التعامل مع الأصلات

[النمر الأبيض]

السلام عليكم ورحمة الله وبركاته
هل يجب أن أخرج الأصلة يوميا لكي ألعب معها حتى لا تكون شرسة
أم عادي كل اسبوع مرة مثلا ما في مشكلة
وما تصير شرسة لأني أخاف أن تكبر و تتوحش

[الآسطورهـ]

اخوي في اصلات شرسه من الاصل

ونادرآ تلقى زيها لكن مو شرسه

زي الاصله الشبكيه .. والانكونــدآ ..

وبالشتآ .. لا تطلعهم ; لآنهم بالبيات الشتوي ..

وبالصيف عادي .. لو تطلعهم كل يوم

لكن مو كل شوي تطلعها ,, كذا تزعجها انت

وكل اسبوع بعد عادي ..

[النمر الأبيض]

أنا قصدي أذا تركتها فترة طويلة من دون ما أطلعها
هل تصبح شرسة
و أنا أتكلم عن الأصلات الهادية بطبعها مثل البورمية والملكية

[الآسطورهـ]

اعتقد ايـه .. خاصه للبورميه

لآنها صارت مع واحد اعرفه

والحين رجع يروضها وصارت زي اول تقريبا ..

اما الملكيه ماعتقد .. لآنها بطبعها خجوله جدا وماتهاجم إلا في ماندر

[الخيّال]

نعم ممكن تصير شرسة ولكن مو شرط تطلعها يوميا ممكن كل يومين او ثلاثة او حسب ما تفضى لكن لا تطول

[LiMiTeD]

الثعابين والافاعي والاصلات بشكل عام لهم طرق سهله لحملها بشكل سليم مهما كان شراستها

والكلام الحين ما يشمل السام منها

اي انسان يقدر يشيل اي اصله مهما كانت شراستها

بالبدايه عامل الخوف يربك من يحملها فيجب بالبدايه زرع الثقه بالنفس

والعامل الاهم عدم ازعاجها بالحمل بما معناه لا تشيلها من الذيل او جهة الراس

شيلها من المنتصف واذا كانت منتبه عليك وزاد عليك عامل الخوف تقدر تجيب هوك او عصى إلخ...

تخليها بجهة الراس بس مو تضغط على راسها بس تخليه جهة الراس حتى لو لا سمح الله ان تهجم عليك يكون في حاجز الي اهو العصى

ومن تشيلها يكون الوضع طبيعي

ومن اسباب الهجوم عند فتح غطا الحوض (وهذا شي نادر من الاصلات المنتجه من المزارع غير المصيوده)

انك تفتح الغطا وتعطيها الاكل وتصكره فتعتاد ان فتح الغطا يكون للفريسه فقط وطبعا يوجد اسباب اخر وكثيره لكن هذا الدارج اكثر

وان شاءالله تكون الفكره وصلت للجميع

[النمر الأبيض]

مشكورين والله يعطيكم ألف عافية

[hellboy]

الشكر للكل على الاجوبــــــــــــــــة
وانا بقول لك با ختصار: الاصلات او البواءت ان انت ما شكلت عليها خطر ماراح تهاجمك والشي الثاني انك تبتعد عن طعامها اذا جيت تطعمها ولا تعود الاصله اطعامها من محل واحد لانها تركز على المحيط الي جاء منه الطعام وكل مايجي شي من ذاك المكان تعتبره فريســـــة..

[النمر الأبيض]

مشكور اخوي هيل بوي والله يعطيك العافية