فروخي

[Noo]

السلام عليكم ...

الباقي من فروخي 3 من أصل 4 ...

الحمدلله واحد منهم معتمد على نفسة في الاكل وعزلته في قفص صغير .. وكل يوم أحطة مع العصافير الكبار نص ساعه ...

والصغار مات منهم واحد من كمن يوم ... واليوم اشوف واحد منهم مب طبيعي وما يتحرك مثل قبل ... ولاحظت ان انفه مسدود من السيرلاك ... ونظفته ... وعقب شوي بدا سائل مثل المخاط يطلع له ... هل هالشي خطير ؟؟؟
اشوة أقدر أسوي لة ؟؟

وسؤال ثاني ...
الفروخ ما يسكتون ... طول الوقت يصاوون يبون أكل ... ما شاء الله عليهم ما يشبعون ... مع اني أأكلهم لين ما تمتلي الحوصلة ... هل ها الشي عادي ؟؟

[zikas10]

الله يعوضك فيما ضاع لك أخي ..
بالنسبة للحالة التي ذكرتها ألا وهي سيلان الأنف في أحد الفروخ...فأسبابها هي البرد والتيارات الهوائية ..
فركز أخي على التدفئة الجيدة بعيدا عن التيارات الهوائية..
وبالنسبة للسؤال الثاني فصياح الفروخ شئ عادي رغم شبعها وهذا الشئ قائم أيضا مع أبوي الفروخ..فور ملاحظتك إمتلاء حويصلة الفروخ توقف عن إطعامهم..
وبالتوفيق..

[Noo]

مشكوور اخوي على النصايح .... انا حاطه الفروخ في علبة مغلقة وقريب من الدفاية ووقت النوم أحطهم في الدرج او الكبت ... وان شاء الله تتحسن حالته ...

[ghadeer]

و عليكم السلام

وعقب شوي بدا سائل مثل المخاط يطلع له ... هل هالشي خطير ؟؟؟ اشوة أقدر أسوي لة ؟؟

الحل بسيط، زي ما قال لك الأخ (( zikas10 )) دفيهم و خليهم بعيد عن التيارات الهوائية

وخلي بمعزلة بروح

علشان ما ينتقل المرض لباقي الطيور


الفروخ ما يسكتون ... طول الوقت يصاوون يبون أكل ... ما شاء الله عليهم ما يشبعون ... مع اني أأكلهم لين ما تمتلي الحوصلة ... هل ها الشي عادي ؟؟

الشي عادي

خليهم لوحدهم

و أمهم بتطعمهم إذا إحتاجو

بس مو معنات إن ما إتأكلينه!

و بتمنا إن أفدتك

[Noo]

شكرا على المساعدة ... لاكن الفروخ ماتو 3 صغار ... والكبير حطيته مع الكبار في القفص ...

والسبب الخدامه ...

علميتها كيف تأكلهم لما أكون في الدوام ( ما اقدر اوديهم معاي) ... ووصيتها 100 توصية لما تأكلهم ما توصخ جسمهم بالاكل ... لاكنها كانت تغمسهم في السيريلاك ... وآخر واحد مات كان خشمه مليان سيريلاك ومب قادر يتنفس ... ولما ييت من الدوام حاولت أنظفة لاكن ما شي فايدة ... ما كان قادر ياكل ومات ثاني يوم ...

والله ان قلبي امعورني عليهم ... بالذات آخر واحد ... كان لون جناحه رمادي وجسمه أزرق ...