فارسه وابي رد من فرسان [الأرشيف]

مشاهدة النسخة كاملة : فارسه وابي رد من فرسان

فارسه

01-01-2010, 12:04 PM

السلام عليكم

انا اعشق الخيل من صغري .. واحب زي الفارسات

وحلم حياتي املك خيل ..
وجا اليوم الي باصير فيه فارسه :12:

سؤالي :

ابي خيل عربي اصيل
رشيق و لونه اسود
موصغير بالعمر ولا كبير بالسن
يعني مابي اقعد انتظر لما يكبر :(
ولا ابي بسرعه يشيب:eek:
بصحه قويه .... خيل بهذي المواصفات كم سعره؟

انا اعرف ان اسعار الخيول العربيه غاليه جدا ويختلف سعرها اذا عنده اوراق او لا؟

بسعر 50 الف مو اكثر كم درجة اصالت الخيل الي اقدر احصل عليه؟

واذا حصلت خيل بهالسعر بدون اوراق وبمواصفات جيده
وحصلت خيله بأورق بس اقل منها في الاصاله ؟
شنو اخذ افضل اكثر اصاله بدون اوراق او اقل اصاله بس بأوراق؟

وفي خيل اسمه انجلو عرب كم اسعارهم؟

سؤل بعد : شالفرق بين الفرس والمهر والفحل ومين افضل الذكر او الانثى؟
وكم عمر الخيل الي يعتبر الشايب ؟ من كم يعتبر دخل في مرحلة المشيب
شكرا لمساعدتكم مسبقا

فارسه

01-01-2010, 12:43 PM

نسيت اضيف كم شي

انا موفارسه بس طموحي تعلم الفروسيه ماراح اشارك بسباقات بس ابي اصير فارسه

احب الخيل الي يكون لونه اسود تماما ساده
واذا مومتوفر يكون اسود تماما بس في الجبهه يكون داخل عليه ابيض نسيت شنو اسمه يقوولن الي كذا نوعيته مره جيده
واذا مومتوفر ابي خيل بني ساده واذا مومتوفر ابيض ساده

انا بصراحه يهمني شكل الحصان بس طبعا الاولويه للمواصفات
يعني مابختار شكل على حساب المواصفات

ومين افضل الظهر القصير ولا الطويل ؟ مع اني اشوف الطويل احلى

فارسه

01-01-2010, 01:03 PM

نسيت اقولكم
اني قرأت جميع صفحات هالقسم

وانا ودي بخيل جميل وسريعومومهم الانتاج
بس بعدين فكرت قلت زيادة الخير خيرين
لو اولدت اقدر ابيع لو 2000 او 40000 او 60000
وابيه يكون صديق لي يحس فيني واحس فيه
قريت رد واحد من الاعضاء يقول الخيل العربي يحس فيك لما اطلع مع الخيل واتكلم معه احس ان يفهمني بينما الانجليزي تحس انك في وادي وهو في وادي

وقريت ان الانجليزي سريع ولركوب
والعربي للجمال والقدره والتحمل

انا ابي سريع ولركوب وجميل

شرقــــاوي

01-01-2010, 01:58 PM

اولاً هـلا بـك ومـلـيـون غـلا اخـتـي فـارسـه
نـورتـي الـمـنـتـدى وبالأخـص قـسـم هـواة الـخـيـول
-_- حـللـتـي اهـلا ووطـئـتـي سـهـلا -_-
فـأهـلاً بـك بـيـنا اهـلـك وعـائـلـتـك

سؤالي :

ابي خيل عربي اصيل
رشيق و لونه اسود
موصغير بالعمر ولا كبير بالسن
يعني مابي اقعد انتظر لما يكبر
ولا ابي بسرعه يشيب
بصحه قويه .... خيل بهذي المواصفات كم سعره؟
عـادتـاً اغـلا الـوان الـخـيـول هـوا الأسود

انا اعرف ان اسعار الخيول العربيه غاليه جدا ويختلف سعرها اذا عنده اوراق او لا؟

بسعر 50 الف مو اكثر كم درجة اصالت الخيل الي اقدر احصل عليه؟
بـسـعـر 50,000 الـف تـجـيـب الـمـواصـفـات الـي انـتـي تـبـيـنـهـا
لـكـن تـكـون فـلـوه
يـعـنـي بـعـمـر الـسـنـه والـنـصـف
ولـكـل مـالـك سـعـره الـخـاص
وعـلـى حـسـب نـسـبـهـا وتـحـقـيـقـات اهـلـهـا بـسـبـاقـات الـجـمـال

واذا حصلت خيل بهالسعر بدون اوراق وبمواصفات جيده
وحصلت خيله بأورق بس اقل منها في الاصاله ؟
شنو اخذ افضل اكثر اصاله بدون اوراق او اقل اصاله بس بأوراق؟
اخـتـي لـم تـوضـع الأوراق إلا لأنـهـا تـحـدد نـسـل الـحـصـان مـن اول اب إلى آخـر جـد
فـلـمـا اقـول ابـي فـرس او حـصـان اصـيـل ولـكـن غـيـر مـسـجـل
فـمـا هـوا الـدلـيـل الـذي يـثـبـت لـي اصـالـتـه, ولـم يـدخـل عـلـيـه اي نـسـل مـن نـوع آخـر...!؟
ولـمـا نـجـي لـعـالـم الـخـيـول الـعـربـيـه الـمـسـجـلـه
فـهـنـا تتـفـرع عـدة مـواضـيـع لـهـا
اولاً فـيـه بـيـور مصـري , وبـيـور بـولـنـدي , وبـيـور روسـي....الـخ
وبـيـور هـيا تـعـنـي الـدم الـصـافـي الـي مـادخـل عـلـيـه اي سـلالـه اخـرى غـيـر سـلالـتـهـا
وتـوجـد ايـضـاً خـيـول مـسـجـلـه لـكـن لـخـطوط الـجـمـال
وهـيـا عـمـلـيـة(مـكـس)بـيـن الـسـلالـه الـبـيـور الـمـصـري والـبـيـور الـبـولـنـدي
لـيـخـلـط لـنـا جـيـنـات الـمـصـري وجـيـنـات الـبـولـنـدي
لـيـضـهـر انـتـاج غـايـه بالـجـمـال
وكـذالـك كـمـا هـوا مـوضـح بـعـمـلـيـة الـمـكـس بـيـن جـمـيـع الـسـلالات
ولـكـن كـلاً وأسـتـخـدامـاتـه مـن الـمـكـس

وفي خيل اسمه انجلو عرب كم اسعارهم؟
انـجـلـو عـرب اول مـره اسـمـع فـيـهـا :)

سؤل بعد : شالفرق بين الفرس والمهر والفحل ومين افضل الذكر او الانثى؟
وكم عمر الخيل الي يعتبر الشايب ؟ من كم يعتبر دخل في مرحلة المشيب

الـحـصـان:رجـل الـخـيـول
الـفـرس:انـثـى الـخـيـول
الـفـلـو:الـمـولـود الـذكـر
الـفـلـوه:الـمـولـوده الأنـثـى
والأفـضـل الـفـرس لأنـك بـتـسـتـفـيـديـن مـنـهـا عـدت امـهـار ومـهـرات
وعـمـر الـخـيـول لايـقـتـصـر عـلـى عـمـر مـعـيـن
وهـذه حـكـمـه مـن اللـه سـبـحـانـه وتـعـالـى
ولـكـن اعـمـارهـا تـوصـل إلـى الـ 16 سـنـه والـ20 سـنـه
وتـبـقـى صـحـتـهـا وليـاقـتـهـا كـمـا هـيـا
ولـكـن الـعـمـر الأنسـب للـفـرس مـن الـسـنـتـيـن إلـى الـ 5 سـنـوات

انا موفارسه بس طموحي تعلم الفروسيه ماراح اشارك بسباقات بس ابي اصير فارسه

احب الخيل الي يكون لونه اسود تماما ساده
واذا مومتوفر يكون اسود تماما بس في الجبهه يكون داخل عليه ابيض نسيت شنو اسمه يقوولن الي كذا نوعيته مره جيده
واذا مومتوفر ابي خيل بني ساده واذا مومتوفر ابيض ساده

انا بصراحه يهمني شكل الحصان بس طبعا الاولويه للمواصفات
يعني مابختار شكل على حساب المواصفات
إذا جـزمـتـي عـلـى مـواصـفـات مـعـيـنـه
حـددي لـي الـمـبـلـغ الـممـكـن دفـعـه وأنـا بالـخـدمـه

ومين افضل الظهر القصير ولا الطويل ؟ مع اني اشوف الطويل احلى

اكـيـد الـضـهـر الـقـصـيـر ولـيـسـا الـطـويـل
والـضـهـر الـقـصـير هـوا مـن مـواصـفـات الـخـيـول الـعـربـيـه
والـضـهـر الـطـويـل هـوا مـن مـواصـفـات الـخـيـول الأنـجـلـيـزيـه

وانا ودي بخيل جميل وسريعومومهم الانتاج
الـخـيـول الـعـربـيـه الأكـثـر مـنـهـا جـمـيـل
وبالـنـسـبـه للأنـتـاج..للخـيـول مـدة حـمـلـهـا 11 شـهـر
بس بعدين فكرت قلت زيادة الخير خيرين
لو اولدت اقدر ابيع لو 2000 او 40000 او 60000
الأسـعـار الـمـطـروحـه ممــن تـحـقـيـقـهـا
لـكـن مـامـدى قـوة اصـالـتـهـا...؟
وابيه يكون صديق لي يحس فيني واحس فيه
قريت رد واحد من الاعضاء يقول الخيل العربي يحس فيك لما اطلع مع الخيل واتكلم معه احس ان يفهمني بينما الانجليزي تحس انك في وادي وهو في وادي
الـخـيـول بـعـامـتـهـا ذكـيـه ولا تـقـتـصـر عـلـى الـعـربـي او الأنـجـلـيـزي
وقريت ان الانجليزي سريع ولركوب
والعربي للجمال والقدره والتحمل

هـذا صـحـيـح
انا ابي سريع ولركوب وجميل
الـسـرعـه تـعـتـمـد عـلـى حـسـب لـيـاقـة الـفـرس او الـحـصـان
فـلا تـقـتـصـر ايـضـاً عـلـى عـربـي او انـجـلـيـزي
ولـكـن لانـقـارنـهـا بـسـرعـة الأنـجـلـيـزي
ولا نـقـارن قـوة وتـحـمـل الأنـجـلـيـزي بالـعـربـي

فارسه

01-01-2010, 03:30 PM

( ماروكو )

01-01-2010, 03:59 PM

سبحان الله في الامس كنت افكر في طرح نفس الموضوع والاسالة وانتي ما قصرتي في طرح الاسالة ما شاs الله عليج ,, ,, انا ايضا احلم بتربية الفرس وحلمي تحقق ولكن متوترة ما عندي فكرة في انواع الخيول

متابعة لموضوعج وان شاs الله الاخوان يردون على اسالتج

لك التحية

شرقــــاوي

01-01-2010, 11:08 PM

انا لسا مخطوبه يعني مابعد اتزوج طبعا بتقولون شدخل السالفه بسالفة الخيل:shy: انا شارطه عليه لما خطبني ان يشتري لي خيل ويسجلني بنادي فروسيه:D>>>صدقتوا اني اعشق الخيل

فلما اتزوج ان شاء الله بشتري لي خيله ..غصبا عليه من شروط زواج :p

اللـه يـوفـقـكـم إن شـاء اللـه

والله دائما يقولن لي اهلي ماتحطين عينج الا على الغالي :p من جد في كل شي يصادف اغلى شي خخخخخ

انا ابيه اسود فاحم وعربي اصيل مومشكله اخذها صغيره واصبر عليها واذا عربيه اصيله اكيد بأوراقها عشان اثبت هالشي لو لاسمح الله اظطريت ابيعها
وأنـا عـنـد وعـدي لـو جـهـزة فـلـوسـك تـعـطـيـنـي خـبـر

بالنسبه لدم الصافي والبيور شلون خيل عربي وبيور روسي وبيور بولندي ... يعني موعربي؟؟

اخـتـي كـل سـلالـه تـرجـمـت ببـلـد مـن الـبـلـدان تـنـسـب بـأسـم الـبـلـد الـمـتـواجـده فـيـه
وبالأصـل كـلـهـا عـربـيـه لأن الـخـيـول الـعـربـيـه تـواجـدت بـشـبـه الـجـزيـره الـعـربـيـه :)

وابيها عربيه اصيله بس للحين افكر في موضوع السرعه ابيها سريعه تبرد قلبي :confused:
طيب الفرق كبير في السرعه ولا يعني شوي ؟انا مابشارك في سباقات بس ابي اصير ماهره مثلهم فارسه

بـتـكـون كـويـسـه

بس سؤالي للحين ماعرفت ليش الظهر القصير افضل من الطويل؟

لأن الـخـيـول الـعـربـيـه هـي ضـهـورهـا قـصـيـره بـعـكـس الأنـجـلـيـزيـه

وبالنسبه لعرب انجلو شكلي كتبت الاسم خطأ انا قريت بموضوع هنا ان في بريطانيا عملوا مكس مع خيول ثانيه وانتجوا خيول عرب انجلو مدري شسمهم روووعه

خيول الواهو ؟؟هذي عربيه 100% صح بس اكيد غاليه بالملايين

الـخـيـول الـواهـو هـي خـيـول عـربـيـه..
ولـكـن صـار بـيـنـهـا وبـيـن اي سـلالـه مـن الـخـيـول الـعـربـيـه مـكـس فـلا يـنـطـق عـلـيـهـا (بـيـور)
وإنـمـا يـطـلـق عـلـيـهـا (واهـو) لأن يـعـتـبـر دمـهـا مـاهـو صـافـي عـلـى نـفـس سـلالـتـهـا

وأي اسـتـفـسـار آخـر انـا بالـخـدمـه

فارسه

02-01-2010, 11:12 AM

طيب شنو احسن بيور؟ وعلى نفس السعر الي انا محددته

ومين افضل البيور ولا الواهو
ومين منهم اقرب للمواصفات الي انا ابيها

انا قررت على الخيل العربي

بالنسبه للشراء انا طبعي قبل مااشتري شي لازم اقعد شهور او سنه اقرا واسأل واكون خبره شخصيه
بعدين اشتري ..

فارسه

02-01-2010, 04:45 PM

سعر بزيده الى 100 الف مو اكثر

ابيه فحل انثى او فرس
اسود ادهم سيال
عربي اصيل مع اوراق

سريع وجميل

المسباح المريخي

20-02-2010, 04:12 PM

السلام عليكم وحمة الله

اختي الفاضله

الخيل العربيه الاصيله الواهو
ومنها البيور المصري فقط لا يوجد بيور غير مصري
اما الروسي والبولندي يسمى فقط واهو

المصري هو الوحيد يقال له بيور وستريت
اي دم نقي وصافي وستريت سيده اي خط مصري مستقيم
وهي تقريبا اغلى الخيل الموجوده على مستوى العالم ولو كانت مميزاتهاا عاديه

ويوجد خيل بولش عربي واهو لاكن يوجد به خط بولندي
ويوجد الكربت والكثير لكن
نصيحه اشتري فرس افضل لوصيه الحبيب المصطفى عليكم بأنثى الخيل او بالافراس فأن ظهورها عز وبطونها كنز

اما مواصفاتك توجد ونصيحه اهم شي تاخذين فرس بأورااق والافضل لو تطلبينها من الخارج من المانيا او امريكا او لندن
توصلك ارخص من شرائها من بعض ملاك الخيل

طول الظهر وقصره اما المسأله هذي بالخيل القصر افضل لان يريح الراكب فوق ظهره وانا مجربهاا

طول الظهر غير ركووبه عن القصر القصر اجمل في المواصفات واجمل في الركوب

اما الاورااق في وقتنا هي تعني الاصاله حتى وان كان الحصان شكله الخارجي عادي
اما انتي مواصفاتك صحيح الاسود نادر لكن يوجد وبسعرك الي تبينا

اما البياض الي بالوجه يسمى اذا دائره بحجم الفنجال يقال نجمه اما اذا خط ضعيف من الجبه الي الانف تسمى سياله
اذا خط عريض تسمى صبحه

واي استفسار انا حاظر؟؟
واذا تبين نصيحه ارخص خيل بالخليج عندنا بالكويت

قبل اسبوعين نزل المزااد حصان اسود عمره 4 سنين واهو سوري ولكن جميل ورأسه صغير
بسعر 1300 دينار
يعني
16900 ريال

والحصان العربي
سرعته تتراوح بين 60 الى 70 وبعضها يصل 80 كيلو متر بالساعه

واعتقد سرعه جميله وجيده لكي ولا تبين اطيرين اكثر

اما وفاء الخيل واصلاتهاا فتكون بالعربي اكثر من الانجليزي

اما الخيل العربيه الانجليزيه التي تحدثتي عنها هي الثوبرد وهي خيل السباقات الانجليزيه يوجد بها نسبه دم عربي

ولا انصح فيهاا
عليك بالخيل العربيه الاصيله الواهو اهم شي تكون معها اوراق وتتحول بأسمك
بمركز الجواد العربي

لان في الانتاج راح تجيب سعر وفي البيع تجيب سعر
وملاحظه اذا ملكتي فرس واهو لا تشبينها (تزاوجينها) الا بحصان واهو لأصالت النسب

واخيرا
مميزات الخيل العربيه هي الوفاء الرشاقه جمال الشكل والقدره والتحمل والكثيير
.......

اعمار الخيل
الافضل للركوب يكون فوق 3 سنين والافضل لكي عشاان يعمر عندك لا تاخذين الي تجاوز 6 سنين
خليك بينهم

يعني بين 3 و6 سنين

والخيل يصل عمرها الى 35 وبعضهم قال اكثر والله اعلم

واي استفسار ثاني حاظر ؟؟؟