قطوتي فيها كحة وارتفاع في درجة الحرارة

[riyadhcat]

السلام عليكم ورحمة الله وبركاته


قطوتي مريضه وتكح وتعطس كثير


وتكح احيانا وهي تااكل وديتها للبيطري يقول فيها التهاب تنفسي وارتفاع في درجة الحراه وحقنها بمضاد وخافض للحراره ويقول لازم تستمر في نفس العلاج لمده خمس ايام


انا ابي اعالجها في البيت كيف الطريقه سمعت ان في مضاد اسمه بيتاموكس وممتاز لهذا المرض


كيف استخدم هذا العلاج لمعالجة القطوة ووين احصل على هذا العلاج في الرياض واذا في علاج ثاني مناسب لعلاج حالة قطوتي اتمنى تساعدوني



وشكرا

[hazemk]

لا تجتهد من نفسك يا صديق فالبيطري اعلم بما صاب القط.. و لا تستعمل ادوية دون استشارة البيطري و فكر دائماً انك قد تخسر قطك...

[غرووب الشمس]

اخوي

نصيحتي لا تتعبث في رئتها خلها عنده اسبوع يعالجها

[أصــاايــل]

مضاد البيتاموكس كويس لحالات البرد والزكمه والشغلات الخفيفه

بس التهاب تنفسي مادري اذا ينفع معاه ولالا

لاكن الافضل تستمر على علاج الدكتور ..

[Ava]

يا قلبي عليها

لا تحاول تعالجها بنفسك

خليها مع البيطري احسن , بس اهم شيء يكون البيطري فاهم

الله يشفيها

[كوكي]

فيها التهاب تنفسي

دام فيها التهاب يعني المضاد الحيوي احسن شئ

و ان شاء الله بتشفى

[آنـــــو]

سلامتها ماتشوف شرر

آمراض الجهاز التنفسي تحتاج عنايه منزليه وتمريض

طبعاً هذا بعد ماتوديها البيطري يعطيها آبر مضادات وخافض وبعدها تاخذ منه مضاد حيوي شراب بيتاموكس آو غيره و تتابع معها لمدة 6 الى 7 آيام

والعنايه المنزليه اللي تقدمها توفر لما مكان دااافي ومريح / آفرازات العين والآنف تنظفهم بمويه داافيه وشووووية ملح لو حبيت / ولو معها زكام وصعوبة بالتنفس وسيوله

خذ لها قطره مواليد للآنف من الصيدليه البشريه وقطر لها قطره وحده بفتحه وحده بالآنف لمدة 14 يوم بالكثير

وسوي لها بخار مع فيكس مدة 10 دقايق مرتين الى 3 مرات باليوم راح يفتح الشعب الهوائيه عندها ويساعدها آكثر على التنفس

والأكل لازم يكون دافي ويُفضل برائحه قويه وجذابه حتى تنتفتح نفسها للأكل .. والمويه تكون قريب منها على طول

وبالتووفيق