ساعدوني الله يحرم وجهكم عن النار ..

[تاج المحبة]

السلام عليكم ورحمة الله وبركاته

عــــــــــــــــاجل ....!!!!


انا نقلت من بيت لبيت ثاني وقطي جاته حالة عصبية وصاير يعض ويصيح

ايش اسوي معاه

يا أهل الخبرة تكفوووون لا تخلوني

[sisi_moon]

هلا اخـــتي / أخـــوي

لا عــادي وضعه ترا ..

جدا طبيعي انه تنقلب حـالته

لان القطط تتعود عالمكــان اكثر من الأشخـاص

فـ لمــا يتغير عليهم المكـــان يتوترون شوي في البدايه وبعدييين يرجعــون تمــــــــــام زي قبل

:)

وبالتوووفيق

[آنـــــو]

القطط من طبعها ما تحب التغيير وروتينيه ..

آول حاجه المفروض تسوينها لما تدخلون البيت الجديد تحطين قطوك بغرفه لحاله كم يوم
فيه جميع آغراضه اللي متعود عليها من الليتر وصحن المويه والأكل .. والليتر (اللي هو ترابه ) لاتغيرينه خليه مثل ماهو
ولا تشترين نوعيه جديده فـ خليك على القديم بالبدايه شويه ..

وبرضو تحطين عنده شي فيه ريحته لآن القطط شمها قوووي آقوى مننا بـ15 مره ,, وتميز الروايح
مثل بطانيه آو سريره اللي متعود ينام عليه فيه ريحته وريحه من مكانه القديم
والريحه راح تأثر فيه وتهديه وتطمنه ويحس بآمان آكثر

وآنتي برضو لازم تجلسين معاه وتكلمينه بشويش وتهدينه وتنادين بآسمه آى كلمه ونبره متعووود عليها
حتى يعرف آن صاحبه معاه ويتطمن ,, ولعبيه شويتين حتى ينسى وضعه ..

وآبعدي عنه آي آزعاج وضوضاء بالوقت الحالي ..

والعض ماعليه خليك صبووره ولاتقابلين العضه بتعنيف شديد آو صررراخ لآن راح يزيد الطين بله ..
قولي له (لا) بنبره صارمه وحازمه وآبتعدي عنه ولا تناظرين فيه ..

وكلها مسألة وقت ويتأقلم آن شاءالله ويهدا ..

وهلا بك