الشـتـــــــــــــاء جـانآ

[ريـــم]

0

0

السلام عليكم

بما ان الجو بدا يبرد و الخطر يقترب من طيورنا :wao:

_________________________________




حبيت كل واحد منكم يعطينا نبذه عن اهتمامه بطيره بفصل الشتاء


يعني مثلاً تغيّر مكان قفص طيرك بفصل الشتاء ؟



تعطية مضاد او خلطة الثوم ؟



تحرص على تدفئته بدفاية او تكتفي ببطانيه ؟


إستخدام ثيرمومتر يفيدك او تعتمد على نفسك في قياس درجة الحرارة المناسبه لطيرك ؟



أغلبية الناس في فصل الشتاء تشغل المكيف على التهوئه الحارة يضر الطيور او لا ؟




تشغيل واطفاء الدفايه بالغرفه ماتأثر على الطير كونها تقلبات جو ..!! :confused:
أو التيارات الهوائيه هي اللي خطر؟





<<اختبار موب موضوع :D



كل هالاسئله علشان اول مره يقبل عليّ فصل الشتاء ومعي طير فأبي استفيد ..

والجميع بحاجة هالمواضيع فاللي عنده اي اضافه يكتبها هنآ مشكورا :shy: ..



.
.

اتمنى ماثقلت عليكم ..


ســـــــلآم

0
0

[alwahaj]

لا والله ما ثقلتي ابد

الا موضوع مهم ومفيد وياليت الاخوان يفيدونا بكل شي مب بس بخصوص اسالتج

وانا مثل حالتج طيري جديد عندي واول شتاء بالنسبه لي وياليت نستفيد من اهل الخبره

يعطيج العافيه

[Q_9]

مشكوره على الموضوع

الا بسالج اختي العزيزه ويش هيه خلطة الثوم هذي

و شوه فايدتها من ما تتكون ^_^

واكون لج شاكر

[في خاطري شي]

بصراحه اعجبني موضوعك

وهذي المواضيع الهادفة اللي تستحق النقاش خاصة بهالوقت


على كلا ...


اللي اعرفه ان درجة حرارة الطيور تختلف بصورة كبيره عن درجة حرارة الانسان ... بمعنى ان لانقيس طبيعة درجة حرارتنا بأنها مماثله لدرجة حرارة الطير وبالتالي يحدث مالا نريده كمرض الطير او ماشابهه


لكي لااخرج عن صلب الموضوع اختي ريم .. فاللي انا اسويه بكل شتاء اضع الطير في غرفة دافيه "غرفة جلوس" ونسميها عادة بالبيت " الغرفة الشتويه" وهي غرفة صغيره مفروشه واصلا هي دافئه بطبيعتها ولايوجد بها سوى وسيلة وحده من التدفئه "دفايه كهربائيه" ولايخرج منها الطير الا وقت الظهر في الحوش عشان ياخذ دفئ من اشعة الشمس

وعند النوم اقوم بتغطئته بـ "الفروه" :) ماعدا الجهه الاماميه تكون مفتوحه ..

واما في "كبد" البرد أي في مربعانية الشتاء القارس اضطر الى اشعال الدفايه الكهربائيه داخل الغرفه وبعيده عن الطير ووضعها على توقيت اتوماتيكي أي عند وصولها الى درجة حرارة معينه بالغرفه يتم اقفالها بشكل تلقائي

وتمر علينا الاشهر الى خروج الشتاء على خير ههههه

وهذي طريقتي مع طيري والحمدلله ماقد لاحظت أي اعراض برد عليه طيلة فترة الشتاء



اتمنى اني قدمت مايفيد


تحياتي لك ولاتحرمينا من مواضيعك الشيقه


في امان الله ،،،

[ريـــم]

لا والله ما ثقلتي ابد

الا موضوع مهم ومفيد وياليت الاخوان يفيدونا بكل شي مب بس بخصوص اسالتج

وانا مثل حالتج طيري جديد عندي واول شتاء بالنسبه لي وياليت نستفيد من اهل الخبره

يعطيج العافيه


اي ياليت الكل يفيدونا ومايقتصرون على مطالعة الموضوع
شاكره لمرورك

[ريـــم]

مشكوره على الموضوع

الا بسالج اختي العزيزه ويش هيه خلطة الثوم هذي

و شوه فايدتها من ما تتكون ^_^

واكون لج شاكر


خلطة الثوم لتقوية المناعة تفضل اخوي

http://www.2zoo.com/vb/showthread.php?t=123957&highlight=%C7%E1%CB%E6%E3


شاكره لمرورك

[ahmed922]

مشكوره على الموضوع

[ريـــم]

في خاطري شي < الله ينولك اياه :D

اشكرك على افادتك
صراحه مره مره استفدت من ردك والله يعينا على هالبرد
واعجبتني دفايتكم ابو وضع اتوماتيكي بروح اشتري مثلها :D

[ريـــم]

مشكوره على الموضوع

العفو خيو

[ابو محمــد]

موضوع يستحق الاهتمام فيه بالاخص الاعضاء اللي ساكنين شمال المملكة والرياض,,

طبعا انا اوسوس في الشتاء واقعد اراقب الببغاء بين الحينه والاخرى,,

واشتري له طربال 25 ريال او افصل له من حق الخيام بحيث يكون الثلاث جوانب مسكره ومن الامام بلاستك شفاف وفية فتحات عشان التنفس,,

واذا اشتد البرد احط له شوي زنجبيل مع الماي عشان يدفئ وبنفس الوقت يوسع عنده الشعب الهوائيه ويقيه من الزكمه بأذن الله,,

واذا اشتد اشتد البرد احط جنبه دفايه الزيت عشان يكون الجو دافيء ,,

طبعا الترويش ممنوع في فصل الشتاء ,,

بالتوفيق.

[عاشق البغبغان]

يا جماعه ليش الخوف احنا سكان جده ما نخاف من البرد عشان هوا أصلا يخاف مننا وما يجي

جده غير

[amh-92]

أنا عندي مطوق من خمس سنين كل يوم أحطه في الحوش وفليل أحطه في المطبخ يعني في الشتاء والصيف عادي بس يوم يطق مطر أشيله وانشاء الله باقي الاعضاء يفيدونه

(ترا في البحرين الشتاء غير هاي أذا في شته)

[راينو]

والله موضوع الكل استفاد منه
حتى انا مثل حالتك بالضبط
اول برد يمر علي
ان شاء الله يمر علينا بخير

[ريـــم]

ابو محمد
عجبتني فكرة الطربال يعني من الجوانب كلها مسكره ومن الامام بلاستيك..!!؟ <<طلع تلفزيون مو شبك :D
حلوة الفكرة مع اني احس ان الطير محجور وبيطفش ..
مشكور على مرورك يا ابو محمد

[ريـــم]

عاشق البغبغان

انتم ماتعرفون الفصول الأربعه الا بالمدرسه ماعندكم الا فصل واحد :D<< وش عندها الاوربيه
ما ألومك اذا قلت ليش الخوف ..:D


من جد جده غييييير
شكرا لمرورك

[yasserالكاسر]

مشكوووورين على الافكار الحلووه..والله من جد برد الطايف غير...اصلا مافي صيف عندنا هههه

[ريـــم]

أنا عندي مطوق من خمس سنين كل يوم أحطه في الحوش وفليل أحطه في المطبخ يعني في الشتاء والصيف عادي بس يوم يطق مطر أشيله وانشاء الله باقي الاعضاء يفيدونه

(ترا في البحرين الشتاء غير هاي أذا في شته)


:eek:
بالحوش
على كذا اتوقع اجوائكم مثل جده
شكرا لمرورك

[ريـــم]

رابنو
اتمنى انك تستفيد
اشكرك على مورورك



الكاسر

الله يعينا وياكم
شكرا لمرورك

[عاشق الأمازوني]

الله يستر ... موضووع جدا جميل

عني انا من جرف بدحديرة:eek:
طالع من برد الرياض ورايح للشمال:wao:

بأمر كل اسواق الخضرة بطريقي عشان الزنجبيل<<<< الحقو قبل اخلصة من السوق:12:

مني للجميع أجمل تحية

[عاشق الكاسيكو 11]

من جد موضوع مهم وهاذا اول شتاء يمر علي :cool:

[عاشق البغبغان]

شكرا ريم

[BiG MaMa]

موضوع جدا جميل

والله يستر

[درة غير اليف]

مشكوووووووووووووووووووووووور

[ابو محمــد]

ابو محمد
عجبتني فكرة الطربال يعني من الجوانب كلها مسكره ومن الامام بلاستيك..!!؟ <<طلع تلفزيون مو شبك
حلوة الفكرة مع اني احس ان الطير محجور وبيطفش ..
مشكور على مرورك يا ابو محمد

لا يطفش ولا شيء واعتقد هذا آمن بعد اللة للببغاء من البرد,,

اخوي رانيو هذه صورته وراح ارسلها لك ع الخاص للتأكيد.

http://www.2zoo.org/get-11-2009-2zoo_org_4tioxv0p.bmp (http://www.2zoo.org)

[Zm Zm]

مشكوووووورة على الموضصوع

[ريـــم]

شكراً للي فاد و اللي استفاد .. [على مرورهم ]

[راينو]

شكر اخوي ابو محمد

[weko]

وش اقول انا يلي عندي درجه الحراره من -١ الى- ١٥ تحت الصفر ؟؟؟

يعني الحين ماكل هم نقلة الببغاء يلي بشتريه من الرياض الى بكين :(

في نصائح

[ريـــم]

^
^

طيب ماتقدر تشتري طير من بكين ؟

مالك الا طريقة ابو محمد من وجهة نظري :)

[بندولة حب]

موضوع غايه باالأهميه لي رجعه

[ريـــم]

بندولة ننتظرك :)

[كازويا]

يعطيك العافيه اختي على الموضوووع
بنسبه لي انا الف الثلاث الجوانب و فوق القفص ببطانيه او فوطه دافيه و اخلي وجه القفص نصها مسكره من البطانيه والنص الثاني مفتووح لتنفس
وفي جنب القفص دفاية زيت شغاله على طول 24 ساعة

[alkanderi]

يعطيكم العافيه
موضوع مهم جدا
انا ايام طائري الكاسكو كان في الصالة (غرفة المعيشه)وبطبيعتها دافيه الغرفه
واعتقد انه نفس الفكره راح تكون مع طيري الجديد روبي + فكرة بومحمد الطربال
وشكر خاص للاخت ريم لانه موضوع جدا مهم

[الوحيييد]

موضووووع خطيييييييييير ابي اعرف من وين جاااااااااااتك الفكرةةةة
على العمووووم انا عندي بط ايش اسوي مع انه في حوش بس علموووووني <<<< بلييييييييييز

[صمت111]

السلام عليكم ورحمه الله وبركاته

نشكر صاحبه الموضوع على ماتم طرحه وكانت هناك بعض الردود المفيده ولكن مازلنا نطمح للردود من اهل الاحتراف والخبره
وسوف اعرض لكم بعض الاقتراحات هنا لعل وعسى تكون مفيده حيث ان الطيور من ذوات الدم الحار التي تحافظ على حرارتها :

1- يوجد هناك بعض الادويه والفيتامينات المتواجده في مراكز بيع الطيور تفيد الطير في الحفاظ على حرارته او بمعنى تعطيه الطاقه لمقاومه البرد

2- في حال وجود محميه للطيور (صندقه- قفص كبير ) يكون اما بإقفالها من الاربع جهات بــ قطع خشبيه (بليوت) او بطربال بلاستيكي او صوفي (فكره ابو محمد) ومع الأخذ بالإعتبار ترك تهويه مناسبه للقفص.

3- هناك طريقه اخرى لتغطيه القفص وهو (بصف سعف النخل) على جهات القفص او الصندقه (طبعا الاحجام الكبيره).

4-الاكل فزياده الماكولات التي تحتوي على الكاربوهيدرات كفيل بزايدة الاحتراق وانتاج الطاقه في اي جسم
مثل . . الرز المسلوق والبطاطا المسلوقه

5- الزنجبيل مثل ماتم ذكره في مواضيع متعدده حيث انه يساعد على انتاج الطاقه لدى الطائر .

6- المتابعه الدائمه للطيور في فصل الشتاء وابعاد الطيور المصابه بأي مرض خاصه (التنفسيه*) بذلك تضمن عدم تضرر المجموعه كامله

7- هناك طريقه لم استخدمها من قبل وهي كالتالي جلب (لمبه صفراء المسماه الكوع) (التي توضع على بيوت المتزوجين :) ) ويتم تلوينها بلون غامق اسود بحيث تختفي إضائتها ويتم تركيبها بحسب العدد المرغوب ويتم تشغيلها ليلا حيث انها تعطي حراره لا بأس بها ولكن تكمن الخطوره هنا في ملامسه الطائر لها او انفجار اللمبه وانكشاف الكهرباء التي قد تلامس الطير (لذلك انا طرحت الفكره فقط ولكن انا لا أنصح بها*)

وفي الاخير تقبلوا تحياتي

[ريـــم]

كازويا

بطانيه ودفاية زيت هذا اللي حاطته ببالي لطيري وان شاء الله يمر هالبرد بسلآم






alkanderi

حلو اذا كانت الصاله دافيه و داخليه
تشكر على مرورك







الوحيد

ان شاء الله تستفيد
شاكره لمرورك






صمت

ماشاء الله عليك
كفيت ووفيت
الله يعطيك العافيه .. ماقصرت

[ريـــم]

الذين يشاهدون محتوى الموضوع الآن : 3 ( الأعضاء 3 والزوار 0)
‏ريـــم (http://www.2zoo.com/vb/member.php?u=32146), ‏الادارة (http://www.2zoo.com/vb/member.php?u=1) <--- جت الحكومه انحاشووووو :wao:




:D

[الادارة]

ههههههه لا لا تخافو بس بأشيك عليكم من المخالفات :wao: ولقيت الامن مستتب والحمد الله :12:
والموضوع نفسه ماشاء الله مهم وقرأته كله وماشاء الله المعلومات اللي فيه مفيدة و مهمة
الله يعطيكم العافية ودمتم في سلام :freind:

الادارة;)

[مجنون الامازون]

ما شاء الله تبارك الله .. موضوع جدا مميز اختي ريم الله يعطيكي العافية .. طبعا الاخوان ما قصروا .. طبعا احنى اهل جدة الفصول الاربعة كالتالي:

11 شهر صيف.
اسبوع خريف.
اسبوع شتاء.
اسبوع ربيع.

وهكذا ..

:12: :12: :12: :12: :12: :12: :12:

[wal___eed]

الطربال بالمره ممتاز استخدمه قبل سنتين للكاسكو حقي الي جلس عندي سنتين بعدها مات

شريته في شتاء السنه الاولى وشريته في شتاء السنه الثانيه ومايمديه يخلص الشتاء الا وهو مقطع ابو جده

بس والله افادني كثير وموت طير كان بسبب اني عطيته مويه ولا انتبهت وكانت بارده في الشتاء وبعدها مرض مانتبهت له ومافاد فيه العلاج

الي عنده برد لايفكر الا بالطربال بالمره ممتاز وسلامتكم

[weko]

انا عن نفسي لي تجهيزات خاصه من خوفي عليه ومن شده البرد

[weko]

^
^

طيب ماتقدر تشتري طير من بكين ؟

مالك الا طريقة ابو محمد من وجهة نظري :)

صراحه ببكين اغلى من هنا لانه افريقي ،،، و يلي بيصير كالتالي

من البيت للمطار وبحطه في قفص قوي وهم يهتمون بالباقي وبس اوصل بفك الطربال يلي ما ادري وين يبيعوه وبركبه وبركض في للسياره وبوصل البيت يلي بيكون ان شاء الله دافي لان الجدران عندنا تطلع حراره

[ريـــم]

ههههههه لا لا تخافو بس بأشيك عليكم من المخالفات :wao: ولقيت الامن مستتب والحمد الله :12:


والله رابطين حزام الأمان :D
مشكورين حضرة جنابكم على المرور :)





مجنون الأمازون


احنى اهل جدة الفصول الاربعة كالتالي:

11 شهر صيف.
اسبوع خريف.
اسبوع شتاء.
اسبوع ربيع.




اهنيكم على هالأجواء :freind:
و جده كل شي فيها حلو :)
اشكرك على مرورك ..







وليـــد

حياك ربي
عزمت اشتري الطربال بعد مدحكم له :freind:
شاكره لإفادتك و تشرفت بمرورك :o






weko

ان شاء الله توصل بالسلامه :)

[weko]

الله يسلمك

ويعطيك العافيه على الموضوع