تسجيل الدخول

مشاهدة النسخة كاملة : بلابلي لاتغرد ولاتأكل وشاريهم أمس أخف يموتون ياريت تساعدوني

الباشا 2010
29-12-2009, 12:54 PM
السلام عليكم ورحمة الله وبركاته
كيف حالكم أخواني الأعضاء أتمنى أنكم تحلولي مشكلتي بسرعة أنا أمس أشتريت جوز بلابل بلدي سعرهم 50 ريال خدودهم بيضاء ومن الأسفل أصفر ولونهم الأساسي رمادي لاكن من أمس مايكلون مع اني جبتلهم حبوب مدورة من السوق خاصة فيهم وماشربو موية ولا يغرده لاكني قمت الصباح حصلة علبة الموية ناقصة شوي لاكن الأكل زي ماهو حاولت اروضهم مافي فايدة طيرتهم في الغرفة شوي صارو يصفرو متقطع وبسيط لاكن مايغردو وطلعوا عيني لين عرفت أمسكهم وادخلهم القفص وقطعت لهم تفاح وطلعت برة الغرفة ورجعت لاقيتهم أكلو تفاح لاكن اسهال مررررة مبهدلين الدنيا ولما أدخل عليهم ويكون في فمهم أي حبوب يرمونها من فمهم على طول الي يجزاكم خير قولولي كيف أتصرف قبل لايموتون
كناري إيراني
29-12-2009, 01:18 PM
اخوي بالنسبه للاكل ف في بعض البلابيل لا يأكلون حبوب مثل الي عندي ف احسن حل انك تضع لهم

رز مثلي و صمول او اي شي لين و التغريد لازم الطير يجلس في مكان ثابت اشان يتعود عليه

و الترويض ديما صعب لانه الجوز الي خذيته كبير

انا انصحك انك تنتظر الى الصيف وتشتري صغار وتربيهم على كيف كيفك

اتمنا اني افتدك
الباشا 2010
29-12-2009, 01:34 PM
تسلملي أخوي على أفادتك الطيبة لاكن صاحب المحل قالي عمرهم سنة فهل كذة هو كبير وجزاك ربي كل خير
كناري إيراني
29-12-2009, 01:37 PM
اي كبير واظن ان البلبول يبلغ في سن 3 شهور

سؤال اخوي

هل كان الكثير من البلابيل في نفس القفص
الباشا 2010
29-12-2009, 01:41 PM
أي نعم كان في مايزيد عن 25 بلبل في القفص قفص كبير
كناري إيراني
29-12-2009, 01:44 PM
اظن انه صايد هم مسوي له مسلكه في مزرعه وصايدهم ف هو مايعرف اعمارهم
الباشا 2010
29-12-2009, 01:52 PM
حسبي الله عليه وتسلملي أخوي على أفادتك الرأعة وإنشاء الله اليوم بروح أحاول أرجعهم
كناري إيراني
29-12-2009, 01:57 PM
طبعا انت من الدمام ادا تبي احسن طور بلابيل تعال يوم الخميس الصبح سوق الخميس وانشاء الله تلقى بلابيل تربيه تبتدي اسعارهم من 250 الى 400 وتوصل الى 800 ريال تاخذ لك بلبول مدرب اشان لما تتطلعه من القفص ما يروح مكان ويلعب معاك
الباشا 2010
29-12-2009, 02:02 PM
أخوي أنا صراحة أول مرة أسمع بسوق الخميس أنا أعرف سوق الجمعة الي يكون الصباح في حي السوق لاكن وين موقعه سوق الخميس هذا أخوي
كناري إيراني
29-12-2009, 02:06 PM
هذا يكون بالقطيف بقرب القرية الي ساكن فيها انا وكثير من الناس الي بالشرقيه يجون يشترون من سوق الخميس يمكن لو تسأل احد يعرفها
الباشا 2010
29-12-2009, 02:12 PM
خلاص تسلملي أخوي وإنشاء الله بسأل عليه وشكرا جزيلا على إفادتك الرأعة ومساعدتك لاعضاء المنتدى
كناري إيراني
29-12-2009, 02:14 PM
هذا واجبنا
s.6o6o
29-12-2009, 02:24 PM
السلام عليكم ~ :)

ما عليه اصبر عليهم توهم مو متعودين على البيت ..

اكيد انهم ياكلون و انت موب عندهم :)

انا كان عندي كوكاتيل نفس الحاله يمكن قعد عندي اسبوع أو اقل ما ياكل وانا عنده

حتى وديته للطبيب البيطري عشان يعطيه فيتامينات وكذا .. قال لي ان عادي هو ياكل اذا محد عنده :)
الباشا 2010
29-12-2009, 02:27 PM
تسلم على مرورك الرئع
s.6o6o
29-12-2009, 02:28 PM
الله يسلمك ^_^