ولا عليكم أمر ( هل مر على أحد منكم هذا المرض ) ؟؟!

[سامبل تيود]

بسم الله الرحمن الرحيم ..

مرحبا شباب ..

مرني أحد الشباب أمس وعطاني ذكر كروان بقفص يقول خله عندك ما نبيه ، لعبوا فيه الصغار لعب ..

أخذت الكروان المسكين وبصراحة كسر خاطري ..

واضح إنه مريض بس ما أدري وش سالفته ..

وله مدة عندهم ما يعطونه إلا أكل ( بادجي ) طيور حب ..

الطير ما يشوف بشكل قوي .. لدرجة إني أدور اصبعي على راسه مرتين وثلاث وما يدري وش السالفة ..

عيونه منتفخه بدرجة كبيرة جدا جدا من الجمجمة وحتى تضيق الجفون كما في الصور

ملاحظات : إذا سطع الفلاش يسوي ردت فعل براسه .. دليل إنه يشوف بضعف شديد ..

الصور عندكم يا إخوان ..

وعطوني رايكم بلونه .. وتقريبا عمره ..

ونسيت أبركم إن ريش راسه اللي ورى التاج منتوف مدري ما نبت .. المهم الصور معكم ..

وأنتظر ردودكم يا غالين ..

http://www.2zoo.org/get-10-2009-2zoo_org_2h4gls4l.jpg (http://www.2zoo.org)

http://www.2zoo.org/get-10-2009-2zoo_org_wsm2vbdq.jpg (http://www.2zoo.org)

http://www.2zoo.org/get-10-2009-2zoo_org_t479y2si.jpg (http://www.2zoo.org)

موفقين ..

[عاشق،الخليج]

اها اها ياحرام اها اها مسكين

[القناااص]

اقرب بيطري وده قليل الي يعرفون هذا المرض يفحطون في علاجه وانا اولهم

[الفنانن]

اهلا بيك اخي اول شي ضع له مضاد حيوي في الماء كبدايه لان من اعراض البرد انتفاخ العيون اسم المضاد الحيوي اسبكتراما فيت وهذا مضاد بيطري وهو الافضل وممكن اذا ما توفر تضع له مضاد حيوي بشري مثل فلومكس او اموكسيا او ايموكس وغيره بس يكون مخفف بدرجه كبيره يعني نصف قرص على المسقاه وبالنبه للشعر المنتوف عادي لان الكروان الابيض (لاتينو) يكون اصلع من الخلف الى عام ونصف وهذا بيدل عن ان الطير بعمر صغير .اهتم فيه واحرص على ان يكون الجو دافىء وعدم وجود تيارات هواء بارده ولو ما تحسن من بعد يومين وده البيطري ضروري .

[iCare]

هل توجد اعراض زكام على الطير ؟
اذا كان يوجد زكام فلا بد من مضاد حيوي بيطري مثل الفاليمايسين او التايلوسين او التايلان

اما إذا كان فقط المرض بالعين فعليك باستخدام محلول الماء و الملح و تمسح به عين الطائر لقتل البكتريا و الميكروبات , و يمكنك تبعه بمرهم بشري للعين للتطهير و لمنع الحساسية

تحية

[ienna]

هذا الطائر هزيل جدا وضعيف ويحتاج لغذاء مكثف

أعانك الله

[الأسد الملك]

مع كلام الاخ "iCare"

امسح على عيونه بشاهي دافئ مع القليل من الملح

والاحسن خذ لك مرهم بشري للعيون

واهتم بتغذيهـ

بالتوفيق

[صمت الحزن]

الله من جد حرام الله يساعدك ويوفقك ولك الاجر بل عنايه فيه

[ابونواف9]

اخوي سامبل

ممكن يكون عنده بداية نقص حاد في الفيتامينات ,, لان نقص الفيتامينات يؤدي الى تساقط الريش واللتهاب في الجيوب الأنفية ,,

اهتم في تغذيته ونوع له الفيتامينات بشكل يومي عشان تقدر تسيطر على النقص الموجود في الطير

[Cocktail Bird]

هلا

والله الي باين من عين طيرك ان في التهاب في عينه وتقدر تعالجه ان شاء الله

روح الصيدليه (صيدليه بشريه ) واطلب منهم كريم تيراميسين للعين واذا قالوا ما عندهم قولهم تبي معقم للعين لكن للاطفال عشان ما يكون قوي عليه ويومياً تمسح على عينه بخفه واذا قطر فحط له قطره يومياً لمده ثلاثه ايام او الى تحسن حالته

واعطه قطره من مضاد حيوي ويفضل اموكسيل لان سار نفس الشيء عندي وبعد ثلاثه الى خمس ايام سار الطير جيد وما فيه اي شيء

وجيب له فيتامينات للاطفال وحط له قطرتين ي الماي مع مراعاة تبديله كل يوم

الله يشفيه

ونوعيه الطير لوتنيو ذكر بالغ يعني حوالي سنه الى سنه و 3 شهور

~ تحياتي~

[iCare]

بخصوص العمر انا ارى الطير فوق السنتين و الصلعة لا تدل على العمر مطلقا , لدى انثى لوتينو بعمر 4 سنوات و صلعاء , بينما ذكر البينو بعمر الستى تقريبا ريش الرأس كامل

[سامبل تيود]

بصراحة أشكر الجميع بلا استثناء على مداخلتهم الجيدة والتي استفدت منها ..

شكرا لكم جميعا أحبتي ..

وأبشركم .. الكروان بدأ يتحسن ويغرد وأكله ممتاز والحمد لله ..

بفضل الله ثم فضلكم يا غالين ..

والله ودي أرد على كل واحد لحاله لكن الظروف تجبر الواحد ..

محبكم ..

[علي الطير]

ممكن انه يحطله اكل بادجي انا اقول حطلهالخلطه مالته اي اهي حب مع دخن

[الكروانّ]

الحمدلله

[صرخات الروح]

كسر خاطري
لازم اول شي اقرب بيطيري ومضادات وتغير الاكل وتعطيه فيتامين وبتبعده عن التيارات الهوائية المباشره

[كركوش]

حرااااااااااااااااااااااااااااام