محتاره........في كاسكو

[رنــيــن]

السلام عليكم......


انا لقيت ببغاء كاسكو عمره تقريبا 6 اشهر

وهادي وجميل جدا

بس ما سألت هل هو محجل او غير محجل؟؟؟؟

قيمته 1000 ريال

اشتريه ولا لا؟؟؟؟

هل لو كان غير محجل اشتريه عادي ؟؟؟

وشفت ذيله احمر قصير مو احمر مره زي الكبير عادي ولا لا؟؟؟

ولقيت عند محل تاني فروخ محجله بس بـ 2500 ريال ؟؟

وشرايــــــــــــــــــــــــــــــــــــــــــكم.................؟؟؟

[عبدالإله]

إذا هو اليف وعمرة صغير يعني عيونه لسى رمادية توكلي على الله وخذيه

[عسول جدة]

أختي رنين .. السلام عليكم ..

أول شيء إنتي أكيد راح تأخذيه للتربية .. فعمره جداً مناسب .. يعني لساعه فرخ ..

غير محجل معناه أنو مصيود وليس تربية مزارع وصحيح أنو المحجل افضل بس أنا قريت معلومه أنو الغير محجل مناعته أقوى ..

توكلي على الله وأشتري الغير محجل أول شيء عشان انتي تبدأي معاه بكيفك .. ولإنخفا ض سعره ..

ترى إلي عندي غير محجل والحمد لله ماشي حاله ومن أحلى مايكون ,, يعني إنتي تولفيه على مزاجك ..

أهم شيء تأكدي أنه بجد عمره 6 شهور لآنو أصحاب المحلات كذابين ونصابين وهدفهم ربحي إلا من رحم ربي ..

ولو قدرتي تصوريه وتجيبي الصور يكون أحسن .. وسعره ترى نوعاً ما معقول ..

لكي ودي ووردي .. وإن شاء الله أهل الخبرة كمان راح يردو عليكي ..

هذا رأي الشخصي .. إن ماعجب غيري ..

[رنــيــن]

عبدالإله

يعطيك العافيه على الرد

هو هادي وما يجاعر بس يتحرك اذا دخلت يدي بعدين عادي

و يسلموووووووووو

[رنــيــن]

عسول جدة

يسلموووووووووو على ردك

احاول اصوره

هو باين صغير بس ذيله مو احمر وطويل متل حقك عادي ولا لا ؟

وشكـــــــــــــــرا على الرد

[عسول جدة]

إذا مافي لون أحمر .. هذا مو كاسكو ..

ويكون غيني وترى سعره مايتجاوز الـ600 ريال .. هو افريقي بس غيني ..

[رنــيــن]

نفس الرمادي بالضبط

بس انا ما انتبهت كويس بس احسه كذا

قلت يمكن عشانه صغير...

بس هو قال كاسكو

[عسول جدة]

هو الغيني شبيه الكاسكو مررررره بس بدون ذيل أحمر ..

هو محل وهدفه ربحي وبس .. مو شرط قلك إنو كاسكو يعني كاسكو ..

إنتي من فين عشان أدلك على محل صاحبه أمين وأعرفه كويس .. طيوره ممتازه وأسعاره مناسبة ..

[رنــيــن]

انا من الاحساء

[عسول جدة]

والله للآسف مأعرف .. في الإحساء ..

بس زي ماقلت لكي حاولي تصوريه وتنزلي الصور .. وأنا تحت أمرك أختي ..

[د. إحتـراف]

السـلام عليكم

اولاً الفرق بين الغيني والرمادي سهل جداً

الرمادي لون ريشه فاتح ومنقاره اسود وحجمه كبير ذيله احمر لذكر والانثى يكون في اخر الذيل لون بني

الغيني لون ريشه غامق ومنقاره اشهب وحجمه صغير

واتوقع الطير اللي تقولين عنه رمادي مو محجل لان المحجل قيمته مثل ماقلتي 2000 وطالع

اما الغيني اسعاره لا تتجاوز 600 ريال لعدم الرغبه فيه

ان شاءالله اكون افدتك

تقبلي مروري

[جداااوي]

السلام عليكم ورحمة الله وبركاته



انا لقيت ببغاء كاسكو عمره تقريبا 6 اشهر
العمر جدا حلو ومناسب للتدريب.

وهادي وجميل جدا
شي اكيد ان هادي لأنو لسه صغير.

بس ما سألت هل هو محجل او غير محجل؟؟؟؟
عادي اختي طبعا رح يكون مو محجل يعني مصيود.

قيمته 1000 ريال
سعره جدا حلو

اشتريه ولا لا؟؟؟؟
توكلي على الله واشتريه طير ولا احلى

هل لو كان غير محجل اشتريه عادي ؟؟؟
عادي اختي ما في اي فرق بين المحجل والمصيود بس في فرق بسيط
انو المحجل تربية مزارع والمصيود المعنى واضح من الأسم .

وشفت ذيله احمر قصير مو احمر مره زي الكبير عادي ولا لا؟؟؟
شي طبيعي لانو لسه فرخ ورح يتغير لون ذيله مع تقدم السن.

ولقيت عند محل تاني فروخ محجله بس بـ 2500 ريال ؟؟
شي اكيد المحجل اغلى من المصيود لأنو ملقح وجاهز ومدرب

وشرايــــــــــــــــــــــــــــــــــــــــــكم.................؟؟؟
توكلي على الله وخذيه اذا كان كاسكو زي ما قلتي
فرصه لاتفوتك.


اختي حنين اسمعي مني
الفرق بين الغيني والكاسكو شي بسيط وواضح
لون الغيني اغمق من الكاسكو ومنقاره العلوي لونه مو اسود فيه شويه لون ابيض او اصفر
ولون ذيله عودي مو احمر نفس الكاسكو ومقاس الذيل نفس مقاس ذيل الكاسكو
حبيت اوضح لك بعض الفروق بين الغيني والكاسكو
اما اذا كان فرخ
رح يكون لون ذيله احمر على احمر غامق شوي

تقبلي مروري

جداااوي

[عبدالإله]

رنين انا من الاحساء ولو تبين كاسكو ممتاز كلميني على الخاص وارتبك بواحد ممتاز

[رنــيــن]

يسلمووووووووو على الردود

هو طلع غيني مو كاسكو ...

صرفت نظر....

ولقيت كاسكو بـ 1200 ريال

يسلمووووووووووو

[د. إحتـراف]

يسلمووووووووو على الردود

هو طلع غيني مو كاسكو ...

صرفت نظر....

ولقيت كاسكو بـ 1200 ريال

يسلمووووووووووو



والله 1200 غالي يا اختي انا ما ادري عن الاسعار في الاحساء عندنا في الرياض على 800 ريل فرخ صغير

لاكن الف مبروك ويتربى في عزك يارب

[عبدالإله]

إذا اليف ب1200 ويجي على اليد وحجمه حلو وتوه صغير يستاهل ويتربى بعزك

[رنــيــن]

بصراحه غالي بس انا مالقيت غيره وهادي

احسه فرصه لا تعوض

وشتريته اهم حاجه كاسكو اصلي مو غيني اللي كان بيبعه على بـ1200ريال

كان خايف اول حاجه ودحين عادي وبدا ياكل يجنن

يسلمووووو على الردود

[هامستره صغيره]

ننتظر صوره :D

[بووسلطان]

وين المحل فيه بالاحساء انا من الاحساء ياليت تفيدينا باسم المحل انا ابحث عن كاسكو ؟؟

[رنــيــن]

هلا

والله اشتريتة من المجمع رقم 1 اللي عند الحكير

بس ماكان الا في واحد وانا اشتريتو

محل اسمو السمكة الذهبية

[naasooh]

أفضل شئ
وقت الشرااء
يكوون معاك واحد خبره بالكاسكوو
الأختيار
ما يقتصر
على
السعر
والحجم
في أمور ماا ينحكم عليها ألا بالنظر

بالتوفيق