الى الاخ سمسار

[سهم الغرام]

الى اهل الخبرة انا عندي الكاسيكو جامبو صارله عندي السبوعين وعمرة سنتان ومقصوص الجناح والقفص فيه الستاند من الاعلا ودايمن مفتوح له القفص اليف جداً ويتكلم بس مايطلع على اليد ولا ياكل من اليد و في يوم جاء اطفال الى المنزل وخوفو الطير بشده وبعده صار يعض مع انه من جبته ما عضني ابد بلعكس كنت احط صبعي في بوزه يلعب معاي وكلشي والحين عادي يتكلم ويصفر ويلعب بس يعض افيدونا وشكراً ..............

[|| كــروآن ||]

يآخـوي .. هالـ مشكله مرّت كل مربّين الطيور ..

و المشكله الأطفآل يحبو يشوفو طيور و يحويون بالبيت لين يلقوهن و اذا لقوه يفيخوه ..!

___________


خل سبوع كآآآمل على طول خلّه ويآك بالغرفه ولا يمّك احد وشيل عنه الأكل لين بيكون جايع وحاول تعطيه .. حتى لو مآخذ منك ولا وحده تالي بيعرف انك انت اللي بتوكله تالي بيحتاج لك كثير .. ويضطر ياكل منك ثم يشعر بالأمآن انك مآرآح تسوّي له شيئ .. انشاء الله أفدتك


إي مشكله احنا حآضرين

[eaglesa38]

عزيزي عدة اسباب تجعل الطائر لا يجي على اليد
اولها التعود من الصغر لا تجد المربي يرغب الطير للركوب على اليد
ثانيا اهمال الطائر لفترة طويلة
ثالثا الاطفال والازعاج الي يسببوه لطائر مما تجعله حذر ويخاف من اليد
لان الطفل يمد يده لطير ويسحبها وهذا خطأ
رابعا ترك الطير بالقفص فترة طويلة تجعله يمل واذا خرج يفضل ان يكون حر ولا يحب ان يقيد
خامسا عدم اتباع الاساليب لتغذية الطير باليد
الان عزيزي اتبع الاتي
جوع الطير عشر ساعات مع وجود الماء فقط ابعد عنه الاكل
وبعد ذلك حاول تطعمه بيدك
طبعا بياخذ الاكل ويرميه استمر معاه
اذا بدأ ياكل من يدك قرب الاكل عنده بعيد شوي وحاول تخلي يدك الثانية قرب رجوله من شان يركب على يدك ويقرب للاكل الي باليد الثانية
وحاول ايضا ان تقرب يدك عند رجوله مع دفعه واجباره على الركوب على يدك
يمكن يطير او يقفز بعيد لا تكون عنيف معاه

هذه صورة لطيري على يد ولدي ويطعمه بيده
عمر ولدي ثلاث سنوات وكل يوم يقول اريد الطير على يدي

http://up4.m5zn.com/9bjndthcm6y53q1w0kvpz47xgs82rf/2009/11/23/12/2rrcgjqvr.jpg (http://www.tobikat.com)

http://up4.m5zn.com/9bjndthcm6y53q1w0kvpz47xgs82rf/2009/11/23/12/gv8y8rrtz.jpg (http://www.tobikat.com)

http://up4.m5zn.com/9bjndthcm6y53q1w0kvpz47xgs82rf/2009/11/23/12/4b864770q.jpg (http://www.tobikat.com)

تقبل تحياتي

[سياره بدون مكيف]

اخوي ماخلى شي ماشالله ماقصررررررررررررررررررررررر معاك وطريقته اكيد انها بتنجح معاك انشالله

وبالتووفيق

[ابو محمــد]

جوع الطير عشر ساعات مع وجود الماء فقط ابعد عنه الاكل


لا تجوع الطير اكثر من ثلاث ساعات .

[راينو]

الاخوان ما قصروا بس احذر من كثرة التجويع
و ان شاء الله تروضه و ترجعه افضل من اول

[سهم الغرام]

مشكورين جميعاً على النصائح القيمة والله لا يحرمنا من الستشارتكم ،،،،،،،،،،،،،،،،،،،،،،،،،،،،،،،،،،،،

[alkanderi]

ما اشاء الله
المحترفين ما قصروا
وطبعا انا نفس المشكله اعاني من الاطفال والمشكله الاكبر انها كانت تحب الاطفال بشكل كبيير وتلحقهم من مكان الى مكان بس الحين اقربون يم القفص تتهجم عليهم اهي واطلع صوت تقول اسد مو بغبغاء
وانا مع الاخ بومحمد لا تجوعه 10 ساعات وااايد وانا عن نفسي كنت احرم من الاكله المفضله وهو الحب الشمسي والفول السوداني وشوي شوي مع الايام تضبط الامور.
لو افيدونا اصحاب الخبره ونزلون موضوع عن الببغاء والاطفال