مساعدة من الخبراء في تحديد نوع هذا الثعبان؟؟؟

[kha4499]

السلام عليكم ورحمة الله وبركاته

اخواني الخبراء

اتمنى منك مساعدتي في تحديد هذا النوع من الثعابيين وهل هو سام ؟ وهل يجوز قتله؟ حيثُ اني اليوم امسكت به وهو في وسط صناديق خلايا النحل في مزرعتي.

وهذي هي الصور:

http://www.2zoo.org/get-12-2009-2zoo_org_tnfomoym.jpg (http://www.2zoo.org)

http://www.2zoo.org/get-12-2009-2zoo_org_ctqs96w2.jpg (http://www.2zoo.org)

http://www.2zoo.org/get-12-2009-2zoo_org_dx84ilpj.jpg (http://www.2zoo.org)

http://www.2zoo.org/get-12-2009-2zoo_org_s95n30uu.jpg (http://www.2zoo.org)


وجزاكم الله الف خير على هذه المساعدة

اتمنى لكم التوفيق

[مهووس الحيوانات]

حسب الظاهر أتوقع انه غير سام وقتله غير مشروع (مايعتبر من الفواسق)

لأنه ماهو حية والحية هي الي ذكرت في الحديث :)

=-=

[LiMiTeD]

منور القسم بسؤالك :)

هذا يسمونه الثعبان الصخري (coluber rhodorachis)

طبعا غير سام وما انصح اي احد يلقى اي ثعبان او حيه سام ار وغير سام يذبحه

اذا قدرت تصيده رده لبيئته افضل حتى لا نوصل ليوم مانلقى ثعابين في بيئاتنا

المهم انا عندي سؤال لك

المكان الي صدته فيه وصفلي اياه طبيعة الارض واذا في فيران قريبه منك او في المكان نفسه

[مهووس الحيوانات]

الثعبان الصخري ربيته بس كان واحد صغير :)

لو فكرت تحتفظ فيه تراه ياكل حشرات وفئران صغيرة :)

وغير سام ولايملك أسنان أصلاً :) ، وألييف جدًّا ومايئذي حتى لو كان توه مصيود :)

[kha4499]

شكرا اخوي مهووس الحيوانات على المناقشه

اخوي الغالي LiMiTeD النور هو نورك وما قصرت على الجواب , هي عبارة عن مزرعة كبيره في وسط بر طبعا الاشجار منوعة ( سدر - غاف - وقويف وغيره من السواتر في المزرعه وفيها خضروات من كل الانواع اللي تزرع في الشتاء , حصلت هذي الحيه في صندوق من صناديق النحل الفاضيه وتحت الشمع المتهالك ( شمع نحل لا يمكن استخدامه مره ثانيه) طبيعة الارض منها طينيه ومنها بريه وصخور , طبعا في فيران وجرابيع وعقارب وانواع كثيره من الحشرات . طبعا انا اول ما شفت التعبان حطيت رجلي وابتعدت عن المكان 30 متر ( لان اخوك غشيم في الثعابين وما يعرف السام وغير السام) لكن احلى حركة يوم طلعت من بين الصناديق تقول كأني شايف اسد , لكن ما شاء الله على الدريول مسك الثعبان بيده وبدون شي لان الهنود متعودين على الثعابين .

المهم هل يعض لو ما يعض ؟ لاني ابي ولدي يشوفه ويتعلم عليه قبل ما ارجعه البر.

اتمنى للجميع التوفيق

[LiMiTeD]

الله يوفقك ان شاءالله طبعا كل شي على الارض او بالسما يعض طبيعيا ما يعض الا اذا حس بخطر

واذا لا سمح الله وعض طهر مكان العضه وينتهي كل شي

وخلي ولدك يشوفه لان مثل ما قتلك العضه ما تأثر

بس ديربالك لا يصير الموضوع عكسي على ولدك ويخاف منه

الله يخليه لك ويتربى بعزك ان شاءالله ولك رساله على الخاص

[مهووس الحيوانات]

ماشالله استاذ لمتد كفا ووفا :)

=-=

وحسب تجربتي مع الثعبان الصخري ، ماظهر منه أي عدوانية ولا حاول يعض إلا مرة مرتين وهو أصلاً ماينمو له أسنان :)

بالتوفيق ، و الله يحفظلك ولدك ويحفظك له :)