حصلت كوكتيل (أمريكي) شرايكم اشتري ؟؟

[^موج البحر^]

السلام عليكم

حصلت اليوم في محل الطيور كوكتيل(ذكر) لحالة في قفص وعجبني مره شي خيالي لونه ابيض صافي وحجمه ضخم يعني شكله له هيبه ..

سألت راعي المحل قالي انه أمريكي بس استغربت اول مره اسمع في كوكتيل امريكي بس انا الان متحير

تنصجوني اخذه ؟؟؟ وسعره 300 ريال لحاله ؟؟؟

بس شرايكم هل هذا سعره وهل هو رخيص ؟؟

وابغى انتج فيه ويشرايكم ؟؟؟


طبعا ً الطير في الشرقية وشرايكم ياشباب ؟؟؟

[iCare]

ما في كروان امريكي , هذا بس مسمى من راس البايع يمكن اول مرة يجيه كروان ابيض قال خلنا نسميه امريكي

اما الحجم الضخم فشلون ضخم ؟

و بأي محل هالطير ؟ لو قريب نروح نشوف الامريكي ^_* يمكن شي جديد و احنا ما ندري

بالتوفيق

[Only_me]

غلطام يالاخ مافي كوكتيل امريكي

قصدك كوكاتو امريكي

[^موج البحر^]

والله انا مصدقت بس سألته اكثر من مره

بس تصدق عاد اسم المحل ما اعرفة بس عند مطعم النوخذة في المحمدية كان عرفته مر عليه وشوف بس لاتاخذة انا ابغى اشتريه هههههههههههههه
بس شوفه اول وقولي رايك فيه

[مـغرد]

اعتقد ان نوعه البينو اذا كان ابيض صافي من دون خدود برتقالية .
تحية

[^موج البحر^]

نفس هذا
http://www.canaryfans.com/upload/05_07/16m.jpg

طيب الحين عرفنا انه مش امريكي

طيب هل سعرة مناسب

[مـغرد]

اخي هذا البينو نعم سعره مناسب واحيانا يوصل سعره فوق 500 ريال اكيد على حسب التدريب .
تحية .

[صاحب المعالي]

خخخ شباب يمكن ولاده امريكيه مو عربي هع عادي يعني ..

بس يقول ليه هيبه ده لابس بشت ؟ والله تحمسنا لصوره ككك

اشتره خوك وصوره بنشوفه بس اهمشي سليم

[خبيرهـ الحيوانات]

وعليكم السلام ..
بالنسبة لي سعر 300 ريال وايد
بس اهم شي تأكد على صحتة ..
موفقـ ..
..
..
..

[iCare]

خلاص روح اشتريه و صوره لنا ... و لو حجمه ضخم على قولتك اعتقد سعره مناسب

[خبيرهـ الحيوانات]

انا كوكتيلتي كيوي اللي ماتت شريتها بـ 129 ..
كاسرهـ لين ماينزل لكـ السعر ..
يعطيكـ العافيهـ ..
..
..
..

[علي الطير]

اي هذا محل خالي اسمه السمكه الذهبيه قصه اهو كروان بيانو هههههههههههههههههه

[سلطان الاحساء]

اشتريه وربي يبارك لك فية

[الأسد الملك]

عزيزي تفقد الطير قبل تشتريه :)

يمكن يكون مريض ولا شي

واذا سليم مبروك عليك الطير وسعرهـ مناسب جداً

بالتوفيق :)

[الطائر الغامض]

صح كلام الاخوة مافي كوكاتيل امريكي يمكن نوع جديد
ههههه
والسعر300مو غالي بالنسبة للالبينوبالعكس 100%100
لانو الالبينو صح يوصل 500

[iCare]

رحت المحل و كان الطير انباع ...

و اللي يبيعون بالمحل هنود ما يدرون وين الله قاطهم سألتهم عن الطير الامريكي و ايش الفرق بينه و بين غيره قال لي الامريكي احسن من الباكستاني .... و هذا الفرق ... هع

و يا صاحب الموضوع انت اللي شريت الطير و الا ؟