-- بعد نقلهم .. استفساار ضروري --

[الوداع]

السلام عليكم

يعطيكم العافيه اخواني

عندي سؤال وبنفس الوقت استفسار وياليت القا الجواب عندكم

عندي زوج كروان مشتريه تقريبا من سنه وشوي يعني عمرهم حول السنتين او سنه وأشهر

وكنت حاطهم في قفص مناسب وصغير يعني مش كبيير جداا ..

وحطيت لهم عش .. وكانوا يدخلون فيه على طول لكن مافي اي نتيجة تبييض

المهم انا قلت يمكن السبب لأن مكانهم وسط البيت << لأني حاطهم في الحوش

والحمدلله الحين سويت لهم سلاكه كبيره طول 3 متر وعرض 2 وارتفاع 2 تقريبا
ومكانها بعيد جدا عن أي احد << فوق السطح
وضبطتها لهم ونقلتهم لها اليوم

سؤالي متى اضع لهم العش .؟؟

اليوم أو انتظر لما يتوالفوون عالمكان ؟؟ :confused:

[الأسد الملك]

ضع لهم العش الان

خلهم متى ماتأقلمو على الجو والمكان يدخلونها ..

ووفر لهم الغذاء المناسب المحفز على التزاوج ..

وان شاء الله تشوف احلى انتاج

[iCare]

جواب الاسد كافي ... تحية

[الوداع]

ضع لهم العش الان

خلهم متى ماتأقلمو على الجو والمكان يدخلونها ..

ووفر لهم الغذاء المناسب المحفز على التزاوج ..

وان شاء الله تشوف احلى انتاج

بارك الله فيكم

ويعطيك العافيه عالجواب وبالتحديد اخوي الاسد

وعندي سؤال ثااني ضرووري

اليوم وقبل ساعه شريت كوكتيل انجليزي

وصراحه ماني متأكد اذا كانوا ذكر وانثى او نفس الشي

لأن الانجليزي عكس الهولندي وصعب تمييزه ؟

ياليت تفيدوني :confused:

[iCare]

ما في شي اسمه كوكتيل انجليزي , و حتى تسمية الهولندي مع انها شائعة الا انها غلط و ما لها أساس ....

[iCare]

لو تبي مساعدة بتحديد الجنس حط صور الطيور للمعاينة .. تحية

[الوداع]

يعطيك العافيه عالجواب يالغالي
والله انا من عرفتهم وانا اقرأ اشوف مسمينهم >> انجليزي
بس شكلها مثل ماتقول شي اشاعه وغير صحيح
وبسئلك يالغالي بعد اذنك
الحين عادي ادخلهم على الزوةج القديم في السلاكه الجديده
علما ً بأن الطيور الجدد ما اعتقد انهم توالفوا على بعض :(

[iCare]

عادي بس افضل ابقائهم بقفص مساحته صغيرة للتوالف ..

[الوداع]

آآسف يالغالي على كثر اسئلتي
لكن والله بستغل الفرصه وبستفيد :)

يعني يالغالي تقريبا كم يبيله الذكر علشان يتزاوج مع الانثى ؟

[iCare]

تقريبا يبي له من ساعة الى شهرين ...
و احيانا اكثر بعد , ما في مدة محددة اذا كان في اعجاب بين الطرفين مباشرة يتم التوالف و احيانا التلقيح ايضا , و احيانا تخليهم لشهر مع بعض و يكون كله قتال بينهم لأنهم ما يبون بعض و حصلت لي مرة حتى اني شكيت انهم ذكر و انثى , لكن ركبتهم مع فردين آخرين و توالفوا في اقل من اسبوع او 3-4 ايام

[الوداع]

فكره جميله لما ركبتهم مع ذكرين آخرين
وانا ان شا ءالله بخليهم حاليا في ققص صغير واذا شفت ماصار شي بدخلهم مع القدم
لكن بالاول بتأكد من انهم ذكر وانثى :(
خاصةً المحل الي شريت منه مايقبل الترجيع او الاستبدال
وشايل هالهم ..
وان شاء الله خير

[الوداع]

اخواني ياليت تفيدوني
واقولها للأسف للمره الالف :(
اليوم بعد ماجلست الاحظ الطيور في القفص الصغير
اشتبهت شبه كبير ان الطيرين هم نثيتين :(

بعدها رحت وديتهم مع الطيور القديمه في السلاكه
ولما هديتهم جا الذكر القديم عندهم ويدور حوالينهم !! وزاد شكي انهم نثيتين
لكن ممكن اكون غلطان وقلت خليني اصورهم لكم علشان تتأكدون اكثر
علما بأني اعتقد ان واحد فيهم فرخ والثاني نثيه .. والطير الثاني الي بضع لكم صورته اعتقد انه مريض
لأن اغلب وقته نافش شويه ريشه ولما شفته من فتحة الاخراج وانتم بكرامه لقيت شي متراكم :(
وبضع لكم الصور وياليت تقولون لي شنو الحل مع هالمرض ؟

--

هذي صور الطيرين والطير الي على يسار هو المشتبه فيه << لأني كنت حاسبه ذكر فأبي اتأكد
والي على يمين هذي انا خذيته على انه نثيه .. لكن شكله فرخ :(
http://i217.photobucket.com/albums/cc296/alwda3/13-2.jpg

وهذا الي اعتقد انه فرخ
http://i217.photobucket.com/albums/cc296/alwda3/12-9.jpg

هني بعد ماهديتهم جاهم الذكر القديم لكن الي انا مشتبه فيه انه ذكر كان يحاول يعض الذكر القديم
وبعض احياان يهرب منه
http://i217.photobucket.com/albums/cc296/alwda3/1-27.jpg

هذا المشتبه فيه ياليت تتأكدون انه ذكر او نثيه ولو تلاحضون فتحة الاخارج ( اعزكم الله )
http://i217.photobucket.com/albums/cc296/alwda3/11-6.jpg

وهذي صوره تقريبيه لها :( !!
http://i217.photobucket.com/albums/cc296/alwda3/11-5.jpg

ما هو الحل مع هذا ؟



http://i217.photobucket.com/albums/cc296/alwda3/11-6.jpg