سؤال في الكاسكو لاهل الخبره

[زاهي الكحل]

السلام للجميع


الكاسكو اللي عندي من لون عيونه كبير لان لونها اصفر من اسبوعين اشتريته بس ابد مايتكلم ونادرا لما يصفر هو هادي ممكن امسح عليه مايصرخ ابد بس خايفه مايتكلم لانه ماينطق ادربه بكلمات وصفير بس ابد لاحياة لمن تنادي يقولي الطبيب انه يرجع يتكلم بس يبغاله فتره حتى يتعود صح كلامه انا خايفه انه ابد مايتكلم لان موشايفه ابد نتيجه من محاولاتي ممكن تساعدوني

[eaglesa38]

من خلال خبرتي في الكاسكو اقولك ان هذا النوع حساس كثير
لو تغير مكان تربيته ونقل الى مكان اخر ممكن يجلس فترة من شان يتاقلم ويرجع يتحدث
انتي اذا اشتريتيه مشروط انه يتكلم انتظري عليه فترة وشوفي
واذا الي اشتريتيه منه ما اشترط الكلام فلا اعتقد بيكون سهل عليك تعلمينه الكلام
وبعضهم يتكلم بسرعة اذا تغير مكانه وذلك حسب تأقلمه على الناس
فمثلا طير ما يشوف بشر فقط الي يدربه طبيعي اذا جاء غريب بيسكت ولا بيتكلم
وايضا اذا كان الطير يعيش في بيئة اجتماعية ويتردد على المكان وجوه متجددة تجدين الطير يتكلم عادي

اذا البائع اشترط انه يتكلم ومضت ثلاثة اسابيع على الطير ولا تكلم رجعيه عليه
واسترجعي فلوسك
هذا طبعا اذا اشتريتيه من شخص تعرفينه او ومن محل معروف

والافضل اذا حبيتي تشترين اشتري طير عينه رصاصية
يكون ياكل لوحده ويكون عنده مناعة ضد الامراض
وقابل للترويض وتعليم الكلام
وافضل شيء تشترين طير بحجل يكون تفريخ محلي او هولندي
بيكون مروض تقريبا

ملاحظة:\ في رد على احد المواضيع لاحد الاعضاء يقول ممكن الطير ابو العين الصفراء ان يتكلم


تمنياتي لك بالتوفيق