تسجيل الدخول

مشاهدة النسخة كاملة : حالة اسعافية : فرخ الكناري سيموت

صدى النواعير
13-12-2009, 01:18 PM
السلام عليكم

فرخ الكناري بعد ان صار عمره 28 يوما قام اهله بضربه ووضعت امه البيض

ففصلته عنهم ولكن الى الان لا ياكل الا البيض فقط ويقف على اكالة البريقة ولكنه لا يستطيع اكلها ولم الاحظ انه يشرب الماء

شكله كروي جدا واصبح ينام بكثرة ارجوكم ماذا افعل انه اول فرخ من انتاجي
المنار
13-12-2009, 01:45 PM
الله يشفبه اول شي بتوقع انه لو انك تعامله معاملة اي طير بري يعني تحط الاكل والماء على الارض يمكن يكون مابعرف ياكل وخليه بمكان دافي .....................
صدى النواعير
13-12-2009, 02:13 PM
ممكن اخي جزاك الله خيرا
اللؤلؤ المكنون
13-12-2009, 02:25 PM
مرحبا أخي...
يلي عم يصير معك عادي جدا...
وبهالعمر الأب والأم بيعلموا ابنهن أن يأكل لوحده...
اصنع له خلطة أكل خاصة بحيث يأكل منها دون أن يضطر للتفصيص والعض لأن منقاره لسه ضعيف...
الخلطة:
بيضة مسلوقة بتبشرها وبتحط فوقها خيارة مبشورة وملعقة كعك ناعم حسب الحاجة وبتخلطهن وبتحطهن بالبراد حتى ما تفسد وتضع للفرخ مقدار ملعقة شاي في مأكلة تبع البيض وكل ما خلصت بتحطله غيرها...
حاول أن تضع معه أبوه في قفصه وراقبه ربما أطعمه وأن ضربه فأبعده فورا...
عندي العوكة صار عمره شهرين وما قدر ياكل بذر وضليت كل يوم حطله من هي الخلطة حتى قدر يعتمد على حاله...
لا مانع أن تضع له ورقة خس ليتعلم العض عليها..
وبالتوفيق ان شاالله ...
صدى النواعير
13-12-2009, 05:33 PM
شكرا اخي اللؤلؤ كنت عم اتسنى ردك
يلا شوي شوي منتعلم بس اخي ليش ما عم يشرب
محمد جمعة
13-12-2009, 09:30 PM
عادي اخي الطائر الصغير لا يشرب واحيانا يشرب مرة واحدة او مرتلن على الاكثر
ولكن يعوض نقص الماء من الطعام الطري الذي يحتوي على الماء
والدليل على ان الطائر الصغير لا يشرب الماء المباشر وانما يعوض نقص الماء من الطعام الطري هو ان الطائر الصغير الذي في العش لا يخرج ويشرب الماء بشكل مباشر وهذا الكلام عن تجربة لمدة 9 سنين تقريبا
طبعا خذ بكلام اللؤلؤ المكنون لانه كلام صحيح 100%
اللؤلؤ المكنون
13-12-2009, 09:37 PM
بياخد المي من الخيار إذا حطيتلو ياه...
وإذا ضل ما عم ياكل حاول امسكه بلطف وامسيك شوي من الخلطة بايدك بين السبابة والابهام وضعهم على منقاره ربما يتقبلهم ويبلعهم ... بس بترحع للعصفور إذا خويف ولا لاء وإذا ارتعب لا تجبره
صدى النواعير
14-12-2009, 01:54 PM
شكرا اخوتي مرة ثانية طاشري ما بخاف والدليل صرت قدملو المي بالسيرنج صار يشرب مني ووقت بيشبع ما بيعود بيفتح منقاره وقدمتولو الطبخة وان شاء الله سياكل

شكرا محمد و اللؤلؤ مرة اخرى
صدى النواعير
14-12-2009, 02:01 PM
شكرا اخوتي مرة ثانية طائري ما بخاف والدليل صرت قدملو المي بالسيرنج صار يشرب مني ووقت بيشبع ما بيعود بيفتح منقاره وقدمتولو الطبخة وان شاء الله سياكل

شكرا محمد و اللؤلؤ مرة اخرى
صدى النواعير
14-12-2009, 02:06 PM
وشكر خاص طبعا لاخونا المنار يلي شاركنا
محمد جمعة
14-12-2009, 11:25 PM
تسام اخي
صدى النواعير
15-12-2009, 12:34 PM
شباب في سؤال جديد من الخلطة يلي عمياكلها
عم كتر كتير يعني مقدار معلقتين في اليوم لماذا وهل هذا الشيء يضر بصحته
شكرا
تقلت عليكم
اللؤلؤ المكنون
15-12-2009, 09:57 PM
لا مو كتير منوب لأن هو هلأ معتمد عليها في غذائه...
ولما بصير بياكل بريق خفف من الخلطة تدريجيا لحتى يصير غذائه يعتمد على الحبوب....
ذكرتني بعصفوري لما حطيته لحالو بعد ما طلع من العش... فصلته لأن أبوه وأمه فضولوا راسه من الريش ياحرام من كتر النقر... صار ما ياكل غير من هي الخلطة...
والصبح لما فيق لاطمّن عليه ينط ويزقزق لحتى حطلوا ياها ولما بفوتها على القفص ينط على ايدي ياحرام ويبلش ياكل قبل ما طلّع ايدي من القفص....
يالله هيك لمصلحتك صار فيك تستغل هالشي لتدرب العصفور يتعود عليك ويوقف على اصبعتك....
وبالتوفيق ان شاالله...
صدى النواعير
16-12-2009, 10:27 PM
تسلم اخي اللؤلؤ عنجد فضلت عليي والعصفور كبران وحلو صاير
اللؤلؤ المكنون
17-12-2009, 12:14 AM
الله يسلملك ياه...
ناطرين صوره تنزل على الساحة هه...
صدى النواعير
18-12-2009, 05:12 PM
بشرى سارة الفرخ بلش ياكل بريق
اللؤلؤ المكنون
18-12-2009, 08:23 PM
مبروك ...
الله يبشرك بالخير
محمد جمعة
18-12-2009, 09:47 PM
مبروك يا رب تشوف اولادو في المستقبل
صدى النواعير
21-12-2009, 10:12 PM
تسلمو اخوتي محمد ولؤلؤ هلا نازل عنا بحماة عصافير كتير حلوين مستوردة
ابيض وجناحو وحوالي عيونو احمر بشبه يلي كان عندي ساستفسر عنهم واضع لكم صورهم
مع العلم ان لونهم غير حقيقي ( صباغ )
محمد جمعة
21-12-2009, 11:20 PM
تسلمو اخوتي محمد ولؤلؤ هلا نازل عنا بحماة عصافير كتير حلوين مستوردة
ابيض وجناحو وحوالي عيونو احمر بشبه يلي كان عندي ساستفسر عنهم واضع لكم صورهم
مع العلم ان لونهم غير حقيقي ( صباغ )

ما هو نوعهم وانا والاعضاء والزوار ننتظر الصور واي شي عنهم
شكرا مسبقا