههه

الله يخليه لج ان شاء الله ولايحرمج منه...:)

لا تنسين الصور ترى مستنيها...;)

ومن دخلت الموضوع ماكو صور...وانا استنى انج تشيرين بالكلام على دومينيك

وله صورة...ابي اشووووووووووفهاااااا...:o

تحياتي..

قطقوطه

08-10-2006, 12:53 AM

ما فتحو الصور ابي اشوف بليز ابي الصور :(:(:(:

Dominique

08-10-2006, 01:32 AM

حبيبتي بريتني .. البووووووووووووسة وصلت ... دمدم تشقق من الوناسة

" هم قرقيعان وهم بوسة " .... :D

**********************************

لويس ..

علشان خاطر عيونك نزلتهم بموقع ثاني ..

صورة القرقيعان :

http://i90.photobucket.com/albums/k261/Dominic-k/16021585160216101593157516062.jpg

صورة الدشداشة :

http://i90.photobucket.com/albums/k261/Dominic-k/158315881583157515881577.jpg

صورة البخنق :

http://i90.photobucket.com/albums/k261/Dominic-k/1576158216061602.jpg

صورة القرقيعان على البيوت :

http://i90.photobucket.com/albums/k261/Dominic-k/1602158516021610159315751606.jpg

وأخيرا وليس آخرا...

صورة الأمير ...

دومينيك......

http://i90.photobucket.com/albums/k261/Dominic-k/06-09-06_2306.jpg

وانشالله يعجبونك ...

Dominique

08-10-2006, 01:35 AM

قطقوطة ترى سوري شفت الرد بعد ما نزلت الصور .. شوفيهم تراهم لج بعد.. ثانكس على المرور

...

قطقوطه

08-10-2006, 01:36 AM

بعد ما فتح ترى للمره الثانيه

قطقوطه

08-10-2006, 01:40 AM

شوف هذا
http://www.ir11.com/4images/

Brazzo

08-10-2006, 03:32 AM

والله قرقيعان هالسنه بايخ
اللي يقرقعون يغنون بنفسيه وجنهم بينامون لا وبس واحد يغني
بس اشوه اخر شي بردت جبدي كان في 4 بنات صغار بو 11 سنه تقريبا مع خدامتين
طلعتلهم جيس كامل قلتلهم انا ضايق خلقي ومنبطه جبدي تبون تغنون عدل ادللكم واعطيكم هذا
وخليتهم يغنون حق بوومر " جلبي " اللي كان ضايع بالتاريخ مو فاهم شسالفه
ولما خلصوا دقيت السياره سلف وانحشت لوووول بس صراحه بدعوا ولو مو مطلعلهم الجيس
جان ما عطوني ويه من الأساس لووول
يالله انشالله القرقيعان الياي يكون احلى وشكلي بقرقه السنه اليايه (:

Dominique

08-10-2006, 04:10 AM

صح ترى هالسنة ما يوا وايد يهال .. مو مثل كل سنة ما يمديك تقعد الا طقوا الباب مرة ثانية .. وعلى طاري النفسية

طقت الباب بنية صغيرة يمكن عمرها 6 سنين أو 5 ياية مع أخوها والخدامة : طقت الباب وقالت
" عندكم قرقيعان " ... كان الكيس توة مخلص قلتلها لا حبيبتي توة مخلص

أمانة تتوقع شقالت ...

انزين باي ... مالت عليج ..!!!!

Luis

08-10-2006, 05:39 AM

بعد مافتحو الصور أختي...:(:(:(

شوفي رابط قطقوطه...;)

تحياتي..

Brazzo

08-10-2006, 06:08 AM

passposse

08-10-2006, 09:46 AM

السلام عليكم ..

هههههههه يا هلا والله اختي Dominique .. من حقه دمدم يقرقعوله يحلاته بالصوره يجنن ..

والجنان عليه عادي ههههه .. صراحه طريقه منج حلوه صح انه استغربوا عليها اليهال بس حركه حلوه .. الله يخليلج دمدم .. ان شا الله ما نسيتي تسويله شي حلو يموت عليه يكون هذا قرقيعان ماله بدال الي كليتيه عنه خخخخخخ ..

الله يخليه لج دمدم .. ودمتم سالمين خخخخخ .. تحياتي وبوساتي لدمدم لو مافي مانع خخخخخ ..

توتي

08-10-2006, 10:47 AM

يا حلات القرقيعان عندكم.. والله ربشه ووناسه..:p :p

من يوم احنا صغار عمرنا ما رحناه وقرقعنا.. :( :( وحتى الحين عيالنا يوم نقول لهم اطلعوا يستتفهوون هالشي.. :( :( مع انه هالمناسبه حلوه وااايد بالنسبه لي..

احنا في دولة الامارات هالمناسبه عندنا في ليله النصف من شعبان ويووم واحد بس.. وله عدة مسميات ( من حق الله،، ومن حق اليله،، وقرقيعان)

والحين الزمن تغير.. صار ما في امان.. بس الاحتفلات بهالمناسبه باجيه للحين.. في المدارس وغيرها.. والحين بعد ا لناس تتفنن بهالشي من ناحيه طريقه التقديم والتغليف وغيرها.. وفي مناطق ما يحتفلوون بهالمناسبه نهائيا..

وعندنا احنا يغنون ويقولون بصوت عالي.. ( عطونا حق الليلة.. ولا بنذبح عجيله.. جدام بيتكم وادي.. والخير كله ينادي..عطونا الله يهديكم.. بيت مكه يوديكم..):D :D

عاد هالسنه ما شوف واايد ناس يونا.. :confused: :confused:

عادة حلوه نحتفل فيها كل سنه.. وبصراحه تقريرج عن هاليوم كان حلوو.. واستمتعنا فيه و تعرفنا على هالعاده عندكم في الكويت.. ;) ;)

Luis

08-10-2006, 05:11 PM

حلو قرقيعانكم توتي...:D

واحنا قرقيعانا مثل الأخت دومينيك بس بدون ويص ويص...:p

وهالسنه احنا بعد نص ونص مش اول يومني طلعت بكيسه

وصارت مشقوقه..:eek:

ورحت لبيت من البيوت وعطوني كيسه

ويوم خلصت جلست اشوف وش اللي معاي شفت فلوس تقريباً 70 ريال
50 قطعه وعشرتين..:eek:

قالت الوالدة منين لك...؟؟

قلت مادري رحت اقرقع على ناس وعطوني كيسه عدله والظاهر الفلوس منهم..

ويوم جا الليل رحنا انا والوالده نعطيهم الفلوس بس البيت مافيه احد...

ورجعنا وراحت امي على مااعتقد باليوم الثاني...

بس فله ايام انا اقرقع عاااااالم ويانا من ذا البزارين...:D

بس راحت هالايام...:rolleyes:

ومشكورة اختي دومينيك عالموضوع وبننتظر الصور ترى..:rolleyes:

تحياتي للجميع...:)

Sanaa

08-10-2006, 11:14 PM

ههههههههههههههههههههه

حلوة مالت عليج

خخخخخخخ

بس الصور ماطلعت عندي ليييييه؟!!

kitten_Q8ia

08-10-2006, 11:40 PM

Luis

09-10-2006, 12:59 AM

يوفرون عليكم حق البزارين اللي بيجون بعدهم...هههههههه

بس ياحلاتها مسي وش فيها ماقرقعو لها..الظاهر ماهي ماليه عيونهم...:rolleyes:

Brazzo

09-10-2006, 01:24 AM

مشكووورة دمدم على الموضوع هههه مثل حالتي اليوم يايينا شباب عمرهم 16 17 قاعدين يقرقعون ( شكلهم غلط ) يوم قلنا قرقعو حق مسي صدقو يوم قرقعو جان تطلع بنت خالي الصغيرة جان يقولون هذي مسي ؟؟؟\جان نقول لاااااااا يوم طلعنا مسيو حقهم عصبو و قالو مالت علينا يايين نقرقع عندكم جان يطلعون بدون لا ياخذون قرقيعان لووول

والله ما عندهم ذوق اذا كانت مسي اهي اللي بالتوقيع وما غنولها
اصلا يحصلهم يغنون حق قطوة بيت وياخذون قرقيعان ؟؟
لووول خل يحمدون ربهم مو قطوة شوارع :D
اخر صوره حق مسي تخلي الواحد تحوشه حالة ضحك هستيريه :D
تتربى بعزج

Dominique

09-10-2006, 03:50 AM

قطقوطة ولويس بنزل الصور من موقع ثااااااااااااااااالث واذا ما فتحوا يمكن من خلل عندكم لأن أغلبية الأعضاء شافوها .. لعيونكم بس وترى حاولت من موقعج قطقوطة ما فتحوا الصور معاي :

صورة القرقيعان :

http://www3.0zz0.com/2006/10/09/00/36035243.jpg

صورة الدشداشة :

http://www2.0zz0.com/2006/10/09/00/54314683.jpg

صورة البخنق:

http://www3.0zz0.com/2006/10/09/00/69964294.jpg

صورة القرقيعان على البيوت :

http://www3.0zz0.com/2006/10/09/00/47474728.jpg

صورة دومينيك :

http://www3.0zz0.com/2006/10/09/00/97018473.jpg

وانشالله تفتح معاكم ويرتاح قلبي ...

***********************

قطقوطه

09-10-2006, 04:14 AM

ما فتحو لان المواقع اللي انت تحمل منها محجوبه بالسعوديه
جرب هذا
http://www.7mml.com/

Dominique

09-10-2006, 04:26 AM

برازو بالنسبة حق هالنوق اللي ياية تقرقع ترى عاااااااااادي وتيك إت إيزي .. عيارة وجمبزة ..
*****
عليكم السلام حبيبتي بسبوس .. الله يسلمج وعيونج الحلوة ويعل الجنان ياخذ عقل عدويينج ..
لا والله ماسويتله شي بس من كثر ماهو مستانس يومها .. ترستله الصالة قراطيس معفوسة علشان يمشي ويشوت فيها ( يعني بينافس رونالدو ) :d
شعليك يا دومينيك كثرت بوساتك هالأيام والله انك بعز .. مو كافي الدلال والدلع اللي آنه واختي معيشينك فيه والبيت كله حايفينك حوف ( يادهينة لا تنكتين ) وفوق هذا هم تييلك بوسات مخصووووووص من بره ..

قالوها : ليقام حظك ... باعلك واشترالك ..

*****
توتي وناسة حتى في الإمارات عندكم قرقيعان ؟ آنه خابرة انه بس احنا وقطر والبحرين .. بس يالله كلها حق هاليهال والمصاريف على الأهل .. وترى بنات الكويت يطلعون بفناتك عجيبة غريبة وليصار القرقيعان تعالي وشوفي العلب والأكياس اللي ينحط فيها هالقرقيعان أشكال وأرناق تتحيرين شنو تختارين .. الحمدلله ليصارت أي مناسبة ( عيد، حج، رمضان، قرقيعان وحتى في تغليف شوكولا حق المواليد في أي وقت من السنة وعلى حسب الطلب بعد ) تلاقين المعارض اللي بالبيوت تارسة وشغالة من قبلها باسبوعين وكل وحدة تقول الزود عندي .. ميرسي على المرور
*****
لويس علشان خاطر عيونك نزلتهم مرة ثالثة ، ويحليلك أتخيل شكلك وانت تقرقع .. ميرسي
*****
سناء ترى نزلت الصور .. اي والله مالت عليج .. صايرين هاليهال ماتقدرين تقولينلهم شي .. لسانهم يلوط أذانهم .. يما منهم ومن كلامهم تقولين أمهات عيال مو أمهات 5 سنين .
*****
ميسي صج بعارين شكبرهم يقرقعون... ترى عبط .. ومالت عليهم المنة عليهم جانهم قرقعوا حق ميسيو .. حاصللهم ..
*****
اي والله مايقرقعون حق ميسي.. على قولة برازو خل يحمدون ربهم ما طلعت قطوة شوارع .. ذيج الساعة خل يعصبون ..

**************

مشكورين كلكم على المؤازرة .... لووووووووووووووووووووووول السالفة بروحها عبط

...

Dominique

09-10-2006, 04:38 AM

آنه حملتهم هالمرة من موقع العملاق لتحميل الصور .. تدرين شتسوين .. روحي حق الصورة نفسها وضغطي رايت كليك واختاري properties وظللي رابط الصورة وسويله copy وفتحي صفحة جديدة وسوي paste مكان العنوان وانشالله تفتح معاج

passposse

09-10-2006, 09:07 AM

السلام عليكم ..

هلا والله بخويتي Dominique .. هيييه من حقه دومنيك يتدلع ويتدلل كل هل حلاوه وما نعطيه بوسات حلوه ..

اوووه يموتون القطاو بالكياس وهل خرابيط يا يجوتونها او انهم يتمشون عليها تعجبهم الاصوات او انهم ينامون فوقها ..

وتسلمين اختي والله يخليه لج يارب ويخليج له .. تحياتي ..

توتي

09-10-2006, 12:55 PM

والله وناسه عندكم.. واحنا الدوله الوحيده في الخليج اللي نحتفل فيه في شعبان.. :( :(

انزين اذا ممكن انا بعد بضيف كم صوره من قرقيعانا في الامارات هالسنه.. :p :p كان حلو بس ما كان واايد صغاريه والخدامات مستغلين هاليوم استغلال.. شعليهم يلقون حلويات وفلوس.. :p :p دفع البلا عنا وعن عيالنا.. اخليكم ويا الصور.. عاد انتو شوفوا وقولوو رايكم..

هاي صور القرقيعان والاكياس اللي سويتها للتوزيع على الصغاريه ونصهم راحوا حق ولد اخويه في المدرسه.. ;) ;) يفدونه والله..

http://www.arb-msn.com/up/uploads/f6e69e5104.jpg

http://www.arb-msn.com/up/uploads/ab68454b6c.jpg

http://www.arb-msn.com/up/uploads/3caf722b4e.jpg

http://www.arb-msn.com/up/uploads/40d789355c.jpg

وهذا ولد اخويه قاعد يوزع على الصغاريه .. :D :D والاطفال بالزي الشعبي عندنا..;) ;)

http://www.arb-msn.com/up/uploads/b8f7d633d1.jpg

http://www.arb-msn.com/up/uploads/f468cb2813.jpg

عمري ما بنسى هاليوم الاني هلكت هلاك وانا اغلف الهدايا واحطي الاستكرات بس كان حلوو..:cool: :cool:

Luis

09-10-2006, 04:13 PM

اوف اوف اوف رووووووعه قرقيعانكم ياتوتي..:D

أجل احنا مافي كل هالدلع...اللهم شيبس بفك الحمر..ولا بو سفينه ولا اللي فيه سوبرمان ثنين..:p

والعلوك كلها غندور..ههههه...والحلويات من بورخيص...ماكو قرقيعان بوغالي الا عند الناس الفرحانين..:)

اما انتو مدلعين جهالكم دببه وحركتات..:p

الله يعزكم ان شاء الله..:)

تحياتي لكم...

Luis

09-10-2006, 04:19 PM

شوفي اختي...:)

انا هالموقع دووووووووووم أحمل منه ولا أحمل شي ثاني الا منه..;)

فياريت تحملين عليه وان شاء الله الكل بيشوف الصور..;)

http://www.noor22o.com/vb/uploader.php

تحياتي لج...:)

Dominique

10-10-2006, 06:06 AM

هلا فيج بعد عمري بسبوس الله يخليلج بسبوس ويطول في عمرج ... عيونج الحلوة تسلمين يا رب ... أما سالفة دومينيك ويا القراطيس والأكياس سالفة

تحياتي حبيبتي ..

*****
توتي ياحلو قرقيعانكم والله ياحلو ملابس اليهال وااااي شلللم قلبهم شلون يقرقعون الله يخليلكم اياهم يارب ويحفظهم من كل شر ... ضيفي اللي تبين تضيفينه مرخوصة .. وتسلملي هالأنامل الحلوة على هاللف والتغليف الروعة ..

*****

لويس...

بما إن القراء ملوا من كثر ما أعيد الصور.. فالحل إني أحملهم من الموقع اللي قلتلي عليه وأدزهم لك ولقطقوطة على الخاص ... وانشالله تشوفها وتعجبك .

تحياتي

...

passposse

10-10-2006, 09:31 AM

هلا فيج بعد عمري بسبوس الله يخليلج بسبوس ويطول في عمرج ... عيونج الحلوة تسلمين يا رب ... أما سالفة دومينيك ويا القراطيس والأكياس سالفة

تحياتي حبيبتي ..

السلام عليكم ..

يا هلا والله اختي دومينيك .. الله يخليج تسلمين الغاليه ..

الله يعينج ويا سوالف دومينيك اكيد عليه سوالف وايد حلوه وتضحك ..

تحياتي ..

***********

يا سلام اختي توتي ع الصور هييه والله جذيه قرقيعان عدنا بالامارات بس المشكله كل هل كشخه ومافي يهال اغلبيتهن الشغالات ..

والله ما بقى الا كل شغاله من كل بيت هي الي تسير تلم حق اليهال وحقها ما يحتاي يتعبون اليهال عمرهم خخخخخخ :D ..

الله يعطيج العافيه ع التعب الي تعبتيه اهم شي انج سويتي شي وانتي فرحانه للنتيجه ..

تحياتي ..

توتي

10-10-2006, 03:02 PM

لووووووووويس..
هلا بك اخوي.. ومرورك وتعليقك الاروع.. وفي نظري انه الحلوياااات مال اول (القديمه) هيه الاحلى والافضل.. ;) ;)

دومينيك..
حبيبته قلبي والله.. تسلميلي يا الغاليه.. وتراه حتى قرقيعانكم حلووو.. واحسن شي سويتيه انج خليتي قطوتج تشاركم في هالمناسبه.. :p :p وخليجنا وااااحد<<<< :D شدخل

بسبوسه..
حبيبتي وبنت بلادي الغاليه.. ها اليووم خلص خلاص والتعب راااح ومهما يكون ومهما تعبت فبالاخير اسعدت الاطفال وهذا بس يكفيني..:p فديت عيالنا والله.. ومشكوره على التعليق..

passposse

11-10-2006, 09:35 AM

بسبوسه..
حبيبتي وبنت بلادي الغاليه.. ها اليووم خلص خلاص والتعب راااح ومهما يكون ومهما تعبت فبالاخير اسعدت الاطفال وهذا بس يكفيني..:p فديت عيالنا والله.. ومشكوره على التعليق..

السلام عليكم ..

هلا والله اختي توتي .. تسلمين الغاليه ..

الحمد لله انه اسعدج هل شي عساج دوم يارب ع القوه ودوم سعيده يارب ..

تحياتي ..

سـارة

11-10-2006, 12:27 PM

تسلم أناملك عزيزتي Dominique عالموضوع الرائع و الممتع:) ;) ..
حتى القطط صار لها قرقيعان:p ...

بس قهر..الصور ماطلعت عندي:( ..
و الله شوقتني الردود أبي أشوفهاااا:( .
انزين باي ... مالت عليج ..!!!!
مت ضحك على ذي:D .

قطو_Q8te

12-10-2006, 12:14 PM

اسف عالرد المتأخر -_=
خوش موضوع صراحه يا دومنيك وفكره مافكرت فيها ..!
ارمضان هذا ماشفت وايد يهال قرقعوا اب بيان ..؟!!
او بالاحرى ماشفت الا 3 بالفريج
انشالله رمضان الياي انعوضها وافكر بفكرة القرقعه حق عيال سوسي&لوسي و سوسي ولوسي
مع حفظ الالقاب :p
يعطيج الف عافيه
وعجبتني .. باي مالت عليج لوووووووووووووول !

Dominique

13-10-2006, 04:22 PM

مشكورين كلكم على التفاعل الحلو اللي ونسني وونس دمدمي .. تسلمون كلكم على الردود اللي تبرد الافاد ( الفؤاد ) ..

*****
سارة الله يسلمج حبيبتي انتي اللي أروع بمرورج ولا تنقهرين و لا شي، دزيتلج الصور على الخاص..
شفتي اليهال ياطول لسانهم آنه بعد فجيت ضحك بس شنسوي على قولتهم بزارين ما ينشره عليهم ..

*****
قطو كويتي وييييييييييييييييييين هالغيبة .. هااااا .. مطول الغيبات ياب الغنايم .. اشتقنا لردودك ..

احنا عندنا لا والله يوا يهال وايد قرقعوا واللي سكب فيني وما قرقع حق دمدم وما عطيته قرقيعان :d واللي تبلعم وقرقع غصب بس طلع من الحوش كسبان غنايم لا تعد ولا تحصى واللي انصدم واعليا...

شفت هاليهال.. واي واي واي من لسانهم ياهم قليلين أدب.. طول الشبر وتقولي بكل قوة عين مالت عليج.. باجر ليراحت الثانوية شبتسبنا فيه بالله ؟؟!!!

سـارة

13-10-2006, 08:17 PM

تسلمين والله:o ..
كلك ذوق..

أكيد الصور عجبتني دامك انتي الي حاطتها..
خاصة صورة دومينيك العسل;) ..

الله يخليه لك يارب..
ولا يحرمنا منك..

أسعدك الله كما أسعدتني:) .

كاتي

14-10-2006, 02:54 AM

طيب ورينا صورة دومنيك

! الـمـسـاعـد !

14-10-2006, 03:51 PM

لا تعليق

و شكرا

أحلى وحده

15-10-2006, 02:36 PM

والله ما لومج حته أن لو يو بيتنا بقولهم جذي بس ما كنت مو جوده بالبيت

المسافر

08-11-2006, 07:19 PM

شوووووووووووووووووووووووووووووووووووووووووووووووووووووووووكران

Dominique

19-09-2007, 01:36 PM

عذرا على الانقطاع

شكرا جميعا على المرور

تم تعديل الروابط
.
.
.

القطة المشمشية

19-10-2007, 04:41 AM

ههههههههههههه بصراح ينيتى
خخخخخخخخخخخخخخخخخخخ أمزح و الله أكيد دمدم أنبسط كتير
و لهم حق يستغربون يا ريتنا بالكويت كنت غنيت لدمدم

oOعبودOo

19-10-2007, 05:06 PM

يشبه حقي ما شالله

http://www.up.5alid.com/up/uploads/89b35aebb6.jpg (http://www.up.5alid.com/up)

pink cat

21-10-2007, 07:05 PM

والله فعلا حلوة كتير عادات الخليج
شكرا عالموضوع الحلو

Bruce

21-10-2007, 07:20 PM

يحليلج

عديل الروح

21-10-2007, 07:26 PM

انا ابغي قرقاعون بسرعه ههههههههههههه
تحياتي:عديل الروح

Candy Man

24-10-2007, 12:49 AM

hhhhhhhhhhhhhhhhhhhhh its like halloween lolzzzz
i have never heard about such a thing ...
its so cool :P