طيري تعبان عاجل

[عاشقة الببغا]

السلام عليكم الله يخليكم ساعدوني طيري تعبان اليوم الصباح كان نشيط وياكل واول مره اعطيه فلفل احمر بس نص بعدها احس انه تغير معاد اكل شي ابد وكله مغمض عينه ومنزل جنحاته وتكرمون احس كانه فيه اسهال ساعدوني لين الصباح اوديه البيطري وعلى فكره عيالي كلهم فيهم حراره يمكن عادوه وجزاكم الله خير

[aziiz]

والله سمعت الفلفل مب زين حق بعض الطيور مالي خبره بس هاذي من المواضيع الي بالمنتدى قريتها

ودي اساعدج بس ماعندي خبره انشالله الاعضاء يفيدونج وسلامات انشالله مافيه الا العافيه

[كوالا]

شكلك اعطيتيه فلفل بزياده

الفلفل اذا بتعطيه مره بالشهر

اعطيه عسل وحطي فص ثوم بالمويه حقته وخليها عشره دقايق وشيليها

وانصحك توديه للبيطري عشان تطمني عليه

وان شاء الله يرجع زي اول واحسن

[مجنون الامازون]

ما ازيد عن الاخ (كوالا) .. ان شاء الله ما فيه الا كل خير ..

نصيحة اذا تبغي تعطيه فلفل نزلي (البذور) الداخلية لانها تسبب مشكلة في الهضم ..

[naasooh]

استعجلي ووديه للطبيب
ولا تعطيه فلفل حاار
والفائده من مكوناته تقدرين تاخذينها من انواع ثانيه من الأكل