بليييز الي يعرف للببغاء الرمادي اتمنى يساعدني...

[بنت الكويت]

مرحبا..انا عضوه جديده بهذا المنتدى الرائع و اتمنى منكم انه تساعدوني لاني زهقت عمري من الكاسكو (لونه رمادي) ومو قاده اخليه يركب على ايدي .. انا لمن شريته قال لي البائع انه عمره 8 اشهر و الحين صارله عندي اربع اشهر من شريته اول ما يبته البيت كان يطلع صوت مو حلو بس يوعته مده لفتره وصلت لي 8 ساعات تالي قام ياكل من ايدي و لمن طلعته من القفص قام يطير و خفت انه يعظني تالي وديته المحل و قص من ريشه شوي و الحين ما يطير بس يقول بعد سنه يطلع الريش و لاحظت فيه شي انه من يقربون خواتي منه يكش ريشه بس انا الوحيده بالبيت لو اقرب منه ما يكش و لمن طلعته برا القفص من اعطيه اكل يحطه بمنقاره و يقطه و حاولت اني امسح على راسه او جناحه بس كل ما احط ايدي ينزل راسه للارض و قربت شوي شوي تالي عظني بسرعه مفاجئه و بسرعه وخر منقاره و مرات احطله عصايه عشان يركب عليها بس يعظهاما يركب ...


و عندي مشكله ثانيه اهي اني شريت له فيتامينات من سوق الطيور لكن من احطله ما ياكلهم مادري ليش و اشوفه كله يطيح منه ريش فهل يوجد حل...


اتمنى انه تلقون لي حل و على فكره انا مره كنت بمسكه و لبست دسوس على ايدي عشان ما يعظني بس مادري ليش يكش ريشه لمن يشوفني البسه و انا سمعت انه في دسوس خاص للببغاء الرمادي فهل هذا صحيح او لا..؟؟
و اعذروني راح اتعبكم معاي شوي و مشكورين مقدما

اختكم بالله ساره(:

[asadyya]

أخت سارة مرحباً بك

بالنسبة للرمادي اللذي لديك انا أرى من خلال عرضك أنه في تطور جيد حيث توقف الصراخ وتعوده عليك أنتي فقط أما من ناحية الأكل من اليد فقد يتطلب الأمر إبعاد الأكل عنه لمدة معينة تقدرينها أنتي هذا إذا كانت صحتة جيدة أي أن عظمة الصدر غير بارزة بشكل كبير ثم بعد ذلك تحاولين إطعامة من يدك بالأكل الذي ترينه يفضله أكثر وكذلك بهذه الطريقة يمكن تعويده على الصعود على اليد... أما القفازات"الدسوس" فمعظم الطيور تخشاها وكما رأيتي معه نفش الريش تعبيراً عن خوفه وترقبة وإستعاده للدفاع وسقوط الريش يعتبر طبيعي مالم يكن نتيجة قضمة له.
وبالنسبة للعمر فيفترض أن يكون لون العين المحيط بالبؤبؤ الأسود رمادي
والنصيحة هي الإستمرار بملاطفته بمناداته بأسمه ومحادثته بصوت هادىء وملاحظة عدم وجود آخرين معك أو حدوث ضوضاء جانبية أو تحركات تخيفه والصبر الصبر وعدم الملل وتكرار المحاولات لأكثر من مرة.

وكل هذه المعلومات أخذتها من هذا المنتدى الطيب والإخوان ما يقصرون بالتصحيح أو الإضافة

ودمتم جميعاً

[grey parrot]

السلام عليكم
مرحبا بك يا أختي ساره
و بالنسبه للكاسكو انا ما راح اضيف اشياء وايد على كلام الأخ asadyya يمكن يكون وفى بالجواب و لكن اود ان اقول بأن الكاسكو حاليا حسب وصفج اشوي ماخذ موقف منج اولا ان قاعد يجبر بالصعود على الايد .... ثانيا الكاسكو يعيش حالة رعب من القفازات و لا أنصح باستخدامها نهائيا حسب تجاربي ... و حركة ان يقط الاكل يبين ان زعلان
هذا الحيوان يحتاج الى بال طويل و صبر من ناحية التدريب ... يعني ما تقدرين اتعلمينه ان يصعد على الايد و ياكل من ايدج و حركات عديده في نفس الوقت
خليج على الراحه و اشوي و اشوي اولا خليه يطمئن تماما من الاكل من ايدج يمكن يقطها مره مرتين ثلاث و لكن انتي لاطفيه و عبريله عن مدى اهتمامج فيه و حب التقرب له الى يبدى ياكل منج باطمئنان بعدها بأيام فتحي عليه القفص و حاولي انج تعطينه الاكل من داخل و اشوي اشوي مسحي على منقاره .. في البدايه راح اتحسين ان راح يعضج لمن اييب منقاره صوب ايدج لا تخافين ... استمري .. هالحركه الكاسكو يسويها دائما عشان يشوف هالشي الغريب اللي دش عليه آمن ولا غير آمن فيمسكه ابمنقاره مسكه خفيفه ... اذا ما عندج الجرأه ان تسوين هالحركه و في احتمال انج اتسحبين ايدج فلا اتسوينها نهائيا لان من اتسحبين ايدج ابسرعه راح اتخربين التدريب كله لان من انتي تخافين و تسحبين ايدج اهو يخاف اكثر منج و اكرر لا تستخدمين القفازات نهائيا .. لان احيانا الكاسكو يزعل من موقف معين و يتم يكره هذا الشخص خلاص
و اكو احتمال وارد ان يكون جنس الكاسكو اللي عندج (( انثى )) فإذا كان انثى فــ 80 % من انثى الكاسكو تكره التعامل مع النساء دائما تميل للرجال و العكس صحيح
هذا من جانب من جانب آخر
لا تتعدى فترة تدريب او محاولاتج مع الكاسكو اكثر من 40 دقيقه بالكثير ساعه عشان لا يفقد التركيز و يتعكر مزاجه بعدين ما يقبل منج أي شي

نتمنى ان نكون قد افدناكم
و بالتوفيق ان شاء الله

[بنت الكويت]

مشكورين اخواني
asadyya
و
grey parrot

على المشاركات الي افادتني

و على فكره انا اليوم شفت الخادمه تمسح على الكاسكو اول شي عظها تالي كملت مسحت شوي شوي بس هم يكش و طريقه اني احطله ايدي فهذي صعبه لاني اخاف منه شوي لانه اول ما احط ايدي راح يعظني على حسب علمي انه الببغاء الي عندي (انثى) اتوقع بس ماني متاكده لانه ولد عمي عنده كاسكو بس صوته مو حلو خشن و صرخته تبط الراس اما الي عندي صرخته شوي حاده اكثر و تصفيره حلو فيمكن يكون انثى بس مو متاكده...و ابي اسئل انا ببغائي عمره تقريبا على ما اعتقد الحين سنه واحده و ليلحين ما يتكلم فهل ما راح يتكلم على طول؟؟ مع العلم اني قبل يومين كان يطلع اصوات و كل ما يطلع صوت انا اقلده و شكله استانس على هذي الحركه و قام يطلع اصوات يديده و اصوات صعبه عشان يبي يلخبطني فهل في امل يتكلم او لا لانه عمره صار سنه و ليلحين ما قال ولا كلمه بس تصفير و شكرا (:

[grey parrot]

ما زال في أمل أن يتكلم ... العمر موشرط احيانا اعمار كبيره و لكن درجة الذكاء عندها عاليه و ما زالت تستقبل ... و عمر السنه ما زال في امل كبير أن يتكلم
ولكن ركزي على كلمه وحده فقط و لمن ينطقها انتقلي للثانيه لا تقولين اربع خمس كلمات مره وحده لان بهالطريقه ما راح يستوعب
و بالنسبه لصوته , جنس الكاسكو اذا ذكر ام أنثى ما ينعرف عن طريق الصوت اذا حاد ام ناعم ام خشن هذي طبيعة اصوات الجنس يعرف عن طريق تحليل الدم او من يعرف أوصافه من خلال الجناح و العين و الجسم و اذا كانت الصوره متوفره ليدك أستطيع تحديد جنسه

و حياك الله

[أفريقي]

مشاء الله كل ألي ابي أقوووووله قااااالوه الأخواااااااان

[هيبه اسد]

واناااااااااااااا ببببببععععععععد!!!!!

[انا الضحك كله]

يارب تكوني استفدتي

[الببغاء الافريقي]

اكو احتمال وارد ان يكون جنس الكاسكو اللي عندج (( انثى )) فإذا كان انثى فــ 80 % من انثى الكاسكو تكره التعامل مع النساء دائما تميل للرجال و العكس صحيح


اخوي هذا مو مقياس وهذا عذر يعتذر به من فشل في التعامل مع الببغاء الي عنده

[abood alsagaby]

الموضوع قديم
ارجو من الاخوة الانتباه وعند قرائة المواضيع القديم الرجاء الانتباه الى التاريخ قبل الرد على الموضوع