مشكلتي مع كوكتيلي

[psp4000]

مشكلتي ان قبل شهر عطاني شخص اعرفة كوكتيل هو بنفسه مربنه وهو صغير ويوم كبر عطاني اياه بس لين بغيت اطلعه من القفص يهرب مني وما يركب على يدي




أبغي أعرف شنو المشكله بالضبط وكم يوم بتصير او شنو الطريقة



تحياتي

[خبيرهـ الحيوانات]

امممممم المشكلة واضحة ...
اكيد هو مب متعود عليكـ ..
يمكن متعوود على صاحبهـ ...
كوكتيلتي ربيتها من يوم ماكانت صغيرة كلهـ تخاف ولو تشوف واحد غريب تخاف وتهرب ..
اذا انت مربي كوكتيل من يوم و اهو صغير اكيد بيتعوود عليكـ ..
بس هالكوكتيل مب متعود عليكـ ...
موفق ..
..
..
..

[psp4000]

مشكورة على ردك

لكن كيف اعوده

[كروانوو]

خله معاك سبوع و لاحد يزعجه بس بدل الماي و الاكل و نضف القفص و تالي بعن سبوع او اكثر انشاء الله يتعود عليك

ارجو اني افدتك

وشكراً تحياتي كروانوو

[psp4000]

مافهمت قصدك لأنه مايرضى يطلع من القفص

[الأسد الملك]

عزيزي

انا رأيي من راي كروانوو

حط الطير بمكان مايجيه الا انت

اوعطه الاكل والمويا لمدة اسبوع

وحاول تقرب منهـ وطلعه برا القفص كانه مقصوص جناحهـ

وحطهـ فوق القفص وحاول تلمسه وتوكله من يدك

بالتوفيق

[psp4000]

مشكورين لكن المشكله اني نصف الوقت بالمدرسة من الساعة

7 صباحاً الى الساعة 1 ظهراً

و ايام اكون مسافر فيها

يعني مو موجود حل ثاني

[psp4000]

؟؟؟؟؟؟؟؟؟؟؟؟؟؟؟؟؟؟؟؟؟

[الأسد الملك]

اخوي تبي طيركـ وكلهـ انت حطله الاكل والمويا

ووكله من يدك

غير كذا مااعتقد فيه حلول

[صمت الأمل]

فيه طريقة انا جربتها مع كوكاتيلي ليمون ونفعت معي الحمدلله ..

أول شيء يكون جناحة مقصوص يكون أسهل وأفضل في التدريب ..

لأنك تبي تدربة ماتبي تنحف من كثر المطارده أنت واياه :D


خله يمشي في أرض الغرفة المغلقة وراح يدور على أي مكان عشان يحاول يحمي نفسه منك .. أنت دورك هنا انك تحاول تخليه يروح للزاويه ويجلس فيها .

أجلس معه شوي في الزاوية ويمكن بيجلس ينفخ عليك ويبدأ يهز ويروح ويجي ((ينقال اني أخوف ))

مد يدك له وحطها قريبة من رجلة . بيحاول ينحاش أو ما يرفى خير شر بس معليش أصبر شوي .

راح يبدأ مفعول فائدة الزاوية:
اذا شاف مافيه مفر منك غير انه يطلع على يدك راح يطلع .. رجعه للقفص وخله يرتاح ويهدأ ..

جرب هالطريقة مرتين لثلاث في اليوم أو على حسب فظوتك وراح يبدأ الكروان تلقائي من يشوف يدك يطلع عليها .


أتمنى أكون أفدتك وراح ننتظر النتيجة وان شاء الله مايصير الا الخير .