~][ لقيت درة مطوقة لاعبه فيه قطوهـ ][~

[طير الهوى]

،،

السلام عليكم ورحمة الله وبركاته

حياكم الله جميعا ً

قبل شوي طالع من الدوام بفترة البريك ..

وانا امشي بالسياره حصلت درة مطوقة ذكر .. وهذا واضح من الطوق الكامل على الرقبه ..

طبعا ما ادري أليف أو لا .. وقفت بنص الخط بين السيارات ودقيت فلشر .. ورميت الجاكيت ومسكته

بعدها جبته للبيت وحطيته بقفص كبير حق الافريقي ومليان حب ومويه

علطول قام ياكل بشراهه وله الحين ثلث ساعه ماوقف اكل ..

لكن وانا اناظره .. شفت دم ببطنه .. يوم ناظرت لقيته منتف تنتيف .. شكل قطو لاعب فيه لعب مهب صاحي .. كله دم وعظامه طالعه .. يوم امسكه واول الوقت كان نافش ريشه بردان ومتغطيه الجروح

لكن يوم اكل وارتاح .. بانت العلوم ..

الحين النصيحه منكم يا جماعة الخير .. وش اسوي بالطير ؟ اعطيه مضادات ؟ اعطيه فيتامين ؟ لأن الحين كل محلات الطيور مسكره .. وبرجع للدوام الحين وماراح اطلع الا الساعه 1 الظهر ..

وتتوقعون بيموت والا لا ؟؟ والا دامه أكل يعني اموره زينه ؟


الله يعين بس .. والله يسهل ..

انتظركم

،،

[مجنون فلته]

هلا اخوي اذا وقف النزيف عادي واذا ماوقف النزيف خذ لك بودرة قهوه وحط على الجروح

[كوالا]

الاعمار بيد الله وان شاء الله مايموت

وديه بيطري بسرعه احسن حل وان شاء الله يتعافى

[طير الهوى]

،،

والله النزيف موقف ..

لكن كأن جلده مشقوق .. كلمت البيطري قال العصر نفتح وتعال نشوف لازم نخيط الجرح والا لا ..

والطير الحمدلله ياكل وشهيته مفتوحه ..

الله يسهل ان شاء الله

،،

[ابو شيخه]

السلام عليكم
الطير دامه اكل ما من شر ان شاءالله
بس تعقيم الجرح احسن
وشكراااااااااااااا

[FrEe LeGeNd]

هلا والله اخوي بدر

من زمان عنك يا الغلا معد صرنا نشوفك

جزاك الله خير في رعايتك لهالطير

وان شاء الله ما عليه خووف

بس وانا اخوك مره به للبيطري وشف

وان شاء الله ربي يعطيك على قد نيتك ولا يموت ان شاء الله

وعاد خبرنا

[yasser2ysh]

وده للبيطري احسن

[بندولة حب]

ماشاء الله
الله يجزاك خير خير ماسشويت حنا الحين العصر

اكيد وديته للبيطري

وانشاء الله مايشوف شر

وللنعلوميه الدره ببغاء قوي ومناعته قويه من الامراض

اول شي تسويه

لاتحطه بقفص
حطه في كرتون عشان مايتعور من الحديد وقاعدة القفص

لأن الدره من النوع اللي يفز من اي حركه

ولاتنسى المضادات الحيويه والفيتامينات

والأكل بكل انواعه خص الفواكه والتمر

وحاول تنقع له فص ثوم باالمويه وتقدمه له عشان يقوي مناعته بأذن الله

ولاتخاف بأذن الرحمن

راح يعيش

بس لابد من البيطري

وربي يوفقك

[Great]

هذا طيري جالس ادور عليه اكثر من 5 ايام ،

نفس المواصفات الي قلتها موجوده . بالذات الجرح الي في البطن .

عندي صوره للطير والجرح واضح.

تكفى اخوي ابي اشوف الطير..

دق علي :

********

اخوك فيصل

[lll_o]

اخوي نزل صور

ممكن الاعضاء يفيدوك اكثر

[لوني اخضر]

شكل الطير يبي اهله :freind:

[Great]

لك رساله على الخاص يالذيب

[طير الهوى]

،،

حياكم الله جميعا ً

الحمدلله صليت العصر ووديت الطير للبيطري ..

الحمدلله طلع الجرح سطحي .. ومايحتاج له قلق .. الا اذا كان الطير يحاول يعضعض فيه كل شوي ..

حط عليه مرهم وعطاني اسم المرهم ..

عاد توي راجع ولقيت اخوي فيصل .. يقول ان الطير تبعه .. وله خمس ايام ضايع ..

وبالفعل طلع الطير له .. وعطاني المكان اللي ضايع الطير فيه ..

طلع الطير هو مجرح نفسه مثل ماقال اخوي GREAT

والحين طالع اقابله وأسلمه الطير ^.^

الحمدلله اللي رجعه لأهلهـ ..

،،

[عاشــ الطيور ــق]

سبحانه الله اللي انقذه

ورده الى اهله

[Only_me]

خذ بن مطحون وحطه على محلات الجروح

والافضل توديه للبيطري يمكن يخيطه او يعطيك علاج

[كـاسـكو]

ماشاء الله

الحلال مايضيع

والله يجزاك خير اخوي الي انقذت الطير والله يكتبه في ميزان حسناتك

[طير الهوى]

،،

الله يجزاكم خير ..

والحمدلله اللي رده لراعيهـ ..


فرري ليجند ( عبدالله ) ..

والله ودي اني معكم طول الوقت لكن مشغول بهالطلاب واختباراتهم .. وهذانا ركدنا شوي ^.^

وان شاء الله نرجع للمشاركات شوي شوي ..

،،

[ღ الـوفـا كلـهـ ღ]

جزآك الله كل خير على فعلك النبيل ..

والحمد لله ان الطير رجع لأهله .. والله لآيضيع اجر على أمآنتك مآشآالله ,,

يعطيك العآفيه :)

[Great]

الله يعطيك العافيه اخوي طير الهوى ..
اشهد بالله ما قصرت , انقذت الطير , اطعمته , وسقيته , وفوق هذا عالجته واطمنت عليه

جعلها في ميزان حسناتك ،،،
آمين يا رب العالمين ،،،

تحيتي لك ~

اخوك الصغير :

فيصل

[xX7oSaMXx]

طير الهوى بصراحه كلمة شكرا ماتوفي بحقك انقذت الطير وحاولت تعالجه ورجعته لصاحبه :)

[بندولة حب]

والله الحلال مايضيع

وسبحان اللي جمعكم باالمنتدى

عشان الطير يرجع لأهله

ولله يجزاك الجنه على امانتك

وياليت بعض الناس يستفيدو


شاكره لك اخوي

[مجنون فلته]

الله يجزاك الجنه طير الهوى على امانتك

[faisalqatar]

الله يجزاك خير يالشيخ

والله ما قصرت عالجت الطير ورديته لاهله

والحلال ما يضيع


ومبروك يا صاحب الطير على رجوعه لك

[Mr.7MoOdY]

الله يعافيك انك ساعته ولك اجر انشاء الله

والله يعينك

[طير الهوى]

،،

الله يجزاكم خير على ردودكم ..

وفعلا ً الحلال ما يضيع ..

شاكر لكم مروركم وتشريفكم

،،

[الصـ أثير ـمت]

بارك الله فيك على أمانتك وحرصك على الطير

[naasooh]

فعل طيب
من
رجاال طيب
و
أنشاء الله تثقل موازينك قل أمين

[mr-jaw]

والله أنك رجال ولا عجب ان نلااقي مثل دا الرجال متواجد ف دا المنتدى

وهذا المنتدى يتميز بمثل هذي الاعضاء الطيبه والأمينه الصراحهــ

سلاامــ...

[طير الهوى]

،،

الله يجزاكم خير ويجزاكم الجنه ..

والله ردودكم مخجلة جدا ً ..

اللي سويته أي محب للطيور راح يسوي الشي نفسه .. والحمدلله اللي لقيت راعيهـ ..

قبل لا أكتب الموضوع دورت بقسم المفقودات ولا لقيت عنه موضوع .. ولا بغيت أكتب عنه موضوع قلت مالها داعي ألقى راعيه ثم ياخذه ويموت ويتحسف عليه .. متى ماطاب كتبت عنه موضوع .. والحمدلله جت على النية .. اخذت مشورتكم ولقيت اخوي فيصل ^.^ والطير مافيه الا العافيهـ ..

،،

[hassn1402]

طير الهوى بصراحه كلمة شكرا
ماتوفي بحقك انقذت الطير
وحاولت تعالجه ورجعته لصاحبه
جعله الله في ميزان حسناتك

[nani]

الله يستر عليك يا طير الهوى على امانتك صراحه ذي الايام

نادرييييييييييييين اللي زيك وبامانتك الله يجعلها في ميزان حسناتك ويعطيك على قد نيتك يارب

بااااااااي

[& سيف الشمال &]

هـلآ ومسهـلآ ..

يعطيـك العـآفيهـ يالغلآ ..

الله يكثّر من امثـآلك ..

ولآ يحرمنـآ منّك ..

لآ عدمنـــآآك ..

تحيــآتي لك ..

[تاجر جدة الأول]

هادي الشهامه مز زي بعد الأعضاء المتكبرين

[عاشق الكاسيكو 11]

الحلآل ما يضيع ونا أخوك

انا أشهد أن أخوي طير الهوى ما قصر (( أكله + عالجه + رده لصااحبه ))

مشكوريييين كلكم + مبرووك اخوي فيصل رجووع الطير

باي

[طير الهوى]

،،

الله يجزاكم خير

تشرفت وسعدت بمروركم يالغالين

بارك الله فيكم

،،

[ابو محمــد]

الله يجزاك خير دنيا واخره اخوي طير الهوى,,

[*نسمة هواء*]

مــا شــاء الله
الله يعطيك العافيه
ومبروك رجوع الطير ....

[mshabandar]

سبحان الله
الله يحبك - فانت من اصحاب الجنة - عالجت طيرا ليس لك و اطعمته و سقيته ثم رددته لصاحبه
اذكرك بالباغية اللتي دخلت الجنة لانها سقت كلبا عطشانا - فكيف و انت المسلم - انشاء الله في ميزان حسناتك

هنيءا لصاحب الظير رجوع طيره - و اقول له بان هذا الطير امانة في عنقك فلا تستهين بهذه الامانة - فانت قد سلبتها قدرة الاعتماد على نفسها فلا تتركها وحيدة في البرية

[أبو ريـــــــــــــان]

يغلق الموضوع لأنتهاء الغرض منه

ورجوع الطير لصاحبة