أرجو الإفادة عن ببغائي الإفريقي يا أخواني

[الخبر مان]

أنا عندي ببغاء إفريقي شريته من كم شهر وخليته على راحته من غير ما أستخدم معه

العنف لين قبل يومين بس حاولت أطلعه على يدي بالقوة بس ماطاع وقام ينزف شوي

دم من جنحانه وتغير علي وماصار يتكلم مثل شكله زعل مني :(

أنا ودي أدربه بس هل أوديه عند مدرب أحسن ولا وش رايكم ؟

أرجو المساعدة ياشباب

[ابو محمــد]

اخوي الخبر العنف ما يصلح مع التدريب واذا الببغاء نفسيته تعبانه ما ينفع الكلام,,

اتبع الخطوات وان شاء الله يتغير معك ويصير اليف لكن الموضوع يبيله صبر شوي اوكييييييه:

طريقه تدريب الببغاء الجديد

1-ارفع الطير في مكان يكون مثل الممر او الصاله بمستوى رأسك


2-لا تبدأ معه التدريب الا بعد اسبوعين او ثلاثه


3-انت من يضع له الاكل والماي واذا عطيته الماي كرر كلمه ماي ماي ماي واتركه


4-لا تعرضه للتيارات الهوائيه او المكيف ولا تروشه نهائيا في هذه الفتره


5-حاول تقعد معه ويكون هو اللي يراقبك فقط وانت تجاهله


6-اذا شفت الطير بدأ يشقلب او حركه زايده في القفص شغل له نغمه جوال ولاحظ انتباهه لك


7-اذا قربت منه وقام يجعر لا تتحرك وكأنك لم تسمع منه شيء وخلك ثابت حتى يسكت واذا سكت اتركه وارجع له بعد ربع ساعه


8-بعد اسبوعين يبدا الجد وتبدأ تشيل منه الاكل في الليل فقط


9-اذا طلع الفجر نزل القفص عندك في الارض وحاول تكون انت وياه في الغرفه ولا في احد يلفت انتباهه وسكر النوافذ واتركه ربع ساعه حتى يروح الخوف


10-افتح باب القفص اذا كان له باب من الامام وحط حاويه الاكل فاضيه

11-ارجع له بعد 5 دقايق وابدأ دخل يدك طبعا راح يجعر لا تخاف ابد وخل يدك ثابته حتى لو طاح من القفص او جعر والفول السوداني في يدك وابتسم وكلمه بصوت هادي ولا تطالع في عينه عشان ما يرتبك زياده


12-اكيد ما راح يأكل لكن الجوع يجبره يتجرأ


13-خذ حب شمسي او فول سوداني وابدأ قرمشها باسنانك راح يتعجب ويصير عند استفهام
14-اذا حاولت ولا أخذ من يدك سكر باب القفص وحط في الحاويه حبه وحده فول سوداني


15 اكيد راح يتجرأ ويأكلها وينتظر منك الثانيه والثالثه


16-بعد انت وشطارتك تبدأ تحاول تعطيه بيدك ويمكن ياكلها ويقطها اكثر من عشر مرااات لا تيأس لأنه مثل ما قلت لك عنيد شوي


طبعا كل هذا يجي بالتدريب لكن لا ترهقه ابد مجرد تشوفه يلهث رجع القفص مكانه وابدأ معه بعد ساعه او يوم ثاني واهتم فيه بالتغذيه والفتمينات .


ملاحظه: اهم مافي التدريب اترك الطير ينام اقل حاجه من 10 ساعات الى 12 ساعه

[الخبر مان]

الله يجزاك الخير يا ابومحمد وعسى الله يحفظك ياغالي

مشكور وماقصرت يعطيك الف عافية

الطير ياكل من يدي ويخليني احك راسه عادي بس يوم أقرب له يدي يبتدي يجعر على خفيف

ويبي يعض عشان كذا شريت لي قفاز واستخدمت معه القوة بس عنييييد جداً

ليتك من الشرقية أحطه عندك يومين صراحة ماودي أوديه عند أي أحد

أبي واحد محترف في الخبر ولا الدمام ويستخدم اللين معاه عشان لا يتغير طبعه علي

أبحاول معاه بدون القفاز مع إني أدري مافي فايدة عنيد وراسه يابس يالغالي

مشكور مرة ثانية أخوي ..

[alwahaj]

كفا وفا بو محمد

وان شاءالله طيرك يصير على مزاجك

[ابو محمــد]

والله لو ما عندي ضغط عمل كان اخذته لكن انا افضل انت من تروضه ولا تستعجل في الترويض واذا انت ناوي تقني الطير راح يتروض ويعيش معك العمر كله بأذن الله.

[wissows]

السلام عليكم يا اعزائي لقد اشتريت بغبغاء رمادي من اسبوعين كان يجعر وكان قفصه صغير (الحجم العادي الذي بياع مع البغبغاء، لقد قرأت الطرق عن كيفية الترويض في هذا الموقع الرائع تم ترويضه بنجاه خلال فترة اقل من اسبوع وافتخر فيها.اريد المساعدة من الذين لديهم خبرة عن اعطائي ارشادات كيف يحبني انا ادربه دائما واتكلم معه اسمعه كانه يحكي ولكن غير واضح اما بالنسبة للاكل يأكل من يد بنتي الصغيرة ولكن مني يأخذها و يرميها اما بالنسبة لوع يدي امامه لم يعد يعض ولكن يرفض و يهرب مني لا اعرف اذا كان منزعج من تصرفاتي او لا يحبني ، اطلب منكم رجاءا اعطائي نصيحة عن هذا
شكرا لكم جزيلا
وسام سعد