كل واحد له تجربه مع الامزوني يتفضل يدخل

[weko]

السلام عليكم ،،،

كيفكم ؟؟

خلينا ندخل بالموضوع ،، انا ان شاء الله ناوي اجيب لي امزوني يلو ناب لاني سمعت انه افضل شي ،، بس محتار الى اليوم هو ولا دبل يلو هد ،،،،

وش رايكم انتم ؟؟ مع العلم انه رح يجيني من برا المملكه من موطنه الاصلي بس يقولون انهم يقتلونهم بالمطار هل هذا الكلام صحيح ؟؟؟؟ وكم هو العمر المناسب للاستيراد ؟؟

وشكرا ....:)

اي صح وسؤال يلي يربون الامزوني ،، هل هو عسر ولا حليل ولا مزعج ولا كيف ؟؟

[مجنون الامازون]

عزيزي (weko) انا عندي خبرة في طيور الامازون لكن لا تصل لدرجة الاحتراف .. حدد ايش الي تبغاه بالضبط وان شاء الله ما راح اقصر معاك ..

[ابو محمــد]

الدبل يلوهيد عندنا تقريبا نفس سعر اليلوناب والغالبيه يفضلون الدبل يلوهيد,,

وبرى سعر الدبل يلوهيد اغلى من اليلوناب,,

وبالنسبه لدخولها من برى صعب الا اذا عن طريق البحرين تهريب..

[weko]

عزيزي (weko) انا عندي خبرة في طيور الامازون لكن لا تصل لدرجة الاحتراف .. حدد ايش الي تبغاه بالضبط وان شاء الله ما راح اقصر معاك ..

يعني هل هي مرحه وفله وتربط بسرعه ولا كيف ؟

وايش افضل الدبل ولا اليلو ناب ؟

[weko]

الدبل يلوهيد عندنا تقريبا نفس سعر اليلوناب والغالبيه يفضلون الدبل يلوهيد,,

وبرى سعر الدبل يلوهيد اغلى من اليلوناب,,

وبالنسبه لدخولها من برى صعب الا اذا عن طريق البحرين تهريب..

ابو محمد مع احترامي لك بس انا اشوف ان اليلو ناب برا اغلى ،،،

وطالما انك طريت السعر كم يسوى كل واحد فرخ ؟

[ابو محمــد]

انا حصلت فرخ يلوناب عمره 6 شهور 10000 ريال

والدبل يلوهيد عمره سنه ونص 10000 ريال

في سوق الخميس القطيف.

[weko]

ابو محمد هل كلهم يتكلمون نفس الشي ولا في واحد احسن من الثاني وايهم احلى ؟

[باقيرا]

هلا اخوي
انا من واقع تجربة للدبل يلو هيد يعتبر طير مميز وذكي...وبالنسبه لليلو ناب ما قد اقتنيته بس المعروف انه يعد الاول في عالم الببغانات... وبيني وبينك اتوقع شخصيا انه ما فيه فرق كثير من ناحية الكلام والذكاء الفرق في الالوان وانت وذوقك...وبتشبيه رياضي هذا الثنيان وهذا الغشيان..
وبالنسبه لدخولها للملكه يوجد قرار بالمنع لكن اذا لك احد بالمطار يمون علي حقين الجمارك الامور بتتسهل دخلت اشياء العن من الببغانات بسبب المحسوبيه...
وزي ما قال الاخ ابو محمد عن طريق البحرين تهريب وانت وحظك...وانا بالنسبه لي اقدر اخدمك وادخله لك عن طريق الجسر...

[weko]

ما تقصر يا ماوكلي ،، قصدي يا باقيرا >>>>>> تحمس ;)

ان شاء الله لنا احد في المطار ولا يهمك

[كاجو]

مراحب أخوي بالنسبه للامزونيات هي ببغاوات غير مزعجه هذا طبعاً من واقع تجربه

أحس ان الكوكاتو والمكاو والكاسكو مزعجين مقارنه بالامزونيات وبالنسبه للفرق

بين اليلو ناب والدبل يلو هد أحس مافيه فرق الا بالشكل لاكن لو تبي الصراحه

البلو فرنتد احسه اخف دم من اليلوناب ،،، اليلوناب له نظره حاده وتحس انه قوي

ومو سهل بالتدريب مثل البلو فرنتد أنا عندي واحد واحس شخصيته أقوى مني هههههههههه

رغم انه اليف لاكن ماله الا الي براسه ،،

بالنسبه للاستيراد من برا مانصحك لأنه ممكن يكون ناقل فيروس مرض ولا يبان عليه

الابعد ماتاخذه بفتره لو تشتري من الداخل وعلى نظر عينك أحسن ممكن يجيك حجمه

موذاك الزود او شكله مو حلو لأني لما أشتري ببغاء الاقي من نفس الفصيله كثير لاكن في الشكل

تلاقي واحد منهم مميز عن الثاني وهذي وجهة نظر والقرار بالاخير لك طبعاً ،،

[weko]

يعطيك العافيه كاجو ... بس تدري وش مشكلتنا في السوديه وفي الخليج عموما ان التجار حقين الطيور حرميه يعني اسعار مضرووووبه فوووق فووووق ،، والله حرام ،،، يعني قولي بكم تجيب الامزوون ؟ مبلغ خيالي في البلد هذا يلي يخليني استورد من البرازيل بربع السعر

عرفت كييف ،،، ! وعموما اقدر واحترم وجهة نظرك وان شاء الله نستفيد من خبراتك :)