قطتي عمرها شهرين و بين الحياة و الموت

[Sa3ooD]

السلام عليكم..

أنا عندى قطوة تبلغ من العمر شهرين و هي وايد تحب تلعب و حبوبة و الكل يحبها خاصة الأطفال

..لكن اليوم الظهر فجأة و بدون

أي سابق إنذار دخلت عليها ولا أشوفها طايحة على بطنها و تتألم و ما تقدر تتحرك أبداً و في بقعة

سهال (عزكم الله) عدالها..المهم وديتها الطوارى على طول و قالي الدكتور إنها ممكن تموت و فيها

فيروس قوي جدا و ارتفاع في مستوى كريات الدم البيضاء و نقص شديد في الجلوكوز... و هي

أحين مرقدة في المستشفى و تحت المراقبة بين الحياة و الموت :( ...في حد مرت عليه نفس

الحالة؟؟؟؟


أرجو المساعدة....

[أصــاايــل]

الله يكوون بعوونك

وان شاء الله تقووم بالسلامه

صراحه مالي اي خبره بهالشي ..

[اخت امل]

انا كمان جبت قط وكان عمرة اقل من شهرين وجلس عندي اسبوع وبعدين مرض
وديتة العيادة وثاني يوم مات قالي الدكتور عندة ضمور في الكلى.
ان شاللة تشفى بستك

[dalal]

انا كانت عندي قطه ميتين عيالها ببطنها الكل قالي بتموت لانها ماتاكل وعندها جفاف شديد ونزيف ومن مستشفى وعيادات وانا ادور غير هالكلام لقيت دكتور ايطالي قالي خليها عندنا يومين بنحطلها درب وفايتامينات ويبيلها رعايه نفسيه احنا بنهتم فيها وطلب مني تمدد المده لي اسبوع تقريبا عندهم ولما استلمتها منهم لو اقولج قبل سبوع شنو حالتها اتكذبيني مشاءالله كأنها ماكان فيها شي