ممكن نصايحكم؟

[FrEe LeGeNd]

السلام عليكم


اليوم اشتريت
فرخ روز العمر تقريبا...(من 23يوم-25يوم)

المهم جبت له كرتون ارتفاعه مناسب بحيث انو الطير يقدر يرفع راسه ويشوف الي حوليه

وفرشته نشاره خشب

وصرت الف الكرتون اذا كان الجو بارد
واشتريت له سرلاك(بالقمح والتمر)

وطبعا قريت كثير وشفت فديو باليوتيوب لكيفيه اطعام الفروخ

والحمد لله عرفت كيف

واللحين اعطيته 3 وجبات

وحده الساعه 9 مساء
ووحده الفجر الساعه 5
ووحده الظهر الساعه 2

ممكن نصايحكم؟؟

بليز محتاجها لانو هاذي اول مره اربي فرخ بهذا العمر
هو ما شاء الله لعوب جدا ينحاش من الكرتون هههههه صار يعرف كيف يتعلق بالمنقار ويرفع جسمه ما شاء الله عليه

(ما ابي الطير يموت لاني بصراحه تعلقت فيه ) :shy:

[FrEe LeGeNd]

تعديل>>الطير اشتريته امس الساعه 6 المغرب يعني اللحين له 29 ساعه

اليوم رحت وشريت له عش(صندوق الخشبي ينفتح من وفق) عشان وحطيه في القفص وفرشته بالنشاره والعش بعد
عشان ما ينحاش لانه والله يتعلق وينحاش
شريت العش عشان يجلس فيه هههه

[ابو محمــد]

والله انك احرجتني بطلبك لي في الرسايل الخاصه لكن ابشر,,

طيور الروز والحب ما تختلف عن فروخ الطيور الباقيه,,

طيب شغلك تمام لكن احرص من تغير الجو,,

والسيرلاك اخلط معه ماي دافي لا حار ولا بارد ومجرد تشوف الحوصله نصفها امتلئت وقف,,

وبالتوفيق ان شاء الله.

[FrEe LeGeNd]

فديتك والله منور

ان شاء الله والله اني خايف عليه من البرد <<نايم بدون مكيف

[الآسطورهـ]

اخوي تدري وش اسوي لما كان عندي فروخ روز ؟!

كنت احطها اذا شغلت المكيف بدولاب الملابس طبعا بالكرتون حقها

وافتح باب الدولاب شوي ..

وبهالعمر اهم شي مايجيه برد

لأن الفروخ حساسه وخاصه للجو

هذي اهم نقطه

بالنسبه للآكل نظامك مزبوط .. لكن كل فتره شيك على حوصلته .. شوفها ممتليه ولا لا

والله يوفقك وتشوفه يكبر ويترعرع قدامك وتشوف عياله .. :D

[د. إحتـراف]

والله ياغالي كان ودي اخدمك بـ عيوني

لاكن ما اعرف طيـور الروز واللـه

هل هي كناري او بلابل ؟

ياليت توضح لي وابشر انا ببحث له واجيب لك الي تبي

[بندولة حب]

اخوي اهم شي البرد لايجيه

وحاول تشكل له في الأكل

وصفه للتقوية المناعه

2ملعقه ثوم مطحون
نص ملعقه صغيره قرفه
نص ملعقه صغيره زنجبيل

تطعم الفروخ بطريقة
اضافة حقنه صغيره لكل
وجبه
لمدة 5 -7 ايام
بمقدار ربع ملعقه صغيره مره
على السيريلاك

وعطيه
خلطة البيض والبقسسماط تحصلها باالمنتدى ظروريه للفروخ تلقاها بقسم الكناري
وموفق

[بندولة حب]

اخوي انت خذ من الخلطه تقريبا نص ملعقه صغيره وضيفها للسريلاك المخلوط باالماء وعطها طيرك

ويارب اكون افدتك

[FrEe LeGeNd]

فديتكم والله كلكم

ما قصرتو

ان شاء الله رح اطبق نصايحكم
وربي جد تعلقت في الطير

اوكي اخوي الاسطوره
فديتك اختي بندوله
وان شاء الله بكره اطبق الخلطه


اليوم رجعت من المدرسه
واول ما شافنا قام يصارخ فديته

وعلى طول اعطيته الاكل

[الآسطورهـ]

اختي بندولة .. الخلطه للطيور البالغه مو للفروخ ..

لآن الفروخ ماتستحمل [الزنجبيل والثوم والقرفه]

اخوي استمر على السيريلاك ويفضل لو فواكه

[بندولة حب]

اختي بندولة .. الخلطه للطيور البالغه مو للفروخ ..

لآن الفروخ ماتستحمل [الزنجبيل والثوم والقرفه]

اخوي استمر على السيريلاك ويفضل لو فواكه

اخوي الخلطه للفروخ ومقدارها بسيط مره مايكثر منها:o

[بندولة حب]

بشر اخوي شخبار الفرخ

[FrEe LeGeNd]

والله تمام التمام اليوم عمره 29 يوم

واعطيته امس وجبه البيض بالبقسماط(فتات الخبز)

وصار اذا شافني منسدح يجي يقرب مني ثم ينام يحسبني امه ما شاء الله عليه

وصار يرف رف بجناحيه مستعجل على الطيراااان ههههههههههه ما شاء الله عليه

لان ريش الجناح اكتمل وريش الراس

وريش الذيل ما شاء الله عليه

وان شاء الله قريب انزل له صور من يومه الـ 22

[بندولة حب]

اخوي انا سزيت للفروخ اللي عندي خلطه خضار مسلوقه
بطاطس بدون قشر وكوسه وثوم جزر سلقتها وظربتها باالخلاط

وصرت اخففها بشوي مويه واعطي الفروخ باالأبره سويها لفرخك


وين الصور متشوقه اشوفها اخوي

[FrEe LeGeNd]

اوكي رح انزلهم بعد شوي...