لخبراء الاصلات لاهنتو

[$$mazewneer$$]

السلام عليكم
كيف الحال شباب
انا عندي اصلة بورمية البينو لها عندي تقريبا شهرين و طولها تقريبا متر الاشوي تقريبا يعني (توها صغيره ) المهم هي ماعليها اي خلاف الحمدلله بس لاحظت في الفتره القريبه ذي ان لونها بدا يصير اصفر فاتح (باهت) واشهب شوي وابي اعرف وش السبب لاهنتو
وفي سؤال يااخوان بما انكم ماشاللله حسب مواضيعكم باين عليكم ماشالله فاهمين ابي محل في الرياض يبيع الاصلات النادره شوي مثل الشبكيه او green tree python لان السوق مافيه الا بورميز او بول بايثن حسب تدويري يعني و بعدين وش وضع الهيت روك (انا داري ان uv احسن بس يبيلها شغله وتعب شوي في قفصها ) وشكرا ياشباب ولاخلا ولا عدم

[مهووس الحيوانات]

بكلمك على نقطة وحدة :)

الهيت روك (صخرة التدفئة)

فائدتها للتدفئة خاصة في الشتاء :)

أما الـUV فائدتها منح الكالسيوم وغيره للزاحف :)

وماتقدر تستغني عنها بالهيت روك :)

واذا مابتشتريها لازم تشمس الاصلة كل يوم في الصباح الله يعينك !

[$$mazewneer$$]

اهااااا الله يعطيك العافيه اخوي

[الآسطورهـ]

اهلين اخوي ,,بالنسبة للجلد ..

انت شوف عيونها اذا لاحظت انها صارت بيضا ,,يعني بتغير جلدها قريب ووفر لها الرطوبه ..

ومحلات الرياض .. تقريبا انا زايرها كلها

ماشفت شي مميز ,,كلهم المآلوفين ..

[بورميات عاديه وبورميات البينو وبوآ عاديه وبوآ رد ديل وملكيات وشبكيات] يعني مافي شي مميز

والله يوفــقكـ ..

[الخيّال]

بالنسبة لأصلتك هي الان في فترة تبديل الجلد لا تشيلها من مكانها ولا تعطيها اكل لحد ما تبدل جلدها

و اليو في مو مهمة للاصلات فقط للحربايات واللي مثلها

الحجر مهم في الشتاء بس

واذا تبغى اصلات عندي البوا هادية جدا واليفة . اذا بغيت راسلني على الخاص

[النمر الأبيض]

مشكورين يا شباب وما قصرتوا

[milano]

يا غالي من تجربتي في عالم الثعابين وكمربي لها .. ليومك هذا وانا لم استخدم لا ال uv ولا الهيت روك ..

والحمد لله الثعابين بصحه ممتازة ونموها ممتاز .. وازيدك انه الاحواض متواجده في غرفتي .. يعني التكييف شغال بشكل متواصل ..

اما عن الاصلات النادره .. مين قالك انه الشبكيه نادره :D

اغلب الاصلات المتواجده في السعوديه ( البورميز - الملكيه - الشبكيه - الدمويه - الصخريه ) هذا من واقع خبرتي بالسوق واذا مررررره بتلاقي ( الشجريه ) دي من ناحيه عالم الاصلات

السوق عندنا ما فيييييه اصلات نادرة ..


وفي فرق كبييير جدا بين البوا العاصره والاصلة :wao:

[نسيم الافاعي]

يا جماعه في حل حلووو وسهل بالنسبه للتدفئة الثعابين
هيتر الكمادات الي موجود بالصيدليات البشريه تاخذ للك اصغر نوع وتخليه تحت الحوض من بره وهو يدفي الحوض كامل وعلى حسب الحراره الي انت تحطها مثل ما انا مسوي حق ثعابيني كلهم وبشكل مخفي ولا يبين او يأثر على الشكل
وبالنسبه للاصلات في شغلات نادره بس مو بشكل كبير
مثل قرانيت بورميس و النصفيه والشجريه الحمراء هذي موجوده عندي خاصه بس مو للبيع يعني لا حد يفكر فيهن او يحط عينه خخخخخخخ