اشتريت كاسكو وابتلشت

[almer]

السلام عليكم يا اخوان
متابع للمنتدى صارلى اسبوعين واخيرا سجلت فيه وتشرفت بان اكون احد اعضاء المنتدى اللى
من خلال متابعتى وجدت الاخوان وخصوصا الذين لديهم خبره دائما يشرحون ويحاولون نشر المعلومات ليسفيد الجميع والحقيقه انا معجب بعطاء الشباب واخلاصهم للهواية الطيبة.

المختصر المفيد اشتريت كاسكو عمره اكثر من اربع سنوات وهو متوحش بل اكاد ان اجزم بانه اسد متنكر بهيئة كاسكو .... الفاس وقع بالراس شسوى يا اخوان .. بيع مانى بايعه لو يجيب ربح دبل
والصراحه مشتريه بسعر رخيص جدا لكن ما توقعت بان الكاسكو اذا كان متوحش يكون بالطريقه هذه.

اريد حلا .. اريد طريقه لترويض مثل هذا الوحش وشكرا جزيلا مقدما

[عسولي]

انصحك بان تستغني عنه

وتاخذ لك فرخ وتروضه

او انك تاخذ طير جاهزاليف ويتكلم

الله يوفقك

تقبل مروري

[ProOoF]

حياك الله وبين ربعك وأخوانك

مافي شيء مستحيل ,, لكن بهالعمر صعب

طالما متمسك فيه , حاول وبتتعلم من هالتجربه الشيء الكثير

وطول بالك

0000000000000

بالتوفي ,

[عاشق الكاسيكو111]

بعه وشتر غيره
:shy::shy::shy::shy::shy:

[مجنون فلته]

لاتبيعه ولاتسوي له اي شي

خله فتره طويله شوي بروحه غير له الأكل والماء لمدة اسبوعين بدون ماتطلعه من القفص

وبعدها طلعة يوميا من القفص لمدة نص ساعه

واذا على التدريب راح يطول بس بنفس الوقت راح تتعلم اشلون تتعامل مع الكاسيكو

واذا تدرب شوفه اشلون راح يصير

وشوف اشلون انت تعلمت من هالتجربه

[مجنون الامازون]

تابع مواضيع الاخوة المحترفين (ابو محــمد + سكر) وما راح تندم ..

[almer]

بعض الردود تسبب الاحباط
عموما المسأله صارت تحدى بينى وبين نفسى
بخليه عندى بكل الاحوال واللى بالجدر يطلعه الملاس
:12:
مشكورين على المرور وتجاوبكم معاى من اول مشاركه لى

[سلطان الاحساء]

الله يكون بعونك بصراحه انااخاف من عضتهم

[alwahaj]

الحيوانات المتوحشه يصيدونها ويروضونها

كيف الكاسكو الطير الذكي والمحب للانسان ؟

اخوي تحتاج للصبر والوقت والمثابره واتوقع راح تكون هناك نتيجه طيبه

تقبل مروري

[yasserالكاسر]

اخووي اسمع كلامي ونصيحة مجرب...
في موضوع للاخ سمسار بقسم الببغاوات العام..
وشوف الخطوات ونفذها وصدقني راح يولف عليك..اهم شي طبق الخطوااات بالتمام..واهم من ذا كله الصبر ..
والله يوفقك وعمره باقي صغيـــــر انا استغرب من كلام الاخوان ...علما ان عمرها تصل الى فوق 60 سنه واكثر ..يعني طيرك يعتبر نونو..هههههه

[ابو محمــد]

وعليكم السلام ورحمة اللة وبركاتة

حياك اللة وبياك في منتداك تو زوو وبين اخوانك واحبائك,,

اخوي almer يعجبني فيك الاصرار والتمسك في الكاسكو واعتقد ان الكاسكو اللي عندك هولندي بما انك تعرف عمره واذا في صوه له يكون احسن,,

ما في شيء اسمه ما يتعلم اذا اسود متوحشه دربوها فما بالك بطير ذكي وله شعبيه كبيره وشريحه كبيره في الدول المتقدمه واثبت الدراسات ان الطائر سواء صغير او كبير اذا ارتاح للبيئه الجديده وللمربي راح يبدع ,,

شوف عندي لك خطوات مبدئية تقدر تستفيد منها في تربيه الكاسكو وانا متأكد راح تنجح في تدريبه

مجموعة الرمادي في قسم التدريب صفحه 6

http://www.2zoo.com/vb/group.php?do=discuss&discussionid=247&pp=10&page=6

[almer]

مشكورين يا اخوانى الكاسر والوهاج وابو محمد ماقصرتوا رفعتوا المعنويات من عقب الاحباط
ومشكور على الرابط الحقيقه مفيد جدا واكرر شكرى لمروركم على الموضوع .

[almer]

حركة يسويها الكاسكو ولا اعرف معناها
وهى اثناء اقترابى من القفص باى حال من الاحوال
لاحظت انه ينظر لى بتركيز وينحنى باتجاهى وكأنه يريد
ان يفاجئنى بالهجوم وعندما تمتد رقبته الى اقصى حد
ويميل جسمه الى ادنى نقطه اسمع يعمل صوت (تك)
بنبرة قوية ومن ثم يعود على وضعه السابق .
اكيد مرت عليكم هالحركة فسروها لى اذا امكنكم ذلك
ومشكورين مقدما

["مجرد علامة"]

بل اكاد ان اجزم بانه اسد متنكر بهيئة كاسكو

هههههههههههههههههههههههههههههه

السلام عليكم ورحمة الله

حياك الله اخوي بين ربعك واخوانك

أنا اتوقع انك راح تنجح في هالتجربة وراح نستفيد كلنا من تجربتك

مافيه طير مايتروض

واذا كان الطير كبير فهذا يعني انه مرت عليه فترة اطول ربما واجه فيها تعامل اقل مانقول عنه انه غير مثالي

الكثير من الأعضاء كان عندهم طيور متوحشة ودربوها بطريقة او بأخرى

والناتج يختلف

اتمنى لك التوفيق



يارب عفوك

[بووسلطان]

انا اتفق مع الاخوان استفد من الطير لاتبيع ولاتفرط فيه حاول تروضه هو صعب جدا لكن مش مستحيل لكن مع الوقت راح يبان كل شي واذا حاب يستجيب الطير لك بسرعة جوعه لكن البعض لايؤيد التجويع لكن مع الطيور العنيدة ماينفع الا هالطريقة انا اعرف ناس روضوا طيورهم واصبحوا مثل الكاسكو الهولندي اليف مرة مرة بفضل طريقة التجويع لكن البعض ماينصح بها والامر بالاخير راجع لك بالتوفيق وطول بالك الكاسكو عنيد عنيد بمعنى الكلمة انا شريت طيرين ماقدرت اصبر عليه خخخ

[almer]

حركة يسويها الكاسكو ولا اعرف معناها
وهى اثناء اقترابى من القفص باى حال من الاحوال
لاحظت انه ينظر لى بتركيز وينحنى باتجاهى وكأنه يريد
ان يفاجئنى بالهجوم وعندما تمتد رقبته الى اقصى حد
ويميل جسمه الى ادنى نقطه اسمع يعمل صوت (تك)
بنبرة قوية ومن ثم يعود على وضعه السابق .
اكيد مرت عليكم هالحركة فسروها لى اذا امكنكم ذلك
ومشكورين مقدما

محد جاوب سؤالى :confused:

[زياد محمد]

السلام عليكم يا اخوان
متابع للمنتدى صارلى اسبوعين واخيرا سجلت فيه وتشرفت بان اكون احد اعضاء المنتدى اللى
من خلال متابعتى وجدت الاخوان وخصوصا الذين لديهم خبره دائما يشرحون ويحاولون نشر المعلومات ليسفيد الجميع والحقيقه انا معجب بعطاء الشباب واخلاصهم للهواية الطيبة.

المختصر المفيد اشتريت كاسكو عمره اكثر من اربع سنوات وهو متوحش بل اكاد ان اجزم بانه اسد متنكر بهيئة كاسكو .... الفاس وقع بالراس شسوى يا اخوان .. بيع مانى بايعه لو يجيب ربح دبل
والصراحه مشتريه بسعر رخيص جدا لكن ما توقعت بان الكاسكو اذا كان متوحش يكون بالطريقه هذه.

اريد حلا .. اريد طريقه لترويض مثل هذا الوحش وشكرا جزيلا مقدما

آخوي هلا فيك معنا في منتدآنا الجميل .. والله ياخوي نفس نصَيحة اخوي عسوول
لاتتعب نفسًك دآمه شرس وشريته بريخص زيد عليهم شوية بس وخذلك شي اليف
تتفاهم معه ..؟ انا ثلاث طيوور توهقت فيهم واخير ا الرآبع معي والحمدالله وليف ويتكلم
وكل شي ماشاءالله عليه هههههه وبالتوفيق او انك تصبر عليه وتتحمل القلق حقه
لانك بتنطرد من البيت اذا في ناس وحريم ههههههه خخخخخخ:freind:

[مجنون الكاسيكو]

ياخي كان شريت كاسيكو صغير افريقي والله مافي احلى منهم طيبين تأكلهم بيدك عادي وتحسس ع راسه

[almer]

ياخي كان شريت كاسيكو صغير افريقي والله مافي احلى منهم طيبين تأكلهم بيدك عادي وتحسس ع راسه

لاتلومنى ترى اشتريته بسعر رخيص حيل ما قدرت اطوفه .. صار اللى صار
والحين صارت تحدى ومعاند يتروض يعنى يتروض اما حياة تسر الصديق اما
ممات يغيـــض العداااا يا انا ياهو اما اروضه ولا يروضنى ما فى حل وسط :12:

[naasooh]

شوف هالرابط راح يفيدك

http://www.2zoo.com/vb/showthread.php?t=110761

[almer]

باركولى الطير استسلم ورفع الراية البيضاء خلال 16 يوم فقط :88:

[خطاب العتيبي]

مبروووووك الف الف مبروووك بس ياليت تعلمنى كيف روضتة من طق طق الى السلام عليكم

ياليت تكتب تجربتك لانك بصراحة مبدع لان طيرك كبير ومتوحش وروضتة

[الصـ أثير ـمت]

أنا من رأيي أنك تستغني عنه زي ما قالو الأخوان بس إذا أنت مصصم الله يعينك بس راح تستفيد راح تصير عندك خبرة أنا جلست أروض طير سنة كاملة كان كبير شوي خلاني أكره شئ أسمه كاسكو وبعد تعب السنة كل إلي قدرت أني أسويه أنه يجي على يدي لاكن يعض إذا غفلت عنه ولا سمعته ينطق بكلمة وحدة أظاهر كان أطرم وأخرتها بعته وشريت درة حلوة إلي أنت شايفه في الصورة بس ماتت بعد 5 سنوات حلوة ومره عشتها معها

[الصـ أثير ـمت]

والله شئ حلو مشاء الله عليك شكلك خبير أحسن مني أنا فاشل

[almer]

مبروووووك الف الف مبروووك بس ياليت تعلمنى كيف روضتة من طق طق الى السلام عليكم

ياليت تكتب تجربتك لانك بصراحة مبدع لان طيرك كبير ومتوحش وروضتة

مافيها لاطقطق ولا حاجه :12:

القصه ومافيها طال عمرك اشتريته وانا ما اعرف اى شى عن الطيور عامه
فما بالك بالكاسكو !! اللى حصل انى دشيت المنتدى وقمت اقرى كل شى عن الكاسكو
فهمت شي اساسى وضرورى للكاسكو وهو انه ما يحب البرد ويجب عدم تعريض الطير للتيارات الهوائية البارده + بانى اقوم بوضع الاكل وتنظيف القفص بنفسى عشان يتعود ويعرفنى ..

بعد اليوم ال 12 قمت اشتريت قفازات سميكه مالت صقور وكمها طويل واستلمته
دخلت ايدى للقفص وهو يصارخ وطلعته بالغصب من القفص ومسكته بايدينى الثنتين
وهو فى قمة الرعب والصراخ ... وانا مثل ما يقولون عمك اصمخ وكأنى اسمع محمد عبده باحلى اغانية واتم ماسكه بأيدينى لمدة ساعة اقلب فيه منى ومناك ليمن سكت واستسلم للوضع
وقمت اكرر الطريقه كل يوم ... يوم امسكه 3 ساعات متواصله ما يفلت من ايدى
واليوم الثانى ساعتين واليوم الثالث اربع ساعات وطبعا انا حاسب حسابى انى بقعد وياه هالوقت
لكن اليوم الخامس صارت المفاجأه اول ما دخلت ايدى من باب القفص الطير على طول نزل راسه وصار مثل الحمامه بالضبط ما فى اى مقاومه تذكر نهائيا وترددت انى انزع القفازات خفت يعضنى باى لحظه خصوصا الطير اللى عندى من النوع الكبير سوبر جامبو مثل ما قالولى ومتوحش ....
قمت بدفع الطير الى جانب القفص بايدى اليمين الى ان اللتصق بالشبك الجانبى ونزعت القفاز عن ايدى اليسار وبدأت امسح على جناحه .... طار عقل الطير واستخف وقام يصارخ لانى لمسته بدون قفاز .... وشوى شوى ليمن قدرت انى امسح على راسه ومنقاره بايدينى الثنتين بدون قفازات فى نفس الجلسة ... تخيل مقابله لمدة 5 ساعات متواصله !! بس فى نتيجه حمدالله
بس انا لاحظت ملاحظه شخصية من خلال تجربتى البسيطه وهو
الكاسكو يملك خاصية يستطيع من خلالها ان يشعر بالشخص اذا كان خايف ام لا وعلى هذا الاساس تكون ردة فعله
جرب وخلك جريء ولا تخاف راح تلاحظ انه ينسحب ويخضع والعكس صحيح اذا شعر بانك خائف راح يزيد بالصراخ ويستمتع اذا كان لهذا الصراح نتيجه وهى انك تتركه وتذهب بعيدا عنه ...انتهى
واسف على الاطاله ... وللأخ اللى يقول بيعه اشكرك على المشاركه لكن اسف ما اقدر اطيعك فى نصيحتك بيع ما فى بيع اما حياة تسر الصديق (اللى هو انا ) او ممات يغيض العدااا ما فى حل ثالث :D

[الصـ أثير ـمت]

مشاء الله عليك شكلك بتطلع مروض خطير الله يوفقك عقبال ماتنزل لنا فديو يتكلم فيه

[naasooh]

سرعة الترويض تعتمد على المربي بالدرجه ألاولى وعلى طبع أطير

أما العمر
تجربتي
حتى الأصغار بعضهم يكون متعب بالترويض خاصتا الخواف أو ألي في غدر :angry: تحصله كأنه مروض و فجأه يعضك وماا يرضى يهد صبعك :wao:
و
يالمير زين ماا سويت
شوف هالرابط راح يساعدك بالترويض واغلب ألطيور جربتتها معاهم
بس ألصور اتلغت لأنه قديم
http://www.2zoo.com/vb/showthread.php?t=114781

[almer]

اخر اخبار تجربتى مع الاسد
ابشركم الكاسكو صار حمامة
بعد اربعين يوم بالضبط من الشغل

لكن بديت اشك ان الطير اطرم :)
ابى حلول شلون افك عقدة لسانه ؟

قبل لا تقولون النصيحه ابى اذكركم ان الطير
مصيود من الغابة وعمره حوالى الاربع سنوات