وش الحل في هذي الحالة

[مجوديMJM]

السلام عليكم


عندي جوز زيبرا وكل شي موفرو لهم باضت 4 بيضات في نهايت الشهر مفروض تفقص زادة 5 بيضات عليها وش اسوي في هذي الحاله ارجووو المساعده
:rolleyes:

[اسطوانة غاز]

ابحث عن البيوض الملقحة بوضع المصباح تحتها اذا لقيت فيها أحمر اتركها لأنو النتاية رح تتعب برعاية 9 فراخ توكل على الله

[الغامض]

السلام عليكم ...

شيك على البيض وشوف وشو الملقح من غير الملقح ...

بس لا تتسرع يمكن يكون البيض الجديد يبغا له كم يوم على بال ما يبين معك ..

[m.n.a.n.g.h]

هلا والله اخوي شوف لاتسوي اي شي ابد خلهم على حالهم بس اذا مريت وقت طووويل مره
وما فقس اي شي عاد خلاص شف ملقح او لا
واذا كلهم مو ملقحات
عاد وخرهم وان شاء الله ينتجون غيرهم
((وبالتوفيق))

[محمد جمعة]

كم الوقت بين 4 بيضات و5 بيضات

[مجوديMJM]

جزاكم الله خير ما تقصرون

[محمد جمعة]

تسلم اخي

[ملك الزيبرا]

أخوي لاتعب النثية فى حضان تسع بيضات

بصراحة العدد كبير لأن جسم طير الزيبرا صغير

ومايقدر يحضن تسع بيضات

فأنا أظم صوتي لصوت أخوي أسطوانة غاز

شيك عالبيض وخل كحد أقصى خمس بيضات

وتخلص من الباقي

وإذا تسمع الشور مرة ثانية من تبيض النثية

رقم البيض من واحد إلى خمسة أو أربعه حسب عدد البيض

وفي هالحالة تضمن إذا باضت النثية بيضة بعد أسبوع مثلا تكون

معروفة وماعليها رقم فتتخلص منها

لأنه فترة أسبوع وايد بين فقس بيضة والأخرى لأن نسبة بقاء

الفرخ اللي فقس بعد أسبوع عن آخر فرخ فقس تكون ضئيلة

لأنه حجمة بيكون وايد صغير بالنسبة لأخوانه الثانين فالموت مصيرة 100%

تقبل تحياتي ومروري وآسف عالإطالة

[rkoni_mrm]

انا اقول زي اللي قااالوه بس عندي حل تخله 18 يوم بعدين اذا ما فقس شيله وريح باااااااي



مجودي

[محمد جمعة]

كلام ملك الزيبرا صحيح

[ملك الزيبرا]

انا اقول زي اللي قااالوه بس عندي حل تخله 18 يوم بعدين اذا ما فقس شيله وريح باااااااي



مجودي

أحترامي لك يا خوي rkoni_mrm

بس تخلي نثية تحضن 9 بيضات ولمدة 18 يوم

هذا وايد وإرهاق للنثية

وإذا أنته تفكيرك فى بطن واحد فصدقني هاي النثية

بتكون فى أعياء وما بتقدر تحضن بيض ثاني فى فتره قصيرة

ولا تنسى فى النهاية هاي بهايم ولازم نرحمها وما نتعبها

أنا عن نفسي إذا حضنت النثية وطلعت خمس فروخ ضربة وحدة

أريحها أقل شيء أسبوعين وأعطيها فيتامينات علشان تكون قوية للبطن الجاي

تقبلو تحياتي ومروري وآسف من صاحب الموضوع عالمداخلة

[مجوديMJM]

يسلم ربي قلبكم باسوي زي ما تقولولي